ಸಾಹಿತ್ಯ ಅಕಾಡೆಮಿ ಹಾಗೂ ಶಕ್ತಿ ಶಾರದೆಯ ಮೇಳ, ಭಾಗ್ಯನಗರ ಇವರ ಸಂಯುಕ್ತಾಶ್ರಯದಲ್ಲಿ ಕೊಪ್ಪಳ ನಗರದಲ್ಲಿ ʼಸೃಜನ ಸಮ್ಮಿಲನʼ ಕಾರ್ಯಕ್ರಮ ಇದೇ ನವಂಬರ್ 30ರಂದು ನಡೆಯಲಿದೆ.
ಕಾವ್ಯ, ಕಥೆ, ಕಲೆ–ಸಾಹಿತ್ಯ ವಿಚಾರಗಳಿಂದ ಸಮೃದ್ಧಗೊಂಡ ಈ ಕಾರ್ಯಕ್ರಮವನ್ನು ಕೊಪ್ಪಳದ ರಾಜ್ಯ ಸರಕಾರಿ ನೌಕರರ ಸಾಂಸ್ಕೃತಿಕ ಭವನದಲ್ಲಿ ಆಯೋಜಿಸಲಾಗಿದೆ. ಕೊಪ್ಪಳ ವಿಶ್ವವಿದ್ಯಾಲಯದ ಕುಲಪತಿ ಬಿ ಕೆ ರವಿ ಅವರು ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಅಲ್ಲಮಪ್ರಭು ಬೆಟ್ಟದೂರು ವಹಿಸಲಿದ್ದಾರೆ.
ಕಾವ್ಯ ಪ್ರಸ್ತುತಿ-ಸಾವಿತ್ರಿ ಮುಜುಮದಾರ, ಕಥಾ ಪ್ರಸ್ತುತಿ-ಇಸ್ಮಾಯಿಲ್ ತಳಕಲ್, ಆತ್ಮಕಥೆ ಪ್ರಸ್ತುತಿ-ಎ ಎಮ್ ಮದರಿ, ಪ್ರಬಂಧ- ಈರಪ್ಪ ಕಂಬಳಿ ಪ್ರಸ್ತುತ ಪಡಿಸಲಿದ್ದಾರೆ.
ಇದನ್ನೂ ಓದಿ: ಕೊಪ್ಪಳ | ತೆಪ್ಪ ಮುಳಿಗಿ ಇಬ್ಬರು ಮೀನುಗಾರರು ಸಾವು
ಕಾರ್ಯಕ್ರಮದಲ್ಲಿ ಸಾಹಿತ್ಯ ಪ್ರೇಮಿಗಳು, ವಿದ್ಯಾರ್ಥಿಗಳು ಹಾಗೂ ವಿವಿಧ ಕಲಾ ಕ್ಷೇತ್ರದ ವ್ಯಕ್ತಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಲು ಕೋರಲಾಗಿದೆ.
