ಕಳೆದ ಒಂದು ವರ್ಷಗಳಲ್ಲಿ ಚಿನ್ನದ ಬೆಲೆ ಸುಮಾರು 5,000 ರೂ. ಏರಿಕೆಯಾಗಿದೆ. ಕಳೆದ ಒಂದೇ ತಿಂಗಳಲ್ಲಿ 1,000 ರೂ.ಗಳಿಗೆ ಹೆಚ್ಚು ಏರಿಕೆ ಕಂಡಿದೆ. ದಿನೇ-ದಿನೇ ಚಿನ್ನದ ಬೆಲೆ ಹೆಚ್ಚುತ್ತಿರುವ ಕಾರಣ, ಮದುವೆ ಮತ್ತು ಇತರ ಕಾರ್ಯಕ್ರಮಗಳಲ್ಲಿ ಮಹಿಳೆಯರು ಮೂರಕ್ಕಿಂತ ಹೆಚ್ಚು ಚಿನ್ನದ ಆರಭರನಗಳನ್ನು ಧರಿಸುವಂತಿಲ್ಲ ಎಂದು ಎರಡು ಗ್ರಾಮ ಪಂಚಾಯತಿಗಳು ಹೊಸ ಸಾಮಾಜಿಕ ನಿಯಮ ಜಾರಿಗೆ ತಂದಿವೆ.
ಉತ್ತರಾಖಂಡದ ಕಂಧಾರ್ ಮತ್ತು ಇಂದ್ರಾಣಿ ಗ್ರಾಮ ಪಂಚಾಯತಿಗಳ ಈ ನಿಯಮಗಳನ್ನು ಜಾರಿಗೆ ತಂದಿವೆ. “ಮದುವೆ ಮತ್ತು ಇತರ ಕಾರ್ಯಕ್ರಮಗಳ ಸಮಯದಲ್ಲಿ ಮಹಿಳೆಯರು ಕೇವಲ ಮೂಗುತಿ, ಕಿವಿಯೋಲೆ ಹಾಗೂ ಮಂಗಳಸೂತ್ರ ಮಾತ್ರವೇ ಧರಿಸಬೇಕು. ಈ ನಿಮಯವನ್ನು ಉಲ್ಲಂಘಿಸಿದರೆ, 50,000 ರೂ. ದಂಡ ವಿಧಿಸಲಾಗುತ್ತದೆ” ಎಂದು ಸೂಚಿಸಲಾಗಿದೆ.
ನಿಯಮದ ಕುರಿತು ಮಾತನಾಡಿರುವ ಕಂಧಾರ್ ಗ್ರಾಮದ ಮುಖಂಡ ಅರ್ಜುನ್ ಸಿಂಗ್, “ಚಿನ್ನದ ಬೆಲೆ ಏರಿಕೆ ಭಾರೀ ಏರಿಕೆಯಾಗಿದೆ. ಪರಿಣಾಮ, ಜನರಲ್ಲಿ ಆರ್ಥಿಕ ಒತ್ತಡ ಹೆಚ್ಚಾಗಿದೆ. ಸಂಪತ್ತಿನ ಪ್ರದರ್ಶನದ ಸಂಸ್ಕೃತಿಯಿಂದ ಬಡವರು ಸಂಕಷ್ಟಕ್ಕೆ ಸಿಲುಕುತ್ತಿದ್ದಾರೆ. ಈ ಅಸಮಾನತೆಯನ್ನು ತಗ್ಗಿಸಲು ಇಂತಹ ನಿಮಯಗಳ ಅಗತ್ಯವಿದೆ” ಎಂದು ಹೇಳಿದ್ದಾರೆ.
ಈ ಲೇಖನ ಓದಿದ್ದೀರಾ?: ಬಿಹಾರ ಚುನಾವಣೆ | ಮಹಾಘಟಬಂಧನ್ ಭರಪೂರ ಭರವಸೆ; ಕಾರ್ಯಸಾಧುವೇ?
ಈ ನಿಯಮಕ್ಕೆ ಅಕ್ಷೇಪ ವ್ಯಕ್ತಪಡಿಸಿರುವ ಗ್ರಾಮದ ನಿವಾಸಿ ಅಮಲಾ ಚೌಹಾಣ್, “ಚಿನ್ನ ಒಂದು ಹೂಡಿಕೆಯ ಭಾಗ. ಚಿನ್ನ ಖರೀದಿದ್ದರೆ, ಅದೊಂದು ಆಸ್ತಿಯಾಗಿ ಉಳಿಯುತ್ತದೆ. ಭವಿಷ್ಯದಲ್ಲಿ ನೆರವಿಗೂ ಬಳಕೆಯಾಗುತ್ತದೆ. ಆದರೆ, ಮದ್ಯದಿಂದ ಯಾವುದೇ ಲಾಭವಿಲ್ಲ. ಆದ್ದರಿಂದ, ಮಹಿಳೆಯರು ಧರಿಸುವ ಆಭರಣಕ್ಕೆ ಮಿತಿ ಹೇರಿರುವಂತೆಯೇ, ಪರುಷರು ಮದ್ಯ ಸೇವನೆಯ ಮೇಲೂ ನಿಯಂತ್ರಣ ವಿಧಿಸಬೇಕು” ಎಂದು ಒತ್ತಾಯಿಸಿದ್ದಾರೆ.
“ಮದುವೆಯಗಳಲ್ಲಿ ಕೇವಲ ಆಭರಣಗಳು ಮಾತ್ರವೇ ಪ್ರದರ್ಶನದ ಸಂಸ್ಕೃತಿಯಲ್ಲಿಲ್ಲ. ದುಬಾರಿ ಉಡುಗೊರೆ, ಐಷಾರಾಮಿ ಕಾರ್ಯಕ್ರಮಗಳೂ ಪ್ರದರ್ಶನ ಸಂಸ್ಕೃತಿಯೇ ಆಗಿವೆ. ಅವುಗಳನ್ನೂ ನಿರ್ಬಂಧಿಸಬೇಕು” ಎಂದು ಮಹಿಳೆಯರು ಹೇಳಿದ್ದಾರೆ.
