ಬಾಡಿಗೆ ರದ್ದು ಮಾಡಿದ್ದಕ್ಕೆ ಕ್ಯಾಬ್ ಚಾಲಕನೊಬ್ಬ ಮಹಿಳೆಯ ವಾಟ್ಸ್ಆಪ್ಗೆ ಅಶ್ಲೀಲ ಫೋಟೋಗಳು ಮತ್ತು ವಿಡಿಯೋಗಳನ್ನು ಕಳುಹಿಸಿದ ಘಟನೆ ಬೆಂಗಳೂರಿನ ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ನಡೆದಿದೆ.
32 ವರ್ಷದ ಮಹಿಳೆಯೊಬ್ಬರು ಷೋಷಕರ ಸಭೆ ಇದ್ದ ಹಿನ್ನೆಲೆ, ಮಗಳ ಶಾಲೆಗೆ ಹೋಗಿದ್ದಾರೆ. ಸಭೆ ಮುಗಿಸಿ ಮಗಳನ್ನು ಮನೆಗೆ ಕರೆದುಕೊಂಡು ಹೋಗುವಾಗ, ಮಗಳು ನಡೆದುಕೊಂಡು ಬರಲು ಹಠ ಮಾಡಿದ್ದಾಳೆಂದು ಕ್ಯಾಬ್ ಬುಕ್ ಮಾಡಿದ್ದಾರೆ. ತುಂಬಾ ಹೊತ್ತಾದರೂ ಕ್ಯಾಬ್ ಬರದ ಕಾರಣ ಮಗಳು ಹಠ ಮಾಡುತ್ತಿದ್ದರಿಂದ ರೈಡ್ ಕ್ಯಾನ್ಸಲ್ ಮಾಡಿ ಅಲ್ಲಿಯೇ ಇದ್ದ ಆಟೋ ಏರಿ ಮನೆಗೆ ತೆರಳಿದ್ದಾರೆ.
ಇತ್ತ ರೈಡ್ ಕ್ಯಾನ್ಸಲ್ ಮಾಡಿದ ತಕ್ಷಣ ಕೋಪಗೊಂಡ ಕ್ಯಾಬ್ ಚಾಲಕ ಕರೆ ಮಾಡಿ, ಈಗಾಗಲೇ 5 ಕಿ.ಮೀ ದೂರ ಬಂದಿರುವೆ. ಲೋಕೇಷನ್ ಸಮೀಪ ಇರುವಾಗ ರೈಡ್ ಕ್ಯಾನ್ಸಲ್ ಮಾಡಿದ್ದೀರಿ” ಎಂದು ರೇಗಾಡಿದ್ದಾನೆ.
ಮಹಿಳೆ ಕ್ಷಮೆಯಾಚಿಸಿದರೂ ಕೂಡ ಬಿಡದೆ ಕ್ಯಾಬ್ ಚಾಲಕ ಕರೆ ಮಾಡಿ, ಮೆಸೇಜ್ ಮಾಡಿದ್ದಾನೆ. ಅಲ್ಲದೇ, ಅಶ್ಲೀಲ ಫೋಟೋಗಳು ಮತ್ತು ವಿಡಿಯೋಗಳನ್ನು ಕಳುಹಿಸಿ, ಪದೇಪದೆ ಕಿರಿಕಿರಿ ಉಂಟುಮಾಡಿದ್ದಾನೆ ಎಂದು ಮಹಿಳೆ ಆರೋಪಿಸಿದ್ದಾಳೆ.
ಈ ಸುದ್ದಿ ಓದಿದ್ದೀರಾ? ಬೆಂಗಳೂರು | ಕುಡಿದ ಮತ್ತಿನಲ್ಲಿ ಶಾಲಾ ಬಸ್ ಚಾಲನೆ ; ಸಾವು
ನೆರೆಮನೆಯವರು ಟ್ಯಾಕ್ಸಿ ಚಾಲಕನಿಗೆ ಬೈದಾಗ ವಾಟ್ಸ್ಆಪ್ ಸಂದೇಶಗಳನ್ನು ಡಿಲೀಟ್ ಮಾಡಿದ್ದಾನೆ ಎಂದು ಮಹಿಳೆ ದೂರು ನೀಡಿದ್ದಾಳೆ.
ಅಕ್ಟೋಬರ್ 9ರಂದು ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದು, ಕ್ಯಾಬ್ ಚಾಲಕನಿಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.
