ವಾಯು ಮಾಲಿನ್ಯವು ಭಾರತದಲ್ಲಿ ಸರಾಸರಿ ಜೀವಿತಾವಧಿಯನ್ನು 3.5 ವರ್ಷಗಳಷ್ಟು ಕಡಿಮೆ ಮಾಡುತ್ತಿದೆ. ಇದು ಮಕ್ಕಳ ಮತ್ತು ತಾಯಿಯ ಅಪೌಷ್ಟಿಕತೆಯ ಪರಿಣಾಮಕ್ಕಿಂತ ಸುಮಾರು ಎರಡು ಪಟ್ಟು, ಅಸುರಕ್ಷಿತ ನೀರು, ನೈರ್ಮಲ್ಯದ ಪ್ರಭಾವಕ್ಕಿಂತ ಐದು ಪಟ್ಟು ಅಧಿಕ ಎಂದು ಚಿಕಾಗೋ ವಿಶ್ವವಿದ್ಯಾಲಯದ(EPIC) ಎನರ್ಜಿ ಪಾಲಿಸಿ ಇನ್ಸ್ಟಿಟ್ಯೂಟ್ ನಡೆಸಿದ ಅಧ್ಯಯನವು ತಿಳಿಸಿದೆ.
ಮಕ್ಕಳ ಮತ್ತು ತಾಯಿಯ ಅಪೌಷ್ಟಿಕತೆಯು ಸರಾಸರಿ ಜೀವಿತಾವಧಿಯಲ್ಲಿ 1.6 ವರ್ಷಗಳನ್ನು ಕಡಿಮೆ ಮಾಡುತ್ತದೆ. ತಂಬಾಕು ಬಳಕೆ 1.5 ವರ್ಷಗಳು ಮತ್ತು ಅಸುರಕ್ಷಿತ ನೀರು, ನೈರ್ಮಲ್ಯ ಸುಮಾರು 8.4 ತಿಂಗಳುಗಳ ಜೀವಿತಾವಧಿ ಕಡಿಮೆಯಾಗಲು ಕಾರಣವಾಗುತ್ತದೆ ಎಂದು ಅಧ್ಯಯನವು ಹೇಳಿದೆ.
ಇದನ್ನು ಓದಿದ್ದೀರಾ? ಹರಿಯಾಣವನ್ನು ಕಾಡುತ್ತಿದೆ ಮಾಲಿನ್ಯ; ಆದರೂ, ಯಾಕೆ ಚುನಾವಣಾ ವಿಷಯವಾಗಿಲ್ಲ?
ವಾಯು ಗುಣಮಟ್ಟ ಜೀವನ ಸೂಚ್ಯಂಕದ (AQLI) ದತ್ತಾಂಶದ ಪ್ರಕಾರ ಉತ್ತರ ಭಾರತವು ವಿಶ್ವದ ಅತ್ಯಂತ ಕಲುಷಿತ ಪ್ರದೇಶವಾಗಿ ಉಳಿದಿದೆ. 544.4 ಮಿಲಿಯನ್ ಜನರು ಅಥವಾ ಭಾರತದ ಜನಸಂಖ್ಯೆಯ 38.9% ಜನರು ತೀವ್ರ ಮಾಲಿನ್ಯ ಪರಿಸ್ಥಿತಿ ಇರುವ ಪ್ರದೇಶದಲ್ಲಿ ವಾಸಿಸುತ್ತಿದ್ದಾರೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ 2023ರ ಡೇಟಾವನ್ನು ಆಧರಿಸಿ ವಿಶ್ಲೇಷಣೆ ಮಾಡಲಾಗಿದೆ.
ಭಾರತೀಯ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ AQLI ದತ್ತಾಂಶದ ಪ್ರಕಾರ, ದೆಹಲಿ-NCR ನಿವಾಸಿಗಳು PM2.5 ಮಾಲಿನ್ಯದಿಂದಾಗಿ 8.2 ವರ್ಷಗಳ ಜೀವಿತಾವಧಿಯನ್ನು ಕಳೆದುಕೊಳ್ಳುತ್ತಾರೆ. ಬಿಹಾರ (5.6 ವರ್ಷಗಳು), ಹರಿಯಾಣ (5.3 ವರ್ಷಗಳು), ಮತ್ತು ಉತ್ತರ ಪ್ರದೇಶ (5 ವರ್ಷಗಳು) ನಂತರದ ಸ್ಥಾನಗಳಲ್ಲಿವೆ.
ಜನಸಂಖ್ಯೆಯ ಸುಮಾರು 46% ಜನರು ರಾಷ್ಟ್ರೀಯ ವಾರ್ಷಿಕ PM2.5 ಮಾನದಂಡವನ್ನು ಮೀರಿದ ಪ್ರದೇಶಗಳಲ್ಲಿ ವಾಸಿಸುತ್ತಿದ್ದಾರೆ. ಈ ಪ್ರದೇಶಗಳಲ್ಲಿ ಕಣಗಳ ಸಾಂದ್ರತೆಯನ್ನು ಕಡಿಮೆ ಮಾಡುವುದರಿಂದ ಪ್ರದೇಶಗಳಲ್ಲಿ ವಾಸಿಸುವ ಜನರ ಜೀವಿತಾವಧಿಗೆ 1.5 ವರ್ಷಗಳನ್ನು ಸೇರಿಸಬಹುದು ಎಂದು ವಿಶ್ಲೇಷಣೆ ಹೇಳುತ್ತದೆ.
ಅತ್ಯಂತ ಸ್ವಚ್ಛ ಪ್ರದೇಶಗಳಲ್ಲಿಯೂ ಸಹ, ಮಾಲಿನ್ಯವನ್ನು ಆ ಮಟ್ಟಕ್ಕೆ ಇಳಿಸಿದರೆ ಜೀವಿತಾವಧಿ 9.4 ತಿಂಗಳು ಹೆಚ್ಚಾಗಬಹುದು. 2022ರಲ್ಲಿ ಸ್ವಲ್ಪ ಇಳಿಕೆದಿದ್ದ ಮಾಲಿನ್ಯವು ದಕ್ಷಿಣ ಏಷ್ಯಾದಲ್ಲಿ 2023ರಲ್ಲಿ 2.8% ರಷ್ಟು ಹೆಚ್ಚಾಗಿದೆ ಎಂದು ಅಧ್ಯಯನವು ವರದಿ ಮಾಡಿದೆ. ಈ ಪ್ರದೇಶವು ವಿಶ್ವದಲ್ಲೇ ಅತ್ಯಂತ ಕಲುಷಿತ ಪ್ರದೇಶವಾಗಿ ಉಳಿದಿದೆ, ಜೀವಿತಾವಧಿಯನ್ನು ಸರಾಸರಿ 3 ವರ್ಷಗಳಷ್ಟು ಮತ್ತು ಹೆಚ್ಚು ಪೀಡಿತ ಪ್ರದೇಶಗಳಲ್ಲಿ 8 ವರ್ಷಗಳಿಗಿಂತ ಹೆಚ್ಚು ಕಡಿಮೆಯಾಗುತ್ತದೆ ಎಂದು ವರದಿ ಉಲ್ಲೇಖಿಸಿದೆ.
