- ಜೂ. 2ರಿಂದ 11ರವರೆಗೆ ಲಾಲ್ಬಾಗ್ಗೆ ಎಲ್ಲ ಗ್ರಾಹಕರಿಗೆ ಉಚಿತ ಪ್ರವೇಶ
- 2023ರ ವಿಧಾನಸಭಾ ಚುನಾವಣೆ ಹಿನ್ನೆಲೆ, ಮಾವು ಮೇಳ ವಿಳಂಬ
ರಾಜ್ಯ ರಾಜಧಾನಿ ಬೆಂಗಳೂರಿನ ಲಾಲ್ಬಾಗ್ನಲ್ಲಿ ತೋಟಗಾರಿಕೆ ಇಲಾಖೆ ವತಿಯಿಂದ ವಾರ್ಷಿಕ ಮಾವು ಮೇಳ ಜೂನ್ 2ರಂದು ಆರಂಭವಾಗಲಿದೆ.
ನಗರದ ಲಾಲ್ಬಾಗ್ ಬೊಟಾನಿಕಲ್ ಗಾರ್ಡನ್ ಆವರಣದಲ್ಲಿ ಒಟ್ಟು 9 ದಿನಗಳ ಕಾಲ ಮಾವು ಮೇಳ ನಡೆಯಲಿದೆ. ಜೂ. 2ರಿಂದ 11ರವರೆಗೆ ಲಾಲ್ಬಾಗ್ಗೆ ಎಲ್ಲ ಗ್ರಾಹಕರಿಗೆ ಉಚಿತ ಪ್ರವೇಶ ನೀಡಲಾಗಿದ್ದು, ಈ ವರ್ಷ ನಡೆಯುವ ಮೇಳದಲ್ಲಿ ರಾಜ್ಯದ ನಾನಾ ಭಾಗಗಳಲ್ಲಿ ಬೆಳೆದ ಮಾವು ಮಾರಾಟವಾಗಲಿದೆ ಎಂದು ತೋಟಗಾರಿಕೆ ಇಲಾಖೆ ತಿಳಿಸಿದೆ.
ಪ್ರತಿ ವರ್ಷ ಲಾಲ್ಬಾಗ್ನಲ್ಲಿ ಏಪ್ರಿಲ್ ಮತ್ತು ಮೇ ತಿಂಗಳಿನಲ್ಲಿ ಈ ಮಾವು ಮೇಳ ನಡೆಯಲಿದೆ. ಈ ವರ್ಷ 2023ರ ವಿಧಾನಸಭಾ ಚುನಾವಣೆ ಹಿನ್ನಲೆ, ವಿಳಂಬವಾಗಿದೆ ಎನ್ನಲಾಗಿದೆ.
ವಾರ್ಷಿಕ ಮೇಳದಲ್ಲಿ ನಾನಾ ರಾಜ್ಯಗಳಿಂದ ಹಲವಾರು ರೈತರು ಬಂದು ಮಾವು ಮಾರಾಟ ಮಾಡುತ್ತಾರೆ. ರೈತರಿಂದ ನೇರವಾಗಿ ಗ್ರಾಹಕರಿಗೆ ಹಣ್ಣುಗಳು ಮಾರಾಟವಾಗಲಿವೆ. ಸುಮಾರು 100 ರಿಂದ 120 ಮಳಿಗೆಗಳು ಪ್ರತಿ ವರ್ಷ ಮೇಳದಲ್ಲಿರುತ್ತಿದ್ದವು. ಈ ವರ್ಷ ಆಲಿಕಲ್ಲು ಮಳೆಯಿಂದಾಗಿ ಮಾವಿನ ಇಳುವರಿ ಕಡಿಮೆಯಾಗಿದೆ. ಹಾಗಾಗಿ ಕಡಿಮೆ ಮಳಿಗೆಗಳು ತೆರೆಯಲಿವೆ ಎಂದು ತಿಳಿದುಬಂದಿದೆ.
ಈ ಸುದ್ದಿ ಓದಿದ್ದೀರಾ? ಬೆಂಗಳೂರು | ಮೀನುಗಳ ಸಾವಿನ ನಂತರವೂ ಮಡಿವಾಳ ಕೆರೆಗೆ ಹರಿದು ಬರುತ್ತಿದೆ ಕೊಳಚೆ ನೀರು
ಮೇಳದಲ್ಲಿ ಮಲ್ಲಿಕಾ, ಮಾಲ್ಗೋವಾ, ಸೆಂಧೂರ, ಸಕ್ಕರೆಗುತ್ತಿ ಸೇರಿದಂತೆ ನಾನಾ ತಳಿಯ ಮಾವಿನ ಹಣ್ಣುಗಳು ಮೇಳದಲ್ಲಿ ಇರಲಿವೆ.
