- 2021-22ರ ಸಾಲಿನಲ್ಲಿ 12 ಸಹಕಾರಿ ಬ್ಯಾಂಕ್ಗಳ ಪರವಾನಗಿ ರದ್ದು ಮಾಡಿರುವ ಆರ್ಬಿಐ
- ನಿಯಮ ಉಲ್ಲಂಘನೆ ಆರೋಪದಲ್ಲಿ 114 ಬಾರಿ ದಂಡ ವಿಧಿಸಿರುವ ರಿಸರ್ವ್ ಬ್ಯಾಂಕ್
ಸಹಕಾರಿ ಬ್ಯಾಂಕ್ಗಳ ವಿರುದ್ಧ ರಿಸರ್ವ್ ಬ್ಯಾಂಕ್ ಕಠಿಣ ಕ್ರಮಗಳನ್ನು ಕೈಗೊಳ್ಳುತ್ತಿರುವುದರಿಂದ ಮುಂಬರುವ ದಿನಗಳಲ್ಲಿ ಅಧಿಕ ಬಡ್ಡಿಗಾಗಿ ಅಥವಾ ಸುಲಭ ಸಾಲಕ್ಕಾಗಿ ಈ ಬ್ಯಾಂಕ್ಗಳನ್ನು ಬಳಸುತ್ತಿರುವ ಗ್ರಾಹಕರು ಸಂಕಷ್ಟ ಎದುರಿಸಲಿದ್ದಾರೆ. ಇದೀಗ ಮಾರ್ಚ್ 31ಕ್ಕೆ ಕೊನೆಯಾದ 2022-23ನೇ ಹಣಕಾಸಿನ ವರ್ಷದಲ್ಲಿ 8 ಸಹಕಾರಿ ಬ್ಯಾಂಕ್ಗಳ ಪರವಾನಗಿಯನ್ನು ಆರ್ಬಿಐ ರದ್ದುಮಾಡಿದೆ.
ಪರವಾನಗಿ ರದ್ಧತಿ ಜತೆಗೆ ಕೆಲವು ದೊಡ್ಡ ಬ್ಯಾಂಕುಗಳಿಗೆ ಆರ್ಬಿಐ ಭಾರೀ ಮೊತ್ತದ ದಂಡವನ್ನೂ ವಿಧಿಸಿದೆ. ರಿಸರ್ವ್ ಬ್ಯಾಂಕ್ನ ಕಠಿನ ನಿಲುವಿನಿಂದ ಸಹಕಾರಿ ಬ್ಯಾಂಕ್ಗಳು ಗರಿಷ್ಠ ನಷ್ಟ ಅನುಭವಿಸುತ್ತಿವೆ. ನಿಯಮ ಉಲ್ಲಂಘನೆ ಆರೋಪದಲ್ಲಿ ಸಹಕಾರಿ ಬ್ಯಾಂಕ್ಗಳಿಗೆ ಈಗಾಗಲೇ 114 ಬಾರಿ ದಂಡ ವಿಧಿಸಲಾಗಿದೆ.
ಗ್ರಾಮೀಣ ಭಾಗಗಳಲ್ಲಿ ಸಹಕಾರಿ ಬ್ಯಾಂಕ್ಗಳಿಂದಾಗಿ ಆರ್ಥಿಕ ವ್ಯವಹಾರಗಳು ಸುಗಮವಾಗಿ ಸಾಗುತ್ತಿವೆ. ವ್ಯಾಪಾರ- ವಹಿವಾಟು, ಗೃಹಸಾಲಗಳು ಜನರ ಕೈಗೆಟಕುತ್ತಿವೆ. ಆದರೆ ಈ ಬ್ಯಾಂಕ್ಗಳಲ್ಲಿ ನಡೆಯುತ್ತಿರುವ ಅಕ್ರಮ ವ್ಯವಹಾರಗಳ ಮೇಲೆ ಆರ್ಬಿಐ ಹದ್ದಿನ ಕಣ್ಣಿಟ್ಟಿದೆ. 2021-22ರ ಸಾಲಿನಲ್ಲಿ 12 ಸಹಕಾರಿ ಬ್ಯಾಂಕ್ಗಳ ಪರವಾನಗಿಯನ್ನು ಆರ್ಬಿಐ ರದ್ದು ಮಾಡಿತ್ತು.
ನಿಯಮಗಳ ಉಲ್ಲಂಘನೆ ಆರೋಪ
ದುರ್ಬಲ ಹಣಕಾಸು ವ್ಯವಹಾರ ಹೊರತುಪಡಿಸಿ ಸಹಕಾರಿ ಬ್ಯಾಂಕುಗಳು ಸ್ಥಳೀಯ ಮುಖಂಡರು ಮತ್ತು ಸ್ಥಳೀಯ ಶ್ರೀಮಂತ ವ್ಯಕ್ತಿಗಳ ಅಧಿಕಾರ ಚಲಾವಣೆಯ ಮತ್ತು ನಿಯಂತ್ರಣದಲ್ಲಿ ನಡೆಯುತ್ತಿರುತ್ತವೆ ಎಂದು ಆರ್ಬಿಐ ಆರೋಪಿಸಿದೆ. ಹೀಗಾಗಿ, ಕಳೆದ ಒಂದು ವರ್ಷದಲ್ಲಿ 8 ಸಹಕಾರಿ ಬ್ಯಾಂಕ್ಗಳಿಗೆ ನೀಡಿದ್ದ ಪರವಾನಗಿಯನ್ನು ರಿಸರ್ವ್ ಬ್ಯಾಂಕ್ ರದ್ದುಗೊಳಿಸಿದೆ.
ಪರವಾನಗಿ ರದ್ದುಗೊಂಡ ಸಹಕಾರಿ ಬ್ಯಾಂಕ್ಗಳು
1. ಮುಧೋಳ ಸಹಕಾರಿ ಬ್ಯಾಂಕ್
2. ಮಿಲತ್ ಸಹಕಾರಿ ಬ್ಯಾಂಕ್
3. ಶ್ರೀ ಆನಂದ ಸಹಕಾರಿ ಬ್ಯಾಂಕ್
4. ರೂಪಾಯಿ ಸಹಕಾರ ಬ್ಯಾಂಕ್
5. ಡೆಕ್ಕನ್ ಅರ್ಬನ್ ಸಹಕಾರಿ ಬ್ಯಾಂಕ್
6. ಲಕ್ಷ್ಮಿ ಸಹಕಾರ ಬ್ಯಾಂಕ್
7. ಸೇವಾ ವಿಕಾಸ ಸಹಕಾರಿ ಬ್ಯಾಂಕ್
8. ಬಾಬಾಜಿ ಡೇಟ್ ಮಹಿಳಾ ಸಹಕಾರಿ ಬ್ಯಾಂಕ್
ಸಾಕಷ್ಟು ಬಂಡವಾಳ ಕೊರತೆ, ಬ್ಯಾಂಕಿಂಗ್ ನಿಯಂತ್ರಿತ ಕಾಯ್ದೆಯ ನಿಯಮಗಳ ಅನುಸರಿಸದೆ ಇರುವುದರಿಂದ ಈ ಬ್ಯಾಂಕ್ಗಳ ಪರವಾನಗಿ ರದ್ದುಗೊಳಿಸಿರುವುದಾಗಿ ರಿಸರ್ವ್ ಬ್ಯಾಂಕ್ ಹೇಳಿದೆ. ಕೆಲವೊಂದು ಸಹಕಾರಿ ಬ್ಯಾಂಕ್ಗಳು ಭವಿಷ್ಯದಲ್ಲಿ ಆದಾಯ ಕೊರತೆ ಎದುರಿಸುವ ಸಾಧ್ಯತೆಯನ್ನು ಮನಗೊಂಡು ಪರವಾನಗಿ ರದ್ದುಗೊಳಿಸಲಾಗಿದೆ ಎಂದೂ ಕಾರಣ ನೀಡಲಾಗಿದೆ.
ಈ ಸುದ್ದಿ ಓದಿದ್ದೀರಾ? ನರೋಡಾ ಗಾಮ್ ಹತ್ಯಾಕಾಂಡ ಪ್ರಕರಣ: ಬಿಜೆಪಿ ಮಾಜಿ ಸಚಿವೆ ಸೇರಿ 68 ಆರೋಪಿಗಳ ಖುಲಾಸೆಗೊಳಿಸಿದ ಕೋರ್ಟ್
ಕೇಂದ್ರದ ನರೇಂದ್ರ ಮೋದಿ ನೇತೃತ್ವದ ಅಧಿಕಾರಾವಧಿಯಲ್ಲಿ ತೆಗೆದುಕೊಂಡಿದ್ದ ನಿರ್ಧಾರದಂತೆ ಕಳೆದ ಹಲವು ವರ್ಷಗಳಿಂದ ರಿಸರ್ವ್ ಬ್ಯಾಂಕ್ ಸಹಕಾರಿ ಬ್ಯಾಂಕ್ಗಳ ಮೇಲ್ವಿಚಾರಣೆ ನಡೆಸುತ್ತಿದೆ.
2019—20ರ ಸಾಲಿನಲ್ಲಿ ಎರಡು, 2020-21ರಲ್ಲಿ ಮೂರು ಮತ್ತು 2021-22ರ ಸಾಲಿನಲ್ಲಿ 12 ಸಹಕಾರಿ ಬ್ಯಾಂಕ್ಗಳ ಪರವಾನಗಿಯನ್ನು ಆರ್ಬಿಐ ರದ್ದು ಮಾಡಿದೆ.
