ಕೇರಳದ ಮಲಪ್ಪುರಂ ಜಿಲ್ಲೆಯಲ್ಲಿ ಭಾನುವಾರ ಸಂಜೆ ದುರಂತಕ್ಕೀಡಾದ ಬೋಟ್ನ ಮಾಲೀಕನನ್ನು ಪೊಲೀಸರು ಬಂಧಿಸಿದ್ದಾರೆ.
ತಾನೂರಿನ ತೂವಲ್ ತೀರಂ ಎಂಬಲ್ಲಿ 40 ಪ್ರಯಾಣಕರನ್ನು ಹೊತ್ತು ಸಾಗುತ್ತಿದ್ದ ಬೋಟ್ ‘ಅಟ್ಲಾಂಟಿಕ್’ ಮುಳುಗಡೆಯಾದ ಪರಿಣಾಮ 7 ಮಕ್ಕಳು ಸೇರಿದಂತೆ 22 ಮಂದಿ ಮೃತಪಟ್ಟಿದ್ದರು.
ಘಟನೆಯ ಬಳಿಕ ‘ಅಟ್ಲಾಂಟಿಕ್’ ಬೋಟ್ ಮಾಲೀಕ ನಾಸರ್ ತಲೆಮರೆಸಿಕೊಂಡಿದ್ದ. ಆದರೆ ಆತನ ಮೊಬೈಲ್ ನೆಟ್ವರ್ಕ್ನ ಟವರ್ ಲೊಕೇಶನ್ ಅನ್ನು ಟ್ರ್ಯಾಕ್ ಮಾಡಿದ್ದ ಪೊಲೀಸರು, ಕೋಝಿಕ್ಕೋಡ್ನ ಏಲಾತ್ತೂರ್ ಎಂಬಲ್ಲಿ ವಶಕ್ಕೆ ಪಡೆದಿದ್ದಾರೆ.
Kerala boat tragedy: CM Vijayan announces Rs 10 lakh ex-gratia for victims' kin, judicial probe ordered
— ANI Digital (@ani_digital) May 8, 2023
Read @ANI Story | https://t.co/dlEv9HH8Gl#Kerala #KeralaBoat #KeralaCM pic.twitter.com/CxwjUArkRy
ಈ ಸುದ್ದಿ ಓದಿದ್ದೀರಾ?: ಕೇರಳ | ಬೋಟ್ ದುರಂತ; 18 ಮಂದಿ ಸಾವು
ಮೃತರ ಕುಟುಂಬಕ್ಕೆ 10 ಲಕ್ಷ ರೂಪಾಯಿ ಪರಿಹಾರ
ಭಾನುವಾರದ ಬೋಟ್ ದುರಂತದಲ್ಲಿ ಮೃತಪಟ್ಟವರ ಕುಟುಂಬಗಳಿಗೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು 10 ಲಕ್ಷ ರೂಪಾಯಿ ಪರಿಹಾರ ಘೋಷಿಸಿದ್ದಾರೆ. ಜೊತೆಗೆ ಘಟನೆಯ ಬಗ್ಗೆ ನ್ಯಾಯಾಂಗ ತನಿಖೆಗೆ ಆದೇಶಿಸಿದ್ದಾರೆ.
ಮಲಪ್ಪುರಂ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ನೇತೃತ್ವದಲ್ಲಿ ವಿಶೇಷ ತನಿಖಾ ತಂಡವನ್ನು ರಚಿಸಲಾಗಿದೆ. ರಾಜ್ಯ ಪೊಲೀಸ್ ಮುಖ್ಯಸ್ಥ ಅನಿಲ್ ಕಾಂತ್, ಡಿಜಿಪಿ ಬಿ.ಸಂಧ್ಯಾ, ಎಡಿಜಿಪಿ ಎಂ.ಆರ್.ಅನಿಲಕುಮಾರ್ ಸೋಮವಾರ ತಾನೂರಿಗೆ ಆಗಮಿಸಿ ವಿಶೇಷ ತನಿಖಾ ತಂಡದ ಜೊತೆ ಸಮಾಲೋಚನೆ ನಡೆಸಿದ್ದಾರೆ.
