ಉತ್ತರ ಕನ್ನಡ: ಟೆಲಿಗ್ರಾಮ್ ಮೂಲಕ ಆನ್ಲೈನ್ ಪಾರ್ಟ್ ಟೈಮ್ ಕೆಲಸ ನೀಡುವುದಾಗಿ ನಂಬಿಸಿ ವ್ಯಕ್ತಿಯೊಬ್ಬರಿಗೆ ಲಕ್ಷಾಂತರ ರೂಪಾಯಿ ವಂಚಿಸಿರುವ ಘಟನೆ ಕಾರವಾರದ ಸೈಬರ್ ಕ್ರೈಂ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಬೆಳಕಿಗೆ ಬಂದಿದೆ. ಮುಂಡಗೋಡ ತಾಲೂಕಿನ ಮಳಗಿ ನಿವಾಸಿಯಾದ ಅಕ್ಷಯ ಸುರೇಶ ರೇವಣಕರ (33) ಎಂಬುವವರು ವಂಚನೆಗೊಳಗಾದ ವ್ಯಕ್ತಿ ಎಂದು ತಿಳಿದುಬಂದಿದೆ.
ದಿನಾಂಕ 30-12-2025 ರಂದು ಪಿರ್ಯಾದಿದಾರರು ಟೆಲಿಗ್ರಾಮ್ ಬಳಸುತ್ತಿದ್ದಾಗ, ‘Nisha Mehta’ ಎಂಬ ಐಡಿಯಿಂದ ಪಾರ್ಟ್ ಟೈಮ್ ಕೆಲಸದ ಜಾಹೀರಾತು ಬಂದಿತ್ತು. ಅದನ್ನು ಕ್ಲಿಕ್ ಮಾಡಿದಾಗ ಅವರು ‘Task 3 Bajaj VIP’ ಎಂಬ ಗ್ರೂಪ್ಗೆ ಸೇರ್ಪಡೆಯಾಗಿದ್ದರು.
ಈ ಗ್ರೂಪ್ನ ಅಡ್ಮಿನ್ ಆಗಿದ್ದ ‘Suresh Malhotra’ ಎಂಬ ವ್ಯಕ್ತಿಯು ಕೆಲಸದ ಬಗ್ಗೆ ಮಾಹಿತಿ ನೀಡಿ, ಒಂದು ವೆಬ್ಸೈಟ್ ಲಿಂಕ್ ಕಳುಹಿಸಿದ್ದನು. ಅದರಲ್ಲಿ ವಿವಿಧ ಕಂಪನಿಗಳ ಉತ್ಪನ್ನಗಳಿಗೆ ರೇಟಿಂಗ್ ಮತ್ತು ರಿವ್ಯೂ ನೀಡುವ ಕೆಲಸವನ್ನು ಅಕ್ಷಯ ಅವರಿಗೆ ನೀಡಲಾಗಿತ್ತು.
ನಂತರ ದಿನಾಂಕ 31-12-2025 ರಂದು ‘Sizzle’ ಎಂಬ ಹೆಸರಿನ ಮತ್ತೊಂದು ವೆಬ್ಸೈಟ್ ಮೂಲಕ ರಿವ್ಯೂ ನೀಡುವ ಕೆಲಸ ಮುಂದುವರೆಸಿದಾಗ, ಅಕ್ಷಯ ಅವರ ಖಾತೆಗೆ ಲಾಭಾಂಶದ ರೂಪದಲ್ಲಿ 500 ರೂಪಾಯಿ ಜಮಾ ಆಗಿತ್ತು. ಇದರಿಂದ ನಂಬಿಕೆ ಬಂದ ಅಕ್ಷಯ ಅವರಿಗೆ, ಹೆಚ್ಚಿನ ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ಗಳಿಸಬಹುದು ಎಂದು ಆರೋಪಿಗಳು ನಂಬಿಸಿದ್ದರು. ಇದನ್ನು ನಂಬಿದ ಪಿರ್ಯಾದಿದಾರರು ಮೊದಲು 700 ರೂಪಾಯಿ ಹೂಡಿಕೆ ಮಾಡಿದಾಗ ಅವರಿಗೆ 920 ರೂಪಾಯಿ ವಾಪಸ್ ಬಂದಿದೆ ಇದನ್ನು ನಂಬಿ
ಈ ಸುದ್ದಿ ಓದಿದ್ದೀರಾ? ಮುಂಡಗೋಡ | ಸಬ್ ರಿಜಿಸ್ಟ್ರಾರ್ ಆಫೀಸ್ ನಲ್ಲಿ ಡಿಜಿಟಲ್ ಇ-ಸ್ಟ್ಯಾಂಪ್ ಕುರಿತು ತರಬೇತಿ ಕಾರ್ಯಾಗಾರ ಆಯೋಜನೆ
ಹೆಚ್ಚಿನ ಲಾಭದ ಆಸೆಗೆ ಬಿದ್ದ ಅಕ್ಷಯ ಅವರು ದಿನಾಂಕ 01-01-2026 ರಿಂದ 02-01-2026 ರ ಅವಧಿಯಲ್ಲಿ ಹಂತ ಹಂತವಾಗಿ ವಿವಿಧ ಬ್ಯಾಂಕ್ ಖಾತೆಗಳಿಗೆ ಒಟ್ಟು 1,57,800 ರೂಪಾಯಿಗಳನ್ನು ಜಮಾ ಮಾಡಿದ್ದಾರೆ.
ಆದರೆ ಹಣ ಪಾವತಿಸಿದ ನಂತರ ಆರೋಪಿಗಳು ಅಕ್ಷಯ ಅವರಿಗೆ ಯಾವುದೇ ಲಾಭಾಂಶವನ್ನಾಗಲಿ ಅಥವಾ ಅವರು ಹೂಡಿಕೆ ಮಾಡಿದ ಅಸಲು ಹಣವನ್ನಾಗಲಿ ಮರಳಿ ನೀಡದೆ ವಂಚಿಸಿದ್ದಾರೆ. ತಾನು ಮೋಸ ಹೋಗಿರುವುದು ತಿಳಿದುಬಂದ ಕೂಡಲೇ ಅವರು ಕಾರವಾರದ ಸೈಬರ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಈ ಕುರಿತು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
