ಅಮೆರಿಕ ನಾಗರಿಕರ ಮೊಬೈಲ್ ಹಾಗೂ ಬ್ಯಾಂಕ್ ಖಾತೆಗಳನ್ನು ಹ್ಯಾಕ್ ಮಾಡಿ ವಂಚಿಸುತ್ತಿದ್ದ ಅನಧಿಕೃತ ಕಾಲ್ಸೆಂಟರ್ ಮೇಲೆ ಬೆಳಗಾವಿ ಸೈಬರ್ ಅಪರಾಧ ವಿಭಾಗದ ಪೊಲೀಸರು ಬೃಹತ್ ದಾಳಿ ನಡೆಸಿ 33 ಆರೋಪಿಗಳನ್ನು ಬಂಧಿಸಿದ್ದಾರೆ. ಬೆಳಗಾವಿ ಅಜಂ ನಗರ ಸರ್ಕಲ್ ಬಳಿಯ ಕುಮಾರ್ ಹಾಲ್ ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಈ ಕಳ್ಳ ಕಚೇರಿಯಿಂದ 37 ಲ್ಯಾಪ್ಟಾಪ್, 37 ಮೊಬೈಲ್ಗಳು ಹಾಗೂ 3 ವೈಫೈ ರೂಟರ್ಗಳನ್ನು ವಶಕ್ಕೆ ಪಡೆಯಲಾಗಿದೆ.
ಆಂತರಿಕ ಭದ್ರತಾ ವಿಭಾಗಕ್ಕೆ (ISD) ಸಿಕ್ಕ ಮಾಹಿತಿ ಆಧಾರವಾಗಿ ಪೊಲೀಸರು ರೇಡ್ ನಡೆಸಿದ್ದು, ಆರೋಪಿ ಗುಂಪು ಅಮೆರಿಕದ ಪ್ರಜೆಗಳಿಗೆ ಕರೆ ಮಾಡಿ ಆನ್ಲೈನ್ ಟ್ರೇಡಿಂಗ್, ಹೊಸ ಮೊಬೈಲ್ ಆಫರ್, ಶೇರ್ ಟ್ರೇಡಿಂಗ್ ಆಮಿಷ ಮುಂತಾದ ನೆಪದಲ್ಲಿ ಜನರನ್ನು ಮೋಸಗೊಳಿಸುತ್ತಿದ್ದುದು ಪತ್ತೆಯಾಗಿದೆ.
ಬೆಳಗಾವಿ ನಗರ ಪೊಲೀಸ್ ಆಯುಕ್ತ ಭೂಷಣ್ ರಾವ್ ಭೋರಸೆ ತಿಳಿಸಿದ್ದಾರೆ:
ಕಳೆದ ಆರು ತಿಂಗಳಿಂದ ಈ ಕಾಲ್ಸೆಂಟರ್ ಕಾರ್ಯನಿರ್ವಹಿಸುತ್ತಿತ್ತು. ವಿಶೇಷ ಸಾಫ್ಟ್ವೇರ್ ಬಳಸಿ ಲಕ್ಷಾಂತರ ಅಮೆರಿಕಾ ಸಂಖ್ಯೆಗಳಿಗೂ ಕರೆ ಮಾಡಿದ ದಾಖಲೆ, ಹಾಗೂ ಕರೆಗಳ ವೇಳೆ ತಮ್ಮ ನಿಜವಾದ ಲೊಕೇಶನ್ ಮರೆಮಾಡಲು ನಕಲಿ ಐಪಿ/ಜಿಪಿಎಸ್ ತಂತ್ರಜ್ಞಾನ ಬಳಸಿರುವುದು ಪತ್ತೆಯಾಗಿದೆ.
ಬಂಧಿತರ ಗುರುತು
ಬಂಧಿತರ ವಯಸ್ಸು 25 ರಿಂದ 35 ವರ್ಷದ ನಡುವೆ ಇದ್ದು, ಅವರು ಅಸ್ಸಾಂ, ನಾಗಾಲ್ಯಾಂಡ್, ರಾಜಸ್ಥಾನ, ಉತ್ತರಾಖಂಡ, ಉತ್ತರ ಪ್ರದೇಶ ಸೇರಿದಂತೆ ವಿವಿಧ ರಾಜ್ಯಗಳಿಗೆ ಸೇರಿದವರಾಗಿದ್ದಾರೆ.
ವಶಪಡಿಸಿಕೊಂಡ ಪರಿಕರಗಳ ಮೌಲ್ಯ:
ಲ್ಯಾಪ್ಟಾಪ್ಗಳು – ₹6.50 ಲಕ್ಷ
ಮೊಬೈಲ್ಗಳು – ₹1.50 ಲಕ್ಷ
