ಬಿಹಾರ ವಿಧಾನಸಭಾ ಚುನಾವಣೆಯ ಫಲಿತಾಂಶದ ಮೇಲೆ ಇಡೀ ದೇಶದ ಚಿತ್ತವಿರುವ ಸಮಯದಲ್ಲಿಯೇ ಭಾರತದ ಇತರ ರಾಜ್ಯಗಳ 8 ವಿಧಾನಸಭಾ ಕ್ಷೇತ್ರಗಳ ಉಪ ಚುನಾವಣೆಯ ಮತ ಎಣಿಕೆಯೂ ನಡೆಯುತ್ತಿದೆ. ಜಮ್ಮು ಮತ್ತು ಕಾಶ್ಮೀರದ 2, ಜಾರ್ಖಂಡ್, ಮಿಝೋರಾಮ್, ಒಡಿಶಾ, ಪಂಜಾಬ್, ರಾಜಸ್ಥಾನ ಹಾಗೂ ತೆಲಂಗಾಣದ ತಲಾ 1 ಕ್ಷೇತ್ರಗಳಿಗೆ ಉಪ ಚುನಾವಣೆ ನಡೆದಿದ್ದು, ಇಂದು ಫಲಿತಾಂಶ ಪ್ರಕಟವಾಗಲಿದೆ.
ಎಂಟೂ ಕ್ಷೇತ್ರಗಳಲ್ಲಿಯೂ ಮತದಾನ ನಡೆಯುತ್ತಿದೆ. ಈ ಪೈಕಿ, ಜಮ್ಮು ಮತ್ತು ಕಾಶ್ಮೀರದ ಬಡಂಗಾವ್ ಮತ್ತು ನಗ್ರೋಟಾ ಕ್ಷೇತ್ರಗಳಿಗೆ ಉಪ ಚುನಾವಣೆ ನಡೆದಿದ್ದು, ಈ ಪೈಕಿ, ನಗ್ರೋಟಾದಲ್ಲಿ ಬಿಜೆಪಿ ಮತ್ತು ಬಡಂಗಾವ್ನಲ್ಲಿ ಪಿಡಿಪಿ ಮುನ್ನಡೆ ಸಾಧಿಸಿದೆ. ಇನ್ನು ಒಡಿಶಾದ ನೌಪಾಡ ಕ್ಷೇತ್ರದಲ್ಲಿ ಬಿಜೆಪಿ ಮುನ್ನಡೆ ಸಾಧಿಸಿದೆ.
ತೆಲಂಗಾಣದ ಜುಬಿಲೀ ಹಿಲ್ಸ್ ಕ್ಷೇತ್ರ ಮತ್ತು ರಾಜಸ್ಥಾನದ ಅಂಟಾ ಕ್ಷೇತ್ರದಲ್ಲಿ ಕಾಂಗ್ರೆಸ್ ಮುನ್ನಡೆ ಸಾಧಿಸಿದೆ. ಪಂಜಾಬ್ನ ತಂತರಾನ್ನಲ್ಲಿ ಎಎಪಿ, ಜಾರ್ಖಂಡ್ನ ಘಸ್ತಿಲಾ ಕ್ಷೇತ್ರದಲ್ಲಿ ಜಾರ್ಖಂಡ್ ಮುಕ್ತಿ ಮೋರ್ಚಾ ಮುನ್ನಡೆ ಸಾಧಿಸಿದೆ.
ಇನ್ನು, ಮಿಜೋರಾಮ್ನ ಡಂಪಾ ಕ್ಷೇತ್ರದಲ್ಲಿ ‘ಮಿಝೋ ನ್ಯಾಷನಲ್ ಫ್ರಂಟ್’ನ ಡಾ. ಆರ್. ಲಾಲ್ಥಾಂಗ್ಲಿಯಾನ ಅವರು ಗೆಲುವು ಸಾಧಿಸಿದ್ದಾರೆ.
