ಮಹಿಳೆಯರೇ ಯಜಮಾನರಾಗಿದ್ದ ಕುಟುಂಬದಲ್ಲಿ ನಾನು ಬೆಳೆದಿದ್ದೇನೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಹೇಳಿದ್ದಾರೆ.
ಕೇರಳದಲ್ಲಿ ವಿದ್ಯಾರ್ಥಿಗಳೊಂದಿಗೆ ನಡೆಸಿದ ಸಂವಾದದ ವಿಡಿಯೋವನ್ನು ಮಹಿಳಾ ದಿನದಂದು (ಮಾರ್ಚ್8) ರಾಹುಲ್ ಗಾಂಧಿ ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಹಂಚಿಕೊಂಡಿದ್ದಾರೆ. ವಿದ್ಯಾರ್ಥಿಗಳೊಂದಿಗೆ ಮಾತನಾಡಿರುವ ಅವರು, ಮಹಿಳೆಯರು ಸಾಮಾನ್ಯವಾಗಿ ಪುರುಷರಿಗಿಂತ ಹೆಚ್ಚು ಬುದ್ಧಿವಂತರು ಎಂದು ಪ್ರತಿಪಾದಿಸಿದ್ದಾರೆ.
“ವಿದ್ಯಾರ್ಥಿಗಳೊಂದಿಗೆ ನಡೆದ ಸಂವಾದವು ಹೆಚ್ಚು ಖುಷಿ ಕೊಟ್ಟಿತು. ಪ್ರತಿಯೊಬ್ಬ ವಿದ್ಯಾರ್ಥಿಯ ಕನಸುಗಳು, ಕುತೂಹಲ ಹಾಗೂ ಆತ್ಮವಿಶ್ವಾಸದಿಂದ ನಾನು ಹೆಚ್ಚು ಪ್ರಭಾವಿತನಾಗಿದ್ದೆ. ಇಂತಹ ಸಂಭಾಷಣೆಗಳು ಮಹಿಳೆಯರು ತಮ್ಮ ಸಾಮರ್ಥ್ಯವನ್ನು ಗುರುತಿಸಿ ಮುಕ್ತ ಮನಸ್ಸಿನಿಂದ ಮುನ್ನಡೆದಾಗ, ಅವರು ಅಸಾಧಾರಣ ಬದಲಾವಣೆಯನ್ನು ತರಬಹುದು ಎಂಬುದನ್ನು ನೆನಪಿಸುತ್ತವೆ” ಂದು ಹೇಳಿದ್ದಾರೆ.
“ಪ್ರತಿಯೊಬ್ಬ ಮಹಿಳೆಯೂ ಅನನ್ಯಳು. ಅವರ ಸೂಕ್ಷ್ಮತೆ, ತಿಳುವಳಿಕೆ ಹಾಗೂ ಭಾವನಾತ್ಮಕ ಬುದ್ಧಿವಂತಿಕೆಯು ಸಮಾಜಕ್ಕೆ ಸಮತೋಲನ ಮತ್ತು ನಿರ್ದೇಶನವನ್ನು ಒದಗಿಸುತ್ತದೆ. ಮಹಿಳೆಯರು ತಾಳ್ಮೆ, ದೀರ್ಘಕಾಲೀನ ದೃಷ್ಟಿಕೋನ ಹಾಗೂ ಸಹಾನುಭೂತಿಯೊಂದಿಗೆ ತಮ್ಮದೇ ಆದ ವಿಶಿಷ್ಟ ರೀತಿಯಲ್ಲಿ ಅಧಿಕಾರವನ್ನು ಚಲಾಯಿಸುತ್ತಾರೆ” ಎಂದಿದ್ದಾರೆ.
“ಸಮಾಜದ ನಿರ್ಬಂಧಿತ ಮಾನದಂಡಗಳಿಗೆ ಬದ್ಧರಾಗುವ ಬದಲು, ಅವರ ಗುರುತು, ವ್ಯಕ್ತಿತ್ವ ಹಾಗೂ ಆಕಾಂಕ್ಷೆಗಳಿಗೆ ಅನುಗುಣವಾಗಿ ಮುಂದುವರಿಯಲು ಅವರಿಗೆ ಎಲ್ಲ ಹಕ್ಕಿರಬೇಕು. ಅಂತರರಾಷ್ಟ್ರೀಯ ಮಹಿಳಾ ದಿನದಂದು ಎಲ್ಲ ಮಹಿಳೆಯರಿಗೆ ಹೃತ್ಪೂರ್ವಕ ಶುಭಾಶಯಗಳು. ನಿಮ್ಮ ಶಕ್ತಿ, ಧೈರ್ಯ ಹಾಗೂ ಕನಸುಗಳು ಸಮಾಜವನ್ನು ಸಕಾರಾತ್ಮಕ ಭವಿಷ್ಯದತ್ತ ಕೊಂಡೊಯ್ಯುವುದನ್ನು ಮುಂದುವರಿಸಲಿ” ಎಂದು ಅವರು ಹೇಳಿದ್ದಾರೆ.
केरल में कुछ युवा छात्राओं के साथ हुई बातचीत बेहद प्रेरणादायक रही।
— Rahul Gandhi (@RahulGandhi) March 8, 2026
उनका आत्मविश्वास और सपनों पर विश्वास बताता है – महिलाएँ बदलाव की सबसे बड़ी शक्ति हैं।
सभी को #InternationalWomensDay की हार्दिक शुभकामनाएँ। pic.twitter.com/OV2fvth1rB
“ನಾನು ಮಹಿಳೆಯರು ಯಜಮಾನರಾಗಿದ್ದ ಕುಟುಂಬದಲ್ಲಿ ಬೆಳೆದಿದ್ದೇನೆ. ಆದ್ದರಿಂದ ನನ್ನ ಕುಟುಂಬದ ಯಜಮಾನರು ನನ್ನ ಅಜ್ಜಿ. ನನ್ನ ಕುಟುಂಬದಲ್ಲಿ ಮಹಿಳೆಯರೇ ಹೆಚ್ಚು ಸಂಖ್ಯೆಯಲ್ಲಿದ್ದಾರೆ” ಎಂದು ರಾಹುಲ್ ಗಾಂಧಿ ವಿದ್ಯಾರ್ಥಿಗಳಿಗೆ ಹೇಳುತ್ತಿರುವುದು ವಿಡಿಯೋದಲ್ಲಿ ಕಾಣುತ್ತದೆ.
“ಮಹಿಳೆಯರು ಸಾಮಾನ್ಯವಾಗಿ ಪುರುಷರಿಗಿಂತ ಹೆಚ್ಚು ಬುದ್ಧಿವಂತರು. ಪುರುಷರು ಆತುರದಲ್ಲಿರುತ್ತಾರೆ.ಪುರುಷರು ಮೂರ್ಖತನದ ವಿಷಯಗಳಿಂದ ಕುರುಡರಾಗುತ್ತಾರೆ. ಮಹಿಳೆಯರು ದೀರ್ಘಕಾಲ ಯೋಚಿಸುತ್ತಾರೆ. ಅವರು ನೇರ ಅಧಿಕಾರವನ್ನು ಚಲಾಯಿಸುವುದಿಲ್ಲ, ಪರೋಕ್ಷ ಅಧಿಕಾರ ಚಲಾಯಿಸುತ್ತಾರೆ. ಅದು ಹೆಚ್ಚು ಪರಿಣಾಮಕಾರಿಯಾಗಿದೆ” ಎಂದು ಹೇಳಿದ್ದಾರೆ.
