ಕುಖ್ಯಾತ ಭೂಗತ ಪಾತಕಿ ಚೋಟಾ ರಾಜನ್ ಗೆ 2001ರಲ್ಲಿ ಹೋಟೆಲ್ ಉದ್ಯಮಿ ಜಯಾ ಶೆಟ್ಟಿ ಅವರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈ ಕೋರ್ಟ್ ಜೀವಾವಧಿ ಶಿಕ್ಷೆ ವಿಧಿಸಿದೆ.
ಮೊಕ್ಕಾ ಪ್ರಕರಣಗಳ ವಿಶೇಷ ನ್ಯಾಯಾಧೀಶರಾದ ಎ ಎಂ ಪಾಟೀಲ್ ಅವರು ರಾಜನ್ಗೆ ಶಿಕ್ಷೆ ವಿಧಿಸಿದ್ದಾರೆ. ತೀರ್ಪಿನ ಪ್ರಕಾರ ನಾಲ್ವರು ಆರೋಪಿಗಳಲ್ಲಿ ಮೂವರಿಗೆ ಶಿಕ್ಷೆ ವಿಧಿಸಲಾಗಿದ್ದು, ಒಬ್ಬಾತ ಸಾಕ್ಷಾಧಾರಗಳ ಕೊರತೆಯಿಂದ ಖುಲಾಸೆಗೊಳಿಸಲಾಗಿದೆ.
ಮುಂಬೈ ಸೆಂಟ್ರಲ್ನ ಗಾಮ್ದೇವಿ ಪ್ರದೇಶದಲ್ಲಿದ್ದ ಗೋಲ್ಡನ್ ಕ್ರೋನ್ ಹೋಟೆಲ್ ಮಾಲೀಕರಾದ ಜಯಾ ಶೆಟ್ಟಿ ಅವರನ್ನು ಹೋಟೆಲ್ ಒಳಗಡೆ 2001ರ ಮೇ 4 ರಂದು ಚೋಟಾ ರಾಜನ್ ಸಹಚರರು ಗುಂಡಿಕ್ಕಿ ಹತ್ಯೆ ಮಾಡಿದ್ದರು.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಹೋರಾಟಗಳನ್ನು ಹತ್ತಿಕ್ಕಿದ ಗೌಡರ ಹಾಸನದಲ್ಲಿ ಮತ್ತೆ ಮೊಳಗಿದ ಹೋರಾಟದ ಕೂಗು
ಜಯಾ ಶೆಟ್ಟಿಗೆ ಹತ್ಯೆಗೂ ಮುನ್ನ ಹಣಕ್ಕಾಗಿ ಬೆದರಿಕೆವೊಡ್ಡಲಾಗಿತ್ತು. ಹಣ ನೀಡಲು ನಿರಾಕರಿಸಿದ ಕಾರಣ ಹತ್ಯೆ ಮಾಡಲಾಗಿತ್ತು.
2015ರ ಅಕ್ಟೋಬರ್ನಲ್ಲಿ ಇಂಡೋನೇಷ್ಯಾದಿಂದ ಬಂಧಿಸಿ ಕರೆತಂದ ನಂತರ ತಿಹಾರ್ ಜೈಲಿನಲ್ಲಿಡಲಾಗಿದೆ. ಇದಲ್ಲದೆ 2011ರಲ್ಲಿ ಪತ್ರಕರ್ತ ಜೆ ಡೇ ಹತ್ಯೆಯ ಪ್ರಕರಣದಲ್ಲೂ ಚೋಟಾ ರಾಜನ್ಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ.
