ಮಾರ್ಕೊ ಸಿನಿಮಾಗೆ ಬ್ಯಾನ್‌ ಭೀತಿ

ಉನ್ನಿ ಮುಕುಂದನ್‌ ನಟನೆಯ ಮಾರ್ಕೊ ಸಿನಿಮಾವನ್ನು ಮಲಯಾಳಂ ಚಿತ್ರರಂಗದ ಇತಿಹಾಸದಲ್ಲಿಯೇ ಅತ್ಯಂತ ಹಿಂಸಾತ್ಮಕ ಸಿನಿಮಾ ಎಂದು ಹೇಳಲಾಗುತ್ತಿದೆ. ಈ ಸಿನಿಮಾವನ್ನು ಸೋನಿ ಲಿವ್‌ ಒಟಿಟಿಯಿಂದ ತೆಗೆಯುವಂತೆ ಕೇರಳ ಸೆನ್ಸಾರ್‌ ಮಂಡಳಿಯು ಕೇಂದ್ರ ಸೆನ್ಸಾರ್‌ ಮಂಡಳಿಗೆ ಪತ್ರ ಬರೆದಿದೆ. ಕೇಂದ್ರ ಸೆನ್ಸಾರ್‌ ಮಂಡಳಿಯು (ಸಿಬಿಎಫ್ಸಿ) ಕ್ರಮ ಕೈಗೊಂಡರೆ ಒಟಿಟಿಯಿಂದಲೂ ಮಾರ್ಕೊ ಸಿನಿಮಾಕ್ಕೆ ಗೇಟ್‌ಪಾಸ್‌ ದೊರಕಲಿದೆ. ಈಗಾಗಲೇ ಕೇಂದ್ರ ಸೆನ್ಸಾರ್‌ ಮಂಡಳಿಯು ಮಾರ್ಕೊ ಸಿನಿಮಾಕ್ಕೆ ಸ್ಯಾಟ್‌ಲೈಟ್‌ ಪ್ರಸಾರದ ಹಕ್ಕುಗಳನ್ನು ನೀಡಲು ನಿರಾಕರಿಸಿತ್ತು. ಇದೀಗ ಒಟಿಟಿಯಲ್ಲೂ ನಿಷೇಧದ ಭೀತಿ ಎದುರಾಗಿದೆ.