ಕಕಾಪ್ರ ಸಂಘದ ತುಮಕೂರಿನಲ್ಲಿ ನಡೆದ ರಾಜ್ಯ ಸಮ್ಮೇಳನದಲ್ಲಿ ರಾಜ್ಯ ಸಂಘ ನೀಡಲ್ಪಡುವ ಟಿ ಕೆ ಮಲಗೊಂಡ ಪ್ರಶಸ್ತಿಗೆ (ಅತ್ಯುತ್ತಮ ತನಿಖಾ ವರದಿ) ಬಾಜನರಾದ ವಿಜಯವಾಣಿ ದಿನ ಪತ್ರಿಕೆಯ ಹಾವೇರಿ ಜಿಲ್ಲಾ ವರದಿಗಾರ ಕೇಶವಮೂರ್ತಿ ವಿ ಬಿ ಅವರಿಗೆ ಚುಟುಕು ಸಾಹಿತ್ಯ ಬಳಗ, ಡಿವೈ ಎಫ್ ಐ ಹಾಗೂ ಅಮ್ಮಾ ಸಂಸ್ಥೆಯ ವತಿತಿಂದ ಅವರ ಕಛೇರಿಯಲ್ಲಿ ಗೌರವಿಸಿ ಸನ್ಮಾನಿಸಲಾಯಿತು.
ಸ್ನೇಹ ಜೀವಿಯಾದ ಕೇಶವಮೂರ್ತಿಯವರ ಮಾಧ್ಯಮ ಕ್ಷೇತ್ರದಲ್ಲಿನ ಅಭೂತಪೂರ್ವ ಸೇವೆ ಹಾಗೂ ಅತ್ಯುತ್ತಮ ತನಿಖಾ ವರದಿಗೆ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ ಟಿ.ಕೆ.ಮಲಗೊಂಡ ಪ್ರಶಸ್ತಿ ನೀಡಿದ್ದು ಸಂತೋಷಕರ ಹಾಗೂ ಹೆಮ್ಮೆಪಡುವ ವಿಷಯವಾಗಿದೆ. ಅವರಿಗೆ ಇನ್ನು ಹೆಚ್ಚು ಪ್ರಶಸ್ತಿಗಳು ದೊರೆಯಲಿ ಎಂದು ಶುಭಹಾರೈಸಿದರು.
ಈ ಸುದ್ದಿ ಓದಿದ್ದೀರಾ? ಗದಗ | ಪ್ರಬುದ್ಧ ರಾಷ್ಟ್ರ ನಿರ್ಮಾಣದಲ್ಲಿ ಅಂಬೇಡ್ಕರ್ ಪಾತ್ರ ಅವಿಸ್ಮರಣೀಯ: ಮಹೇಶ ಪೋತದಾರ
ಈ ಸಂದರ್ಭದಲ್ಲಿ ಕರ್ನಾಟಕ ಚುಟುಕು ಸಾಹಿತ್ಯ ಪರಿಷತ್ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಡಾ. ಗಂಗಯ್ಯ ಕುಲಕರ್ಣಿ, ಡಿವೈಎಫ್ ರಾಜ್ಯ ಕಾರ್ಯದರ್ಶಿ ಬಸವರಾಜ ಪೂಜಾರ, ಅಮ್ಮಾ ಸಂಸ್ಥೆಯ ಸಂಸ್ತಾಪಕರಾದ ನಿಂಗಪ್ಪ ಎಂ ಅರೇರ, ಶಾಂತಂವೀರಯ್ಯ ಕುಲಕರ್ಣಿ, ಈಶ್ವರಿ ಕಹಾರ ಉಪಸ್ಥಿತರಿದ್ದರು.
