ಹಿರಿಯ ಸಾಹಿತಿ ಹಾಗೂ ಸಾಂಸ್ಕೃತಿಕ ಚಿಂತಕ ಬುದ್ಧಘೋಷ ದೇವೇಂದ್ರ ಹೆಗ್ಗಡೆ ಅವರಿಗೆ ನುಡಿನಮನ ಕಾರ್ಯಕ್ರಮವು ಡಾ. ರವೀಂದ್ರನಾಥ ಹೊಸಮನಿಯವರ ಅಧ್ಯಕ್ಷತೆಯಲ್ಲಿ ಬುಧವಾರ ಶಾಹಪುರದಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ವತಿಯಿಂದ ಆಯೋಜಿಸಲಾಗಿತ್ತು.
ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಉತ್ತರ ಕರ್ನಾಟಕ ರಕ್ಷಣಾ ವೇದಿಕೆಯ ಅಧ್ಯಕ್ಷ ಡಾ. ಶರಣು ಬಿ. ಗದ್ದುಗೆ, “ಹೆಗ್ಗಡೆ ಅವರ ಬೌದ್ಧಿಕ ಚಿಂತನೆ, ವೈಚಾರಿಕ ಚರ್ಚೆಗಳು ಸಮಾಜಕ್ಕೆ ಪ್ರಬುದ್ಧತೆ ನೀಡಿದವು. ಬುದ್ಧ, ಬಸವ, ಅಂಬೇಡ್ಕರರ ತತ್ವಗಳನ್ನು ತಮ್ಮ ಜೀವನದ ಉಸಿರಾಗಿಸಿಕೊಂಡು ಜನಮಟ್ಟದಲ್ಲಿ ಹರಡುವಲ್ಲಿ ಹೆಗ್ಗಡೆ ಅಪಾರ ಶ್ರಮಪಟ್ಟರು. ಅವರ ಅಗಲಿಕೆ ಸಾಹಿತ್ಯ ಹಾಗೂ ಸಾಂಸ್ಕೃತಿಕ ಕ್ಷೇತ್ರಗಳಿಗೆ ತುಂಬಲಾರದ ನಷ್ಟ” ಎಂದರು.
ಸುರಪುರ ಬುದ್ಧವಿಹಾರದ ಅಧ್ಯಕ್ಷ ವೆಂಕಟೇಶ ಹೊಸಮನಿ, “ಹೆಗ್ಗಡೆ ಅವರ ವ್ಯಕ್ತಿತ್ವ ನನ್ನ ಜೀವನ ಹಾಗೂ ಹೋರಾಟಗಳಿಗೆ ಸ್ಪೂರ್ತಿಯಾಗಿದೆ” ಎಂದರೆ, ಹಿರಿಯ ಸಾಹಿತಿ ಶಿವಣ್ಣ ಇಜೇರಿ, “ಬುದ್ಧ–ಬಸವ–ಅಂಬೇಡ್ಕರ್ ಮಾರ್ಗವನ್ನೇ ಅನುಸರಿಸಿದ ಹೆಗ್ಗಡೆ ಅವರು ದೈಹಿಕವಾಗಿ ಅಗಲಿದ್ದರೂ, ಅವರ ವಿಚಾರಗಳು ಸದಾಕಾಲ ನಮ್ಮೊಂದಿಗೆ ಇರುತ್ತವೆ. ಅವರ ಉದಾತ್ತ ವಿಚಾರಗಳು ಹಾಗೂ ದೂರದೃಷ್ಟಿಯ ವ್ಯಕ್ತಿತ್ವ ಸದಾ ಪ್ರೇರಣೆಯಾಗಿವೆ” ಎಂದು ಹೇಳಿದರು.
ಇದೆ ವೇಳೆ ಸಾಹಿತಿ ವಿಶ್ವರಾಧ್ಯ ಸತ್ಯಂಪೇಟ್ ಮಾತನಾಡಿ, “ಹೆಗ್ಗಡೆ ಅವರು ಹೋರಾಟ ಮನೋಭಾವನೆಯ ಚಿಂತಕರು. ಬುದ್ಧ ಮಲಗಿದ ಬೆಟ್ಟವನ್ನು ಥೀಮ್ ಪಾರ್ಕ್ ಆಗಿ ರೂಪಿಸುವ ಕನಸು ಕಂಡಿದರು. ಹೆಗ್ಗಡೆಯವರನ್ನು ಸುಟ್ಟಿಲ್ಲ, ಬಿತ್ತಲ್ಲಪಟ್ಟಿದ್ದಾರೆ. ಅವರ ಸ್ಮರಣೆಯ ದಿನದಂದು ವೈಚಾರಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದರ ಮೂಲಕ ನೆನಪು ಅಜರಾಮರಗೊಳಿಸಬೇಕಿದೆ” ಎಂದರು.
ಪ್ರಗತಿಪರ ಚಿಂತಕ ನೀಲಕಂಠ ಬಡಿಗೇರ ಮಾತನಾಡಿ, “ಹೆಗ್ಗಡೆಯವರು ಸಾಮಾಜಿಕ ಚಳುವಳಿಗಳಿಗೆ ಸಾಂಸ್ಕೃತಿಕ ಆಯಾಮ ನೀಡಿದ ತಾಯಿ ಹೃದಯದ ಚಿಂತಕರಾಗಿದ್ದರು ಎಂದು ಸ್ಮರಿಸಿದರು. ಬೌದ್ಧ ಧರ್ಮವನ್ನು ಚಳುವಳಿಯಾಗಿ ಪರಿವರ್ತಿಸಲು ಕನಸು ಕಂಡವರು. ಶಾಹಪುರದ ಬುದ್ಧ ಮಲಗಿದ ಬೆಟ್ಟದ ಕುರಿತಾಗಿ ಸಾಹಿತ್ಯ ರಚಿಸಿ ಹಾಡುಗಳ ಮೂಲಕ ದೇಶಾದ್ಯಂತ ಪ್ರಚಾರ ಮಾಡಿದ ಹೆಗ್ಗಳಿಕೆ ಅವರದು. ನನ್ನ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹಿಸಿದ ಹೆಗ್ಗಡೆ ಅವರ ಚಿಂತನೆ, ಹೋರಾಟ ಮತ್ತು ಬರಹಗಳು ನನ್ನ ಬದುಕಿಗೆ ದಿಕ್ಕು ತೋರಿವೆ” ಎಂದು ನುಡಿದರು.
ಈ ಸಂದರ್ಭದಲ್ಲಿ ಹಿರಿಯ ಸಾಹಿತಿ ಡಾ. ಅಬ್ದುಲ್ ಕರೀಮ್ ಕನ್ಯಾಕೋಳೂರು, ಹಿರಿಯ ಮುಖಂಡ ಸಣ್ಣನಿಂಗಪ್ಪ ನಾಯ್ಕೊಡಿ,ರೈತಪರ ಚಿಂತಕ ಶರಣಪ್ಪ ಸಲಾದಪುರ,ಡಾ. ಭೀಮಪ್ಪ ಭಂಡಾರಿ, ಡಾ. ದೇವಪ್ಪ ಹೊಸಮನಿ, ನಿಂಗಪ್ಪ ಮಾಸ್ತರ, ಭೀಮರಾಯ ದೊಡ್ಡಮನಿ ಸೇರಿದಂತೆ ಅನೇಕರೂ ನುಡಿನಮನ ಸಲ್ಲಿಸಿದರು.
ಕಾರ್ಯಕ್ರಮದಲ್ಲಿ ಡಾ. ಗೋವಿಂದರಾಜ ಆಲ್ದಾಳ, ಅಶೋಕ ಚೌದರಿ, ಬಾಬುರಾವ ಬೂತಾಳೆ, ಡಾ. ರಾಘವೇಂದ್ರ ಹಾರಣಗೇರಾ, ನಿಂಗಣ್ಣ ನಾಟೇಕರ, ಸಾಯಬಣ್ಣ ಪಾರ್ಲೆ, ಸಂತೋಷ ಜುನ್ನಾ, ಡಾ. ಗಂಗಪ್ಪ ಹೊಸಮನಿ, ರಂಗನಾಥ ದೊರೆ, ಬಿ ಎಮ್ ಪೂಜಾರಿ, ಮೀನಾಕ್ಷಿ ಹೊಸಮನಿ, ರಾಹುಲ ಹುಲಿಮನಿ, ಸಿದ್ಧಣ್ಣ ತನಕೆದಾರ, ಮಲ್ಲಪ್ಪ ಬಿರನೂರ, ಮೊನಯ್ಯ ಹೊಸಮನಿ, ಹಣಮಂತ ಕಾಂಬಳೆ, ಶಾಂತಪ್ಪ ಕಟ್ಟಿ, ಅಂಬ್ಲಯ್ಯ ಸೈದಾಪುರ, ದೌವಲಪ್ಪ ಸಜ್ಜನ, ಮರೆಪ್ಪ ಜಾಲಿಮಂಚಿ, ರಾಯಪ್ಪ ಸಾಲಿಮನಿ, ಶಾಂತಪ್ಪ ಹಾರಣಗೇರಾ, ಶ್ರೀನಿವಾಸ ಕಶೆಟ್ಟಿ, ಮರೆಪ್ಪ ಜಾಲಿಮಚಿ, ನಿಂಗಣ್ಣ ನಟ್ಟೇಕರ್, ನಿಂಗಪ್ಪ ದೋರನಹಳ್ಳಿ, ವಿಶ್ವ ಬಿರನೂರ್, ಪ್ರಭಾಕರ್ ಹೊಸಮನಿ, ಮೋಹನಕುಮಾರ್ ಹೊಸಮನಿ, ಬಸವರಾಜ್ ಚಿಪ್ಪರ್, ಅಯ್ಯಪ್ಪ ವಡಗೇರಾ, ಮುಂತಾದವರು ಉಪಸ್ಥಿತರಿದ್ದರು.
