ಛತ್ತೀಸ್ಘಡದ ಬಸ್ತರ್ ಜಿಲ್ಲೆಯ ದಾಂತೇವಾಡದಲ್ಲಿ ನಕ್ಸಲರು ಭಾರತೀಯ ಸೇನಾ ವಾಹನ ಸ್ಫೋಟಗೊಳಿಸಿದ ಪರಿಣಾಮ ಓರ್ವ ನಾಗರಿಕ ಸೇರಿ 10 ಯೋಧರು ಮೃತಪಟ್ಟಿದ್ದಾರೆ.
ನಕ್ಸಲರು ಸುಧಾರಿತ ಸ್ಪೋಟಕ ಸಾಧನ (ಐಎಂಡಿ) ಬಳಸಿ ಸ್ಫೋಟಿಸಿದ್ದಾರೆ ಎಂದು ಸೇನಾ ಮೂಲಗಳು ತಿಳಿಸಿವೆ. ಮಾವೋ ವಿರೋಧಿ ಕಾರ್ಯಾಚರಣೆ ಮುಗಿಸಿ ಸೇನಾ ವಾಹನ ವಾಪಸ್ ಬರುತ್ತಿದ್ದಾಗ ಸ್ಫೋಟಗೊಳಿಸಲಾಗಿದೆ. ಘಟನೆಯಲ್ಲಿ ಗಾಯಗೊಂಡವರ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.
ಕಳೆದ ವಾರವಷ್ಟೆ ಭದ್ರತಾ ಪಡೆಗಳ ಮೇಲೆ ದಾಳಿ ನಡೆಸುವುದಾಗಿ ನಕ್ಸಲರಿಂದ ಬೆದರಿಕೆ ಪತ್ರ ಬಂದಿತ್ತು ಎಂದು ಸೇನಾ ಮೂಲಗಳು ತಿಳಿಸಿವೆ.
