“ಸರಕಾರ ಸೆಪ್ಟಂಬರ್ 1ರಂದು ರಾಷ್ಟ್ರೀಯ ಚಾಲಕರ ದಿನಾಚರಣೆಯನ್ನಾಗಿ ಘೋಷಣೆ ಮಾಡಿ ಕೇಂದ್ರ ಮತ್ತು ರಾಜ್ಯ ಸರಕಾರಗಳಿಂದ ಚಾಲಕರಿಗೆ ವಿವಿಧ ಸೌಲಭ್ಯಗಳು ಸಿಗುವಂತಾಗಬೇಕು” ಎಂದು ರಾಷ್ಟ್ರೀಯ ಅಧ್ಯಕ್ಷ ಸುರೇಂದ್ರ ಪ್ರಸಾದ ಒತ್ತಾಯಿಸಿದರು.
ಹಾವೇರಿ ಜಿಲ್ಲೆಯ ಶಿಗ್ಗಾವಿ ಪಟ್ಟಣದ ಶಾದಿ ಮಹಲ್ ನಲ್ಲಿ ಹಮ್ಮಿಕೊಂಡ ರಾಷ್ಟ್ರೀಯ ಚಾಲಕರ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.
“ದೇಶದ 22 ಕೋಟಿ ಚಾಲಕರಿಗೆ ನ್ಯಾಯ ಒದಗಿಸಲು ರಾಷ್ಟ್ರೀಯ ಚಾಲಕರ ಆಯೋಗ ಮತ್ತು ರಾಜ್ಯ ಚಾಲಕರ ಆಯೋಗವನ್ನು ರಚಿಸಬೇಕು, ಚಾಲಕರ ಮ್ಯೂಸಿಯಂ ಸ್ಥಾಪನೆ, ಚಾಲಕರು ಅಪಘಾತವಾದಲ್ಲಿ ಮರಣ ಹೊಂದಿದರೆ ಸರ್ಕಾರ ಕನಿಷ್ಠ ೧೦ ಲಕ್ಷ ರೂಪಾಯಿ ಪರಿಹಾರ ನೀಡುವಂತಾಗಬೇಕು, ಸರ್ಕಾರಿ ಸಂಸ್ಥೆಗಳಲ್ಲಿ ಗುತ್ತಿಗೆ ಹೊರಗುತ್ತಿಗೆಯಲ್ಲಿ ಕಾರ್ಮಿಕ ಚಾಲಕರನ್ನು ಸಮಾನ ವೇತನದ ಅಡಿ ಕಾಯಂಗೊಳಿಸಬೇಕು.
ಪಿಂಚಣಿ ನಿಗದಿ, ಚಾಲಕನಿಗೆ ಮೆಚ್ಯೂರಿಟಿ ವಿಮೆ, ವೈದ್ಯಕೀಯ ವಿಮೆ, ಚಾಲಕರ ಮಕ್ಕಳ ಶಿಕ್ಷಣಕ್ಕೆ ಸರಕಾರ ಸಹಕಾರ, ವಿಕಲಚೇತನ ಚಾಲಕರಿಗೆ ರಿಯಾಯತಿ ಸೇರಿದಂತೆ ವಿವಿಧ ಸೌಲಭ್ಯಗಳು ಚಾಲಕರಿಗೆ ಸಿಗುವಂತಾಗಬೇಕು” ಎಂದರು.
“ವೃತ್ತಿಪರ ಚಾಲಕರು ದೇಶಾದ್ಯಂತ ವಾಹನಗಳನ್ನು ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ಕೊಂಡೊಯ್ಯುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಸಾಮಾನ್ಯ ನಾಗರಿಕನು ಚಾಲಕನಿಂದ ಅಪಘಾತಕ್ಕೆ ಬಲಿಯಾಗುತ್ತಾನೆ. ಆದ್ದರಿಂದ ಅಪರಾಧದ ಅಡಿಯಲ್ಲಿ ಬಂಧನದಲ್ಲಿ ಜಾಮೀನು ಪಡೆಯುವ ಚಾಲಕನ ಹಕ್ಕನ್ನು ಅವನ ಕಾನೂನು ಪರವಾನಗಿ ಎಂದು ಪರಿಗಣಿಸಬೇಕು. ದೇಶಾದ್ಯಂತ ಸರಕುಗಳನ್ನು ಒಂದು ಪ್ರಾಂತ್ಯದ ಇನ್ನೊಂದು ಪ್ರಾಂತ್ಯಕ್ಕೆ ಸಾಗಿಸುವ ವೃತ್ತಿಪರ ಚಾಲಕರು. ಅವರ ಆಡಳಿತಾತ್ಮಕ ಪೊಲೀಸ್ ಸುಲಿಗೆ ಮತ್ತು ಕಿರುಕುಳವನ್ನು ನಿಲ್ಲಿಸಬೇಕು” ಎಂದು ಒತ್ತಾಯಿಸಿದರು.
“ರಾಷ್ಟ್ರೀಯ ಮಜ್ದೂರ ಕಾಂಗ್ರೇಸ್ ಜಿಲ್ಲಾದ್ಯಕ್ಷ ಎಂ ಎಂ ಕಾಲೆಬಾನ್, ಅಸಂಘಟಿತ ಕಾರ್ಮಿಕ ಇಲಾಖೆಯ ಶಶಿಧರ ಎಸ್, ಅಸಂಘಟಿತ ಕಾರ್ಮಿಕ ಮತ್ತು ನೌಕರರ ವಿಭಾಗದ ಜಿಲ್ಲಾದ್ಯಕ್ಷ ಎ ಎಂ ಪಟವೇಗಾರ, ಜಿಲ್ಲಾದ್ಯಕ್ಷ ಗಂಗಾಧರ ಅಣ್ಣೀಗೇರಿ, ಸಂಘದ ಸಭಾಪತಿ ಪ್ರರ್ವೇಜ್ ಅಹ್ಮದ್ ಮುಲ್ಲಾ, ಮಾರುತಿ ಬಡಿಗೇರ, ಗುರುನಗೌಡ ದುಂಡಿಗೌಡ್ರ, ಜಿಲ್ಲಾ ಪ್ರಚಾರಕ ಮೌಲಾಲಿ ಗುಜರಾತಿ, ಶಂಜ್ರಪ್ಪ ಮೋತೆನವರ, ಮಲ್ಲಿಕ್ ಜಾನ್ ದುಂಡಶಿ, ಇಮ್ತಿಯಾಜ್ ಚಳ್ಳಾಳ, ದುದ್ದು ಬನ್ನಿಮಟ್ಟಿ, ಗೌಸ್ ಅಗಸನಮಟ್ಟಿ, ಮಖ್ಬುಲ್ ದನ್ನೆವಾಲೆ, ಮಹ್ಮದ್ ಗೌಸ್ ಒಂಟಿ, ತಾಲೂಕ ಕುರುಬ ಸಮಾಜದ ಅದ್ಯಕ್ಷ ಪಕ್ಕೀರಪ್ಪ ಕುಂದೂರ, ಸಮಾಜಿಕ ಹೋರಾಟಗಾರ ಮಂಜುನಾಥ ಮಣ್ಣಣ್ಣವರ ಸೇರಿದಂತೆ ಸಂಘದ ಸದಸ್ಯರು, ವಿವಿಧ ಚಾಲಕರು ಇದ್ದರು.
