ಚಿಕ್ಕಬಳ್ಳಾಪುರ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಹಾಗೂ ಬಾಹ್ಯಾಕಾಶ ಸಂವಹನ ಕೇಂದ್ರ (ಸಾಕ್) ಸೇರಿದಂತೆ ಸ್ಟಾನ್ಫೋರ್ಡ್ ವಿಶ್ವವಿದ್ಯಾಲಯ ಮತ್ತು ಎಲ್ಸೆವಿಯರ್ ಅವರ 2025ರ ಜಾಗತಿಕ ಉಲ್ಲೇಖದಲ್ಲಿ ವಿಶ್ವದ ಶೇ.2ರ ಪಟ್ಟಿಯಲ್ಲಿ ಸಂವಹನ ವಿದ್ವಾಂಸ ಮತ್ತು ಸಂಶೋಧಕರಾದ ದೇವದಾಸ್ ಮೆನನ್ ಅವರು ಸ್ಥಾನ ಪಡೆದಿರುವುದು ಭಾತೀಯರ ಹೆಮ್ಮೆಯ ವಿಷಯವಾಗಿದೆ.
ಅದರಲ್ಲೂ ಡಾ. ದೇವದಾಸ್ ಮೆನನ್ ಅವರು ಚಿಕ್ಕಬಳ್ಳಾಪುರದವರು ಎಂಬುದು ಹೆಮ್ಮೆಗೆ ಕಾರಣವಾಗಿದ್ದು,ಇವರು ಈ ಪ್ರತಿಷ್ಠಿತ ಜಾಗತಿಕ ಪಟ್ಟಿಯಲ್ಲಿ ಸೇರ್ಪಡೆಗೊಂಡಿರುವುದು ಅಂತಾರಾಷ್ಟ್ರೀಯ ವೈಜ್ಞಾನಿಕ ಸಮುದಾಯದಲ್ಲಿ ಸಂವಹನ ಮತ್ತು ಮಾಧ್ಯಮ ಸಂಶೋಧನೆ ವಿಚಾರದಲ್ಲಿ ಹೆಚ್ಚು ಮನ್ನಣೆ ಗಳಿಸಿದಂತಾಗಿದೆ. ಡಾ.ಮೆನನ್ ಅವರು ಮನೋವಿeಜ್ಞಾನ ಮತ್ತು ಅರಿವಿನ ವಿಜ್ಞಾನಗಳ ವಿಶಾಲ ವಿಭಾಗದಡಿ ಸಂವಹನ ಮತ್ತು ಮಾಧ್ಯಮ ಅಧ್ಯಯನಗಳ ಉಪ ಕ್ಷೇತ್ರದಲ್ಲಿ 2025ರ ಪಟ್ಟಿಯಲ್ಲಿ ಸೇರ್ಪಡೆಗೊಂಡ ಏಕೈಕ ಭಾರತೀಯರಾಗಿದ್ದಾರೆ ಎಂಬುದು ವಿಶೇಷವಾಗಿದೆ.
ಸ್ಕೋಪಸ್ ಡೇಟಾದಿಂದ ಪಡೆದ ಪ್ರಮಾಣಿತ ಉಲ್ಲೇಖದ ಸೂಚಕಗಳ ಆಧಾರದ ಮೇಲೆ ಅವರು ವಿಶ್ವಾದ್ಯಂತ 15,409 ಸಂಶೋಧಕರಲ್ಲಿ 335 ನೇ ಸ್ಥಾನ ಪಡೆದಿದ್ದಾರೆ. ಅವರ ಸಂಶೋಧನೆ ಸೈಬರ್ ಸೈಕಾಲಜಿ, ಮಾನವ- ಕಂಪ್ಯೂಟರ್ ಸಂವಹನ ಮತ್ತು ಡಿಜಿಟಲ್ ಮಾಧ್ಯಮದ ನಡವಳಿಕೆ ಮೇಲೆ ಕೇಂದ್ರೀಕರಿಸಿದೆ, ತಂತ್ರಜ್ಞಾನ ಅರಿವು, ಭಾವನೆ ಮತ್ತು ಸಂವಹನ ಮಾದರಿಗಳನ್ನು ಹೇಗೆ ರೂಪಿಸುತ್ತದೆ ಎಂಬುದನ್ನು ಅನ್ವೇಷಿಸುವಲ್ಲಿ ಮೆನನ್ ಅವರ ಸಂಶೋಧನೆ ಪ್ರಮುಖ ಪಾತ್ರ ವಹಿಸಿದೆ.
ಅವರ ಅಂತರಶಿಸ್ತೀಯ ಕೆಲಸದ ಮೂಲಕ, ಸಂವಹನ, ಮಾಧ್ಯಮ ಮತ್ತು ಉದಯೋನ್ಮುಖ ಡಿಜಿಟಲ್ ತಂತ್ರಜ್ಞಾನ ಕ್ಷೇತ್ರಗಳನ್ನು ಸೇರಿಸುವ ಸೇತುವೆ ಮಾಡಿದ್ದಾರೆ. ಡಾ. ಮೆನನ್ ಅವರು ಬೆಂಗಳೂರು ವಿಶ್ವವಿದ್ಯಾನಿಲಯದಿಂದ ಸಂವಹನದಲ್ಲಿ ಪಿಎಚ್ಡಿ, ಸಮೂಹ ಸಂವಹನ, ಎಲೆಕ್ಟ್ರಾನಿಕ್ ಮಾಧ್ಯಮ ಮತ್ತು ಸಮಾಜಶಾಸ್ತ್ರದಲ್ಲಿ ಬಹು ಸ್ನಾತಕೋತ್ತರ ಪದವಿಗಳನ್ನು ಪಡೆದಿದ್ದಾರೆ, ಇದು ಮಾನವಿಕ, ಸಾಮಾಜಿಕ ವಿಜ್ಞಾನ ಮತ್ತು ತಂತ್ರಜ್ಞಾನದಾದ್ಯಂತ ಬಲವಾದ ಅಂತರಶಿಸ್ತೀಯ ಹಿನ್ನೆಲೆಯನ್ನು ಪ್ರತಿಬಿಂಬಿಸುತ್ತದೆ.
ಇದನ್ನು ಓದಿದ್ದೀರಾ..? ಎಲ್ಲಾ ಚುನಾವಣೆಗಳನ್ನು ಕಾಂಗ್ರೆಸ್ ಗೆದ್ದಾಗ ಮಾತ್ರ ಹೆಚ್ಚಿನಗೌರವ-ಶಾಸಕ ಎಸ್.ಎನ್.ಸುಬ್ಬಾರೆಡ್ಡಿ
ಡಾ. ಮೆನನ್ ಅವರು ಚಿಕ್ಕಬಳ್ಳಾಪುರದವರಾಗಿದ್ದು, ಅವರು ಈ ಪ್ರತಿಷ್ಠಿತ ಜಾಗತಿಕ ಪಟ್ಟಿಯಲ್ಲಿ ಸೇರ್ಪಡೆಗೊಂಡಿರುವುದು ಅಂತಾರಾಷ್ಟ್ರೀಯ ವೈಜ್ಞಾನಿಕ ಸಮುದಾಯದಲ್ಲಿ ಸಂವಹನ ಮತ್ತು ಮಾಧ್ಯಮ ಸಂಶೋಧನೆ ಮನ್ನಣೆ ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಸ್ಟಾನ್ಫೋರ್ಡ್-ಎಲ್ಸೆವಿಯರ್ ವರ್ಲ್ಡ್ ಟಾಪ್ ಶೇ.2 ವಿಜ್ಞಾನಿಗಳ ಪಟ್ಟಿ ವಿಶ್ವದ ಅತ್ಯಂತ ಗೌರವಾನ್ವಿತ ಶೈಕ್ಷಣಿಕ ಶ್ರೇಯಾಂಕಗಳಲ್ಲಿ ಒಂದಾಗಿದೆ, ಅವರ ಕೆಲಸ ಗಮನಾರ್ಹವಾದ ಪಾಂಡಿತ್ಯಪೂರ್ಣ ಪ್ರಭಾವ ಬೀರಿದವರನ್ನು ಗುರುತಿಸಲು ವಸ್ತುನಿಷ್ಠ ಉಲ್ಲೇಖದ ಪದವಿಗಳನ್ನು ಬಳಸಿಕೊಂಡು ವಿಭಾಗಗಳಾದ್ಯಂತ 2 ಲಕ್ಷಕ್ಕೂ ಹೆಚ್ಚು ಸಂಶೋಧಕರನ್ನು ಮೌಲ್ಯಮಾಪನ ಮಾಡಿ, ಅದರಲ್ಲಿ ಶ್ರೇಷ್ಠರಾದ ಸಂಶೋಧಕರನ್ನು ಗುರ್ತಿಸಲಾಗುತ್ತದೆ. ಇಂತಹ ಶ್ರೇಷ್ಠ ಸಂಶೋಧಕರ ಪಟ್ಟಿಯಲ್ಲಿ ಮೆನನ್ ಅವರು ಸ್ಥಾನ ಪಡೆದಿರುವುದು ಚಿಕ್ಕಬಳ್ಳಾಪುರ ಮಾತ್ರವಲ್ಲದೆ ಕರ್ನಾಟಕ ಮತ್ತು ಭಾರತಕ್ಕೂ ಹೆಚ್ಚಮೆಯ ವಿಷಯವಾಗಿದೆ.
ವಿಶ್ವದ ಅಗ್ರ ವಿಜ್ಞಾನಿಗಳ ಪಟ್ಟಿಯಲ್ಲಿ ಚಿಕ್ಕಬಳ್ಳಾಪುರದ ದೇವದಾಸ್ ಮೆನನ್ಗೆ ಸ್ಥಾನ
Date:
ಪೋಸ್ಟ್ ಹಂಚಿಕೊಳ್ಳಿ:
ಪೋಸ್ಟ್ ಹಂಚಿಕೊಳ್ಳಿ:
ಈ ಹೊತ್ತಿನ ಪ್ರಮುಖ ಸುದ್ದಿ
ವಿಡಿಯೋ
ಇದೇ ರೀತಿಯ ಇನ್ನಷ್ಟು ಲೇಖನಗಳುRelated
