ಗಜಾನನ ಮಹಾಲೆಯವರು ಪ್ರಸಾದನದಲ್ಲಿ ಪ್ರಾವಿಣ್ಯತೆಯನ್ನು ಪಡೆದವರಾಗಿದ್ದು, ಅನೇಕ ನಾಟಕ, ಸಂಗೀತ ಮತ್ತು ಚಿತ್ರಕಲೆಗಳಲ್ಲಿಯೂ ಪರಿಣತೆಯನ್ನು ಪಡೆದವರಾಗಿದ್ದು ಸರಕಾರಿ ಅನುದಾನಿತ ಟ್ರಸ್ಟ್ಗಿಂತ, ಈ ಪ್ರತಿಷ್ಠಾನ ಗಜಾನನ ಮಹಾಲೆಯವರ ವ್ಯಕ್ತಿತ್ವದಿಂದ ಅವರ ಅಭಿಮಾನಗಳಿಂದ ರಚಿತವಾಗಿದ್ದು ಇದಕ್ಕೆ ಮಹತ್ವವಿದೆ ಎಂದು ನುಡಿದರಲ್ಲದೆ ಪ್ರಸಾಧನದಲ್ಲಿ ಹೊಸ ಹೊಸ ಸೂಕ್ಷ್ಮ ರೀತಿಯಿಂದ ಬಣ್ಣದಲ್ಲಿ ಹೊಸತನವನ್ನು ಕಂಡುಕೊಂಡವರು ಅಲ್ಲದೆ, ತಮ್ಮ ಬಡತನದ ಜೀವನದಲ್ಲಿಯೂ ನಮ್ಮ ನಡುವೆ ಬದುಕಿ ಬಾಳಿ ಸಮಾಜಕ್ಕೆ ಮಾದರಿಯಾಗಿದ್ದರು ಎಂದು ಹಿರಿಯ ವಿದ್ವಾಂಸ ಡಾ. ವೀರಣ್ಣ ರಾಜೂರ ಹೇಳಿದರು.
ದಿ. ಗಜಾನನ ಮಹಾಲೆ ಕಲಾ ಪ್ರತಿಷ್ಠಾನ ವತಿಯಿಂದ ಜ. 27ರಂದು ಕರ್ನಾಟಕ ವಿದ್ಯಾವರ್ಧಕ ಸಂಘದ ರಾ.ಹ ದೇಶಪಾಂಡೆ ಸಭಾಭವನದಲ್ಲಿ ನಾಡಿನ ಶ್ರೇಷ್ಠ ಪ್ರಸಾದನ ಕಲಾವಿದ, ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಕಲಾಶ್ರೀ ದಿ. ಶ್ರೀ ಗಜಾನನ ಮಹಾಲೆಯವರ 94ನೇ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಕಲಾ ಉಪಾಸಕ ಪ್ರಶಸ್ತಿ 2026 ಅನ್ನು ಪ್ರದಾನ ಮಾಡಿ ಮಾತನಾಡಿದರು.
ಅಭಿನಯ, ಆಂಗೀಕ, ವಾಚಿಕ ಹಾಗೂ ಸಾತ್ವಿಕ, ಆಹರ್ಯ ಇವು ವ್ಯಕ್ತಿಯನ್ನು ಕಲಾವಿದರನ್ನಾಗಿ ರೂಪಿಸುತ್ತವೆ. ಅವರು ಪಾತ್ರಕ್ಕೆ ಪ್ರಸಾದನ ವೇಷಭೂಷಣದ ಮೂಲಕ ಜೀವ ತುಂಬುತ್ತಿದ್ದರು. ಅವರು ಮನೆತನದ ಪರಂಪರೆಯ ವೃತ್ತಿಗೆ ಘನತೆ ತಂದುಕೊಟ್ಟ ಅವರು ಹವ್ಯಾಸವಾಗಿ ಮೆಕಪ್, ಚಿತ್ರಕಲೆ, ಸಂಗೀತ ಕ್ಷೇತ್ರಗಳನ್ನು ಶ್ರೀಮಂತಗೊಳಿಸಿದರು. ಇಂಥವರ ನಡೆ, ನುಡಿ, ಸಾಧನೆಯಿಂದಲೇ ಧಾರವಾಡ ಸಾಂಸ್ಕೃತಿಕವಾಗಿ ಶ್ರೀಮಂತವಾಗಿದ್ದು ಎಂದರು.
ಹಿರಿಯ ಸಾಹಿತಿ ಡಾ. ಬಾಳಣ್ಣಾ ಶೀಗೀಹಳ್ಳಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಗಜಾನನ ಮಹಾಲೆ ಅವರು ಉತ್ತರ ಕರ್ನಾಟಕದ ಪ್ರಸಾದನ ಕಲೆಯಲ್ಲಿ ದಿಗ್ಗಜರಾಗಿ ಜನಮಾನಸದಲ್ಲಿ ಇಂದಿಗೂ ನೆಲೆಸಿದ್ದಾರೆ. ಅವರೊಬ್ಬ ಶ್ರೇಷ್ಠ ಕಲಾವಿದರಾಗಿದ್ದು, ಸಾಮಾನ್ಯ ನಾಗರಿಕರಂತೆ ತಮ್ಮ ಹವ್ಯಾಸಿ ಕಲೆಯೊಂದಿಗೆ ತಮ್ಮ ವೃತ್ತಿಯನ್ನು ಅಷ್ಟೇ ಶೃದ್ಧಾ ಭಕ್ತಿಯಿಂದ ಮತ್ತು ಸರಳತೆಯಿಂದ ಬದುಕಿ ತಮ್ಮ ಕುಟುಂಬದ ಜೊತೆಗೆ ಸಮಾಜದಲ್ಲಿ ಕಲೆಯ ನೆಲೆಯನ್ನ ಉಳಿಸಿದ ಮಹಾನ್ ಕಲಾವಿದ ಎಂದು ಹೇಳಿದರು.
ಇದನ್ನೂ ಓದಿ ಧಾರವಾಡ | ಮತದಾನ ನಮ್ಮ ಹಕ್ಕು, ಹೆಮ್ಮೆ, ಗೌರವದ ಸಂಕೇತ; ಅದು ಮಾರಾಟಕ್ಕಲ್ಲ: ಸಿಇಓ ಭುವನೇಶ ಪಾಟೀಲ
ಅನುರಾಗ ಸಾಂಸ್ಕೃತಿಕ ತಂಡದ ಡಾ. ಅನೀಲ ಮೇತ್ರಿ ಹಾಗೂ ಹೇಮಂತ ಲಮಾಣಿ, ಸೋಹೇಲ್ ಸೈಯದ, ಸೋಮಿಬಾಯಿ ಕುರಿಗಾರ ಸಂಗಡಿಗರಿಂದ ಸಂಗೀತ ಕಾರ್ಯಕ್ರಮ ಜರುಗಿದವು. ಪ್ರಮೀಳಾ ಜಕ್ಕಣ್ಣವರ ಪ್ರಾರ್ಥಿಸಿದರು. ವೇದಿಕೆ ಮೇಲೆ ಅಪೂರ್ವಾ ಮಹಾಲೆ ಉಪಸ್ಥಿತರಿದ್ದರು. ಕಲಾವಿದ ಬಿ. ಮಾರುತಿ ಸ್ವಾಗತಿಸಿದರು, ಬಿ.ಆಯ್. ಈಳಿಗೇರ ವಂದಿಸಿದರು. ಕೆ.ಎಚ್.ನಾಯಕ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಶಂಕರ ಕುಂಬಿ ನಿರೂಪಿಸಿದರು. ಬಿ.ಐ ಈಳಿಗೇರ ವಂದಿಸಿದರು.
ಸಂತೋಷ ಮಹಾಲೆ ಸೇರಿದಂತೆ ಹಿರಿಯ ಗಣ್ಯರಾದ ವಿದೂಷಿ ನಾಗರತ್ನಾ ಹಡಗಲಿ, ಶಶಿಧರ ತೋಡಕರ, ಎಂ.ಎಂ.ಚಿಕ್ಕಮಠ, ನಾಗರಾಜ ಹಡಗಲಿ, ಡಾ. ಅನಿಲಕುಮಾರ ಮುಗಳಿ, ಕಿರಣ ಮಹಾಲೆ, ಕೃತಿಕಾ ಸ್ನೇಹಾ, ಸೋನಮ್, ಅಕ್ಷತಾ, ಜಯಶ್ರೀ, ಸಂಪ್ರೀತಾ, ತೀಶಾ, ಪ್ರಣವ, ಸೋಹನ, ಮತ್ತು ಆದರ್ಶ, ಸೇರಿದಂತೆ ಗಜಾನನ ಮಹಾಲೆ ಅಭಿಮಾನಿ ಬಳಗದವರು ಉಪಸ್ಥಿತರಿದ್ದರು.
