ಕರ್ನಾಟಕವನ್ನು ಏಕೀಕರಣಗೊಳಿಸಲು ಸಾಹಿತಿಗಳು, ಪತ್ರಿಕೆಗಳು, ಸಂಘ ಸಂಸ್ಥೆಗಳು, ರಾಜಕೀಯ ಧುರೀಣರು ಹಾಗೂ ಅದರಗುಂಚಿ ಶಂಕರಗೌಡರ ಆಮರಣ ಉಪವಾಸದಿಂದ ಕೇಂದ್ರ ಸರ್ಕಾರವು ಭಾಷಾವಾರು ಪ್ರಾಂತಗಳ ರಚನಾ ಆಯೋಗವನ್ನು ರಚಿಸಿತು. ಆಯೋಗದ ವರದಿಯ ಪ್ರಕಾರ 1956 ನವೆಂಬರ್ 1 ರಂದು ಮೈಸೂರು ಎಂಬ ಹೆಸರು ಪಡೆದು ಅಸ್ತಿತ್ವಕ್ಕೆ ಬಂತು.1973 ರಲ್ಲಿ ಕರ್ನಾಟಕ ಎಂಬ ಪುನರ್ ನಾಮಕರಣ ಹೊಂದಿತು. ಹೀಗೆ ಕರ್ನಾಟಕದ ಏಕೀಕರಣದ ಇತಿಹಾಸ ರೋಚಕವಾಗಿದೆ ಎಂದು ಪ್ರೊ. ಕೆ.ಎಸ್. ಕೌಜಲಗಿ ಹೇಳಿದರು.
ಹುಬ್ಬಳ್ಳಿ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ನಗರ ಘಟಕ, ವಿಶ್ವ ಭಾರತಿ ಪದವಿ ಪೂರ್ವ ಕಾಲೇಜು ಹಾಗೂ ವಿಶ್ವ ಭಾರತಿ ಬಾಲಕೀಯರ ಪ್ರೌಡಶಾಲೆಯಲ್ಲಿ ಏರ್ಪಡಿಸಿದ್ದ ಶಾಂತಾ ರಾಮಚಂದ್ರ ನಾಡಗೇರ ದತ್ತಿ ಉಪನ್ಯಾಸದಲ್ಲಿ ಮಾತನಾಡಿ, ಸ್ವಾತಂತ್ರ್ಯ ಪೂರ್ವದಲ್ಲಿ ಕರ್ನಾಟಕವು ಅನೇಕ ಪ್ರಾಂತ ಮತ್ತು ಸಂಸ್ಥಾನಗಳಲ್ಲಿ ಹರಿದು ಹಂಚಿ ಇಪ್ಪತ್ತೆರಡು ತುಂಡುಗಳಾಗಿ ಬೇರೆ ಬೇರೆ ಆಡಳಿತಕ್ಕೆ ಒಳಪಟ್ಟಿತ್ತು ಎಂದರು.
ವೆಂಕಟರೆಡ್ಡಿ ಕಿರೆಸೂರ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಎಚ್ ಎಸ್ ಚೌವಡಾಪೂರ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದರು. ಡಾ. ಲಿಂಗರಾಜ ಅಂಗಡಿ ಸ್ವಾಗತಿಸಿದರು. ವಿಶ್ವ ಭಾರತಿ ಪದವಿ ಪೂರ್ವ ಹಾಗೂ ವಿಶ್ವ ಭಾರತಿ ಬಾಲಕೀಯರ ಪ್ರೌಡ ಶಾಲೆಯ ವಿದ್ಯಾರ್ಥಿನಿಯರಿಂದ ಕನ್ನಡಪರ ಗೀತೆಗಳು, ನಾಡು ನುಡಿ ಕುರಿತು ಭಾಷಣ ನಡೆದವು. ಇದೇ ಸಂದರ್ಭದಲ್ಲಿ ವೆಂಕಟರೆಡ್ಡಿ ಕಿರೆಸೂರ, ಧೀಮಂತ ಪ್ರಶಸ್ತಿ ಪುರಸ್ಕೃತ ಚನ್ನಬಸಪ್ಪ ಧಾರವಾಡಶೆಟ್ಟರ, ದತ್ತಿದಾನಿ ಶಾಂತಾ ನಾಡಿಗೇರ, ಪ್ರೊ. ಎಚ್ ಎಸ್ ಚೌವಡಾಪೂರ ಅವರನ್ನು ಸನ್ಮಾನಿಸಿದರು.
ಇದನ್ನೂ ಓದಿ ಧಾರವಾಡ | ಇತರ ರಾಜ್ಯಗಳ ಹೇರಿಕೆಯಿಂದ ಕನ್ನಡ ರಕ್ಷಿಸುವುದು ನಮ್ಮ ಕರ್ತವ್ಯ: ಶಾಸಕ ಎಂ. ಆರ್. ಪಾಟೀಲ
ವಿದ್ಯಾ ವಂಟಮುರಿ ವಂದಿಸಿದರು. ಕುಮಾರಿ ರಕ್ಷಾ ನಡ್ಲಹಳ್ಳಿ ಕಾರ್ಯಕ್ರಮ ನಿರೂಪಿಸಿದರು. ಪ್ರಾಚಾರ್ಯ ಬಿ ಜಿ ಗೋಪಾಲ, ಮುಖ್ಯಪಾಧ್ಯಾಯಿನಿ ಭಾರತಿ ಭದ್ರಾಪೂರ, ಸಂಧ್ಯಾ ದೀಕ್ಷಿತ್, ಗಿರಿಜಾ ಚಿಕ್ಕಮಠ, ಅನಸೂಯಾ ಪಾಟೀಲ್, ಸಿದ್ದಮ್ಮ ಅಡವೆಣ್ಣವರ, ಕುಮದಾ ದೇಶಪಾಂಡೆ, ಸುರೇಶ್ ಹೊರಕೇರಿ, ರೇಣುಕಾ ದೆಸಾಯಿ, ಪ್ರೊ ತ್ರಿವೇಣಿ ಚಿಪ್ಪಾಡಿ, ಪ್ರೊ. ತ್ರಿವೇಣಿ ವಾಲಿ, ಜ್ಯೋತಿ ಶಿರೋಳ, ಭಾರತಿ ಕಮಡೊಳ್ಳಿ, ಎಸ್ ಕೆ ಕೊಣ್ಣೂರ, ಯಶೋಧಾ ಬಂಡಿ, ಜಯಶ್ರೀ ಪಾಟೀಲ್ ಉಪಸ್ಥಿತರಿದ್ದರು.
