ನಮ್ಮ ಜೀವನದ ಪ್ರಸಂಗದಲ್ಲಿ ಯಾವ ರೀತಿ ವರ್ತಿಸಬೇಕು? ಎಂಬುದನ್ನು ಮಂಕುತಿಮ್ಮನ ಕಗ್ಗ ಕಲಿಸುತ್ತದೆ. ಒಟ್ಟಾರೆಯಾಗಿ ಜೀವನದ ಧರ್ಮವನ್ನು ಸಾರುತ್ತದೆ ಎಂದು ಹುಬ್ಬಳ್ಳಿ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ವತಿಯಿಂದ ಅ.15 ರ ಸಂಜೆ, ನಗರದ ನಿವೃತ್ತ ನೌಕರರ ಕ್ಷೇಮಾಭಿವೃದ್ಧಿ ಸಂಘದಲ್ಲಿ ಏರ್ಪಡಿಸಿದ್ದ ಸುನಂದಾ ರಾಜಶೇಖರ ಹಿರೇಮಠ ದತ್ತಿ ಉಪನ್ಯಾಸ ಕಾರ್ಯಕ್ರಮದಲ್ಲಿ ಉಪನ್ಯಾಸಕರಾಗಿ ಆಗಮಿಸಿದ್ದ ಮುರಳಿಧರ ಮಳಗಿ ಮಾತನಾಡಿದರು.
ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡುತ್ತಾ, ಮಂಕುತಿಮ್ಮನ ಕಗ್ಗದಲ್ಲಿ ಜೀವನದ ಯೋಗವಿದೆ. ಮತ್ತು ಆಧುನಿಕ ಭಗವದ್ಗೀತೆ ಎನಿಸಿಕೊಂಡಿದೆ. ಈ ಕೃತಿಯು ಜನಮಾನಸದಲ್ಲಿ ಮನೆಮಾಡಿದೆ. ಮಾಹಿತಿ ಎನ್ನುವುದು ಜ್ಞಾನವಲ್ಲ. ಪುಸ್ತಕದ ಅರಿವಿಗಿಂತ ಮಸ್ತಕದ ಅರಿವು ಬಲುದೊಡ್ಡದು. ವಿವಿಧತೆಯಿಂದ ಜೀವನದಲ್ಲಿ ಸುಖ ಸಾಧ್ಯವೆಂದು ಡಿವಿಜಿ ಹೇಳಿದ್ದಾರೆ. ಸಮನ್ವತಾಭಾವ ಜೀವನದಲ್ಲಿ ಬಹಳ ಮುಖ್ಯ ಪಾತ್ರ ವಹಿಸುತ್ತದೆ. ಒಂಟಿತನದ ಬೇಸರ ನಮ್ಮನ್ನು ಕಾಡಬಾರದು ಎಂದರು.
ಹಿರಿಯ ನಾಗರಿಕರ ಹಾಗೂ ನಿವೃತ್ತ ನೌಕರರ ಸಂಘದ ಅಧ್ಯಕ್ಷ ಬಿ.ಎ.ಪಾಟೀಲ್ ಮಾತನಾಡಿ, ಈ ನಿವೃತ್ತ ಸಂಘದಲ್ಲಿ ಎಲ್ಲ ದಿನಾಚರಣೆಗಳನ್ನು ಆಚರಿಸುತ್ತೇವೆ. 60 ವರ್ಷ ದಾಟಿದವರು ಹಿರಿಯ ನಾಗರಿಕರು ಈ ಸಂಘದ ಸದಸ್ಯರಾಗಿರಿ ಎಂದು ವಿನಂತಿಸಿದರು. ಹಿರಿಯ ನಾಗರಿಕರ ಸಂರಕ್ಷಣೆ ಮಾಡುವುದು ಸರ್ಕಾರದ ಕರ್ತವ್ಯ ಎಂದು ಸಂವಿಧಾನವೇ ಹೇಳುತ್ತದೆ. ಆದರೆ; ಅದನ್ನು ಸರ್ಕಾರ ಪರಿಪಾಲಿಸುತ್ತಿಲ್ಲ. ಹೀಗಾಗಿ ಹಿರಿಯ ನಾಗರಿಕರಿಗಾಗಿಯೇ ಸಪರೇಟ್ ಮಿನಿಸ್ಟರ್ ಬಜೆಟ್ ನೀಡಬೇಕು ಎಂದು ಒತ್ತಾಯಿಸಿದರು.
ಜಾನಪದ ಕಲಾವಿದೆ ಪ್ರಮೀಳಾ ಜಕ್ಕಣ್ಣವರ ಬೀಸುವ ಕಲ್ಲಿನ ಪದ, ತತ್ವಪದ ಹಾಗೂ ಮೂಲ ಜನಪದ ಗೀತೆಗಳನ್ನು ಪ್ರಸ್ತುತ ಪಡಿಸಿದರು. ಕೆ.ಎಸ್.ಕೌಜಲಗಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಗೌರವ ಉಪಸ್ಥಿತಿಯಲ್ಲಿದ್ದ ಡಾ. ಲಿಂಗರಾಜ ಅಂಗಡಿ ನಿರೂಪಿಸಿದರು. ಇದೇ ವೇಳೆ ಮುರಳಿಧರ ಮಳಗಿ, ದತ್ತಿದಾನಿ ಸುನಂದಾ ಹಿರೇಮಠ, ಪ್ರಮೀಳಾ ಜಕ್ಕಣ್ಣವರಿಗೆ ಸನ್ಮಾನಿಸಿದರು. ಕಸಾಪ ಹುಬ್ಬಳ್ಳಿ ತಾಲೂಕು ಅಧ್ಯಕ್ಷೆ ವಿದ್ಯಾ ವಂಟಮುರಿ ವಂದಿಸಿದರು.
ಈ ಸುದ್ಧಿ ಓದಿದ್ದೀರಾ? ಧಾರವಾಡ | ಅಧಿಕಾರಿಗಳ ದಿವ್ಯ ನಿರ್ಲಕ್ಷ್ಯ; ಮೂಲ ಸೌಕರ್ಯಗಳಿಲ್ಲದೆ ಬಳಲುತ್ತಿರುವ ಜನ್ನತ್ ನಗರ
ದತ್ತಿ ದಾನಿ ಸುನಂದಾ ಹಿರೇಮಠ, ಗೌರವ ಕಾರ್ಯದರ್ಶಿ ಚನ್ನಬಸಪ್ಪ ಧಾರವಾಡಶೆಟ್ಟರ್, ಗೌರವ ಕಾರ್ಯದರ್ಶಿ ಸಿದ್ದಮ್ಮ ಅಡೆವೆಣ್ಣವರ, ಆರ್ ಎಮ್ ಗೋಗೆರಿ ವೇದಿಕೆ ಮೇಲಿದ್ದರು. ಹಿರಿಯ ನಾಗರಿಕರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
