ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ(ಜಿಬಿಎ) ವ್ಯಾಪ್ತಿಯಲ್ಲಿ ಸಾಮಾಜಿಕ ಮತ್ತು ಶೈಕ್ಷಣಿಕ ಸ್ಥಿತಿ-ಗತಿ ಸಮೀಕ್ಷೆ ಕಾರ್ಯ ನಡೆಯುತ್ತಿದ್ದು, ಸಮೀಕ್ಷೆ ಪ್ರಾರಂಭದಿಂದ ಈವರೆಗೆ 14.27 ಲಕ್ಷ ಮನೆಗಳ ಸಮೀಕ್ಷೆ ನಡೆಸಲಾಗಿದೆ.
ಅಕ್ಟೋಬರ್ 14ರಂದು 5 ನಗರ ಪಾಲಿಕೆಗಳಲ್ಲಿ ರಾತ್ರಿ 08.15ರವರೆಗೆ 1,07,006 ಮನೆಗಳನ್ನು ಸಮೀಕ್ಷೆ ನಡೆಸಲಾಗಿದೆ. ಕಳೆದ 11 ದಿನಗಳಲ್ಲಿ ಜಿಬಿಎ 5 ನಗರ ಪಾಲಿಕೆಗಳ ವ್ಯಾಪ್ತಿಯಲ್ಲಿ ಒಟ್ಟು 14,27,759 ಮನೆಗಳ ಸಮೀಕ್ಷೆಯಾಗಿದೆ.
ನಗರ ಪಾಲಿಕೆವಾರು ಸಮೀಕ್ಷೆ ನಡೆಸಿದ ಒಟ್ಟು ಮನೆಗಳ ವಿವರ
- ಕೇಂದ್ರ ನಗರ ಪಾಲಿಕೆ : 1,87,085
- ಪೂರ್ವ ನಗರ ಪಾಲಿಕೆ : 2,16,538
- ಉತ್ತರ ನಗರ ಪಾಲಿಕೆ : 3,47,416
- ದಕ್ಷಿಣ ನಗರ ಪಾಲಿಕೆ : 2,57,549
- ಪಶ್ಚಿಮ ನಗರ ಪಾಲಿಕೆ : 4,19,171
ಸಮೀಕ್ಷಾದಾರರು ನಿಮ್ಮ ಮನೆಗಳಿಗೆ ಬರುವ ವೇಳೆ ಸಾಮಾಜಿಕ ಹಾಗೂ ಶೈಕ್ಷಣಿಕ ಸಮೀಕ್ಷೆಯಲ್ಲಿ ಸಹಕರಿಸಲು ಮತ್ತು ಭಾಗವಹಿಸಲು ಎಲ್ಲ ನಾಗರಿಕರಲ್ಲಿ ಜಿಬಿಎ ವಿನಂತಿಸಿದ್ದು, ನಾಗರಿಕರೂ ಕೂಡ ಸ್ವತಃ https://kscbcselfdeclaration.karnataka.gov.in/ ಮೂಲಕ ಸಮೀಕ್ಷೆಯಲ್ಲಿ ಪಾಲ್ಗೊಳ್ಳಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
