ಸತತ ಮೂರು ಪಂದ್ಯಗಳಲ್ಲಿ ಟೀಮ್ ಇಂಡಿಯಾದ ಆರಂಭಿಕ ಅಟಗಾರ ಅಭಿಷೇಕ್ ಶರ್ಮಾ ಅವರು ಕಳಪೆ ಪ್ರದರ್ಶನ ನೀಡಿದ್ದು, ಅವರ ಆಟದ ಕುರಿತು ಹಲವರು ನಾನಾ ರೀತಿಯಲ್ಲಿ ಚರ್ಚಿಸುತ್ತಿದ್ದಾರೆ. ಆದರೆ, ತಂಡದ ನಾಯಕ ಸೂರ್ಯಕುಮಾರ್ ಯಾದವ್ ಯಾವುದೇ ಆತಂಕವಿಲ್ಲದೆ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಅಭಿಷೇಕ್ ಆಟದ ಕುರಿತು ನನಗೆ ಯಾವುದೇ ಚಿಂತೆಯಿಲ್ಲ. ಅವರ ಫಾರ್ಮ್ ಬಗ್ಗೆ ಚಿಂತಿತರಾಗಿರುವವರ ಕುರಿತೇ ನನಗೆ ಚಿಂತೆಯಾಗಿದೆ. ಯಾಕೆ ಎಲ್ಲರೂ ಇಷ್ಟೊಂದು ಚಿಂತಿಸುತ್ತಿದ್ದಾರೆ. ಅವರು ಇನ್ನೂ ರನ್ ಗಳಿಸಿಲ್ಲ. ಆದರೆ, ಅವರು ರನ್ ಗಳಿಸಿದ ದಿನ ಏನಾಗುತ್ತದೆ ಎಂಬುದು ಎಲ್ಲರಿಗೂ ತಿಳಿದಿದೆ ಎಂದು ಸೂರ್ಯ ಹೇಳಿದ್ದಾರೆ.
ಇಂದು (ಭಾನುವಾರ), ಅಹಮದಾಬಾದ್ನ ಕ್ರೀಡಾಂಗಣದಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಭಾರತ ತಂಡಗಳ ನಡುವೆ ಸೂಪರ್ 8 ಪಂದ್ಯ ನಡೆಯಲಿದೆ. ಅದಕ್ಕೂ ಮುನ್ನ ಸೂರ್ಯ ತಮ್ಮ ಆಟಗಾರರ ಕುರಿತು ವಿಶ್ವಾಸದಿಂದ ಮಾತನಾಡಿದ್ದಾರೆ. “ಆಟದಲ್ಲಿ ಶೂನ್ಯಕ್ಕೆ ಔಟಾಗುವುದು ನಡೆಯುತ್ತಲೇ ಇರುತ್ತದೆ. ಆದರೆ, ಇದು ತಂಡದ ಆಟ. ತಂಡವು ಈಗ ಅಭಿಷೇಕ್ ಉತ್ತಮ ಆಟ ಆಡಬೇಕೆಂದು ಬಯಸುತ್ತಿದೆ. ಅವರು ಅದನ್ನೇ ಮಾಡಲು ಪ್ರಯತ್ನಿಸುತ್ತಿದ್ದಾರೆ” ಎಂದು ಹೇಳಿದ್ದಾರೆ.
ಅಭಿಷೇಕ್ ಬದಲಿಗೆ ಸಂಜು ಸ್ಯಾಮ್ಸನ್ ಅವರನ್ನು ಆಡಿಸಬಹುದೇ ಎಂಬ ಪ್ರಶ್ನೆಗೆ ಹಾಸ್ಯವಾಗಿ ಉತ್ತರಿಸಿದ ಸೂರ್ಯ, “ಸ್ಯಾಮ್ಸನ್ 3ನೇ ಸ್ಥಾನದಲ್ಲಿ ಆಡಬೇಕೇ? ಹಾಗಾದರೆ, ನಾನು ತಿಲಕ್ ಅವರನ್ನು ಸಂಜು ಜೊತೆ ಬದಲಾಯಿಸಬೇಕೇ? ನೋಡಿ, ಪವರ್ಪ್ಲೇನಲ್ಲಿ ನಮ್ಮ ಬ್ಯಾಟಿಂಗ್ ಚೆನ್ನಾಗಿ ನಡೆಯುತ್ತಿದೆ. ನಾವು ಅಲ್ಲಿ 40-50 ರನ್ಗಳನ್ನು ಗಣಿಸುತ್ತಿದ್ದೇವೆ. ನೀವು ನಮ್ಮಿಂದ 220-250 ರನ್ಗಳನ್ನು ನಿರೀಕ್ಷಿಸುತೀರಾ” ಎಂದಿದ್ದಾರೆ.
