ಅಲ್ಲಮ ತನ್ನ ವಚನಗಳಲ್ಲಿ ಬಳಸಿರುವ ವಿಶಿಷ್ಟವಾದ 101 ಪದಗಳನ್ನು ಗುರುತಿಸಿ, ಪ್ರತಿ ಪದದ ಬಗ್ಗೆ ಈ ಕೆಳಗಿನ ಮಾದರಿಯಲ್ಲಿ ವಿವರಿಸಲಾಗುವುದು. ಈದಿನ ಓದುಗರಿಗಾಗಿ ಅಲ್ಲಮನ ಅರಿವು…
ವಿಚಾರವೆಂಬ ಬಲೆ
ವಿಚಾರವೆಂಬುದು
ಸಂದೇಹಕ್ಕೊಳಗು ನೋಡಾ.
ವಿಚಾರಿಸುವನ್ನಕ್ಕರ
ನೀನಾರೆಂಬುದನೆತ್ತ ಬಲ್ಲೆ? ಮರುಳೆ
ವಾಙ್ಮನೋತೀತವಾದ ಘನವು
ವಿಚಾರಕ್ಕೆ ನಿಲುಕುವುದೆ?
ಗುಹೇಶ್ವರಲಿಂಗವು
ತನ್ನ ತಿಳಿದು ನೋಡಿಹೆನೆಂಬವರನು
ವಿಚಾರವೆಂಬ ಬಲೆಯಲ್ಲಿ ಕೆಡಹಿದನು.
ವಚನಾರ್ಥ:
ತನ್ನನ್ನು ತಾನು ಏನೆಂದು ತನ್ನೊಳಗೆ ಆಲೋಚಿಸಿಕೊಳ್ಳುವುದೇ ವಿಚಾರ. ಅದೊಂದು ನಿರಂತರ ಪ್ರಕ್ರಿಯೆ. ಪ್ರಶ್ನಿಸಿಕೊಳ್ಳುವುದು, ವಿಷಯ ಸಂಗ್ರಹಣೆ ಮಾಡುವುದು, ಚಿಂತಿಸುವುದು, ಹೊಸ ಆಲೋಚನೆ, ಅಂತಿಮ ತೀರ್ಮಾನ ಇವೆಲ್ಲಾ ವಿಚಾರದ ವಿವಿಧ ಘಟ್ಟಗಳು. ಹೀಗೆ ಒಂದು ವಿಷಯವನ್ನು ವಿಚಾರಕ್ಕೊಳಪಡಿಸುವಾಗ ಹಲವಾರು ಸಂದೇಹಗಳು ಬರುತ್ತವೆ. ಅಂತರಂಗದಲ್ಲಿ ವಿಚಾರದ ಲಹರಿ ಹರಿದಂತೆಲ್ಲ ನಾನು ಯಾರು ಎಂಬ ಪ್ರಶ್ನೆಗೆ ಉತ್ತರ ಮಸುಕು ಮಸುಕಾಗಿ ಗೋಚರಿಸುತ್ತ ಹೋಗುತ್ತದೆ. ನನ್ನ ನಾ ತಿಳಿದುಕೊಂಡೆ ಎಂಬ ಘನ ವಿಚಾರವು ಸುಲಭ ಚಿಂತನೆಗೆ ದಕ್ಕುವುದಲ್ಲ. “ನಿನ್ನೊಳಗೆ ನೀ ಹೊಕ್ಕು ನಿನ್ನ ನೀನೇ ಕಂಡು ನೀನು ನೀನಾಗು ಗೆಳೆಯಾ” ಎಂದು ಬೇಂದ್ರೆಯವರ ಮಾತಿದೆ. ಅದು ವಿಚಾರದ ಬಲೆ. ವಿಚಾರವಂತರನ್ನು ಗುಹೇಶ್ವರನು ವಿಚಾರದ ಬಲೆಯಲ್ಲಿ ಕೆಡಹುತ್ತಾನೆ.
ಪದ ಪ್ರಯೋಗಾರ್ಥ:
ವಿಚಾರವೆಂಬುದೊಂದು ಬಲೆ. ಎಂತಹ ಬಲೆ? ತನ್ನನ್ನು ತಾನು ತಿಳಿದುಕೊಂಡು ನೋಡುತ್ತೇನೆ ಎಂದು ಹೊರಟವ ತನಗರಿವಿಲ್ಲದೆ ತನ್ನ ಸುತ್ತ ಕಟ್ಟಿಕೊಳ್ಳುವ ಬಲೆ. ಇದನ್ನೇ ಗುಹೇಶ್ವರ ವಿಚಾರವೆಂಬ ಬಲೆಯಲ್ಲಿ ಕೆಡಹಿದನು ಎಂದು ಅಲ್ಲಮ ಹೇಳಿದ್ದು. ತನ್ನ ತಾ ತಿಳಿದು ನೋಡಬೇಕು ಎಂಬುದು ರಮಣ ಮಹರ್ಷಿಯವರ ದಿವ್ಯ ಸಂದೇಶಗಳಲ್ಲೊಂದು. “ನಾನು ಯಾರು?” ಎಂದು ಹೇಗೆ ವಿಚಾರಿಸಿಕೊಳ್ಳಬೇಕು ಎಂಬ ಬಗ್ಗೆ ಶಿಷ್ಯರೊಬ್ಬರ 28 ಪ್ರಶ್ನೆಗಳಿಗೆ ರಮಣ ಮಹರ್ಷಿಗಳು ಉತ್ತರಿಸಿದ ಪುಟ್ಟ ಪುಸ್ತಕ ಲಭ್ಯವಿದೆ. ಈ ಪುಸ್ತಕವು ವಿಚಾರದ ಬಲೆಯಲ್ಲಿ ಸಾಧಕನೊಬ್ಬನು ತನ್ನನ್ನು ತಾನು ಕೆಡಹಿಕೊಳ್ಳುವ ಬಗೆಯನ್ನು ಮತ್ತು ಆ ಬಲೆಯಿಂದ ಮುಕ್ತನಾಗುವ ಮಾರ್ಗವನ್ನು ಸೂಚಿಸುತ್ತದೆ. ತನ್ನ ತಾ ತಿಳಿದು ನೋಡುವೆನು ಎಂಬುವವರನು ವಿಚಾರವೆಂಬ ಬಲೆಯಲ್ಲಿ ಗುಹೇಶ್ವರನು ಕೆಡಹುವನು ಎಂದು ಅಲ್ಲಮ ಹನ್ನೆರಡನೇ ಶತಮಾನದಲ್ಲಿ ಹೇಳಿದ್ದನ್ನು ಇಪ್ಪತ್ತೊಂದನೇ ಶತಮಾನದಲ್ಲಿ ರಮಣರು ಹೇಳಿದ್ದುದು ಎಲ್ಲಾ ಮಹಾತ್ಮರ ಚಿಂತನೆಗಳಲ್ಲಿ ಇರುವ ಸಾಮ್ಯತೆಗೆ ಉದಾಹರಣೆಯಾಗಿದೆ. ವಿಚಾರವೆಂಬ ಬಲೆ ಎಂಬ ಪದಪ್ರಯೋಗ ಕಾಲಾತೀತವಾದದ್ದು ಮತ್ತು ಅನನ್ಯವಾದದ್ದು.
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಸಾಯದ ಸಂಚು
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಅನುಪಮಸುಖಿ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ನೀರಲಾದ ನಿರ್ಮಿತಂಗಳು
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಹೊದಕುಳಿ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಅನುಪಮಸುಖಿ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಆಶಾಪಾಶ ವಿರಹಿತರು
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಮಡದಿಯರ ಒಲುಮೆ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಬಗೆದು ಬಿತ್ತಿದ ಬ್ರಹ್ಮಬೀಜ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ತಾನಿದ್ದಲ್ಲಿ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ನಿದ್ರೆಯೆಂಬ ಕಾಳೋರಗ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಕೀಲು ಮಡಗಿದಾತ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಮಾದುದು ಮಾದುದಲ್ಲ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಮಾಯದ ಮಂಜು
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ದಳದುಳಿ
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ಬಯಲು
ಇದನ್ನು ಓದಿದ್ದೀರಾ?: ಅಲ್ಲಮನ ಅನನ್ಯ ಪದಪ್ರಯೋಗಗಳು | ನಷ್ಟಸಂತಾನ
ಹರಿಹರ ಶಿವಕುಮಾರ್
ಲೇಖಕ, ವೃತ್ತಿಯಿಂದ ಚಾರ್ಟರ್ಡ್ ಅಕೌಂಟೆಂಟ್. ಲೆಕ್ಕಪರಿಶೋಧನೆ ಮತ್ತು ತೆರಿಗೆ ವಿಚಾರಗಳಲ್ಲಿ ಪರಿಣತಿ. ಕನ್ನಡದಲ್ಲಿ ಕಂಪ್ಯೂಟರ್ ಬಳಕೆ ಇವರ ಹವ್ಯಾಸ. ಕನ್ನಡ ಭಾಷೆ ಮತ್ತು ಸಾಹಿತ್ಯದಲ್ಲಿ ಆಸಕ್ತರು. ಶಿವಮೊಗ್ಗ ಜಿಲ್ಲೆಯವರು, ಸದ್ಯ ಬೆಂಗಳೂರಿನಲ್ಲಿ ನೆಲೆ.
