ಜೆಡಿಯುನ ಹಿರಿಯ ನಾಯಕ ಕೈಲಾಶ್ ಮಹತೋ ಅವರನ್ನು ದುಷ್ಕರ್ಮಿಗಳು ಬಿಹಾರದ ಕಟಿಹಾರದ ಬರಾರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಗುರುವಾರ(ಏಪ್ರಿಲ್ 27) ನಡುರಾತ್ರಿ ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ.
70 ವರ್ಷದ ಜೆಡಿಯು ನಾಯಕನ ಮನೆಯ ಮುಂಭಾಗ ಬೈಕ್ನಲ್ಲಿ ಬಂದಿದ್ದ ಅಪರಿಚಿತರುಹೊಟ್ಟೆ, ತಲೆ ಭಾಗಕ್ಕೆ ಗುಂಡು ಹಾರಿಸಿದ್ದಾರೆ.
ಭೂವಿವಾದದ ದ್ವೇಷದ ಹಿನ್ನೆಲೆ ಹತ್ಯೆ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ. ತಮ್ಮ ಜೀವಕ್ಕೆ ಅಪಾಯವಿದೆ ಭದ್ರತೆ ಒದಗಿಸಬೇಕು ಎಂದು ಹತ್ಯೆಯಾದ ಕೈಲಾಶ್ ಮಹತೋ ಕೆಲವು ದಿನಗಳ ಹಿಂದಷ್ಟೆ ಸ್ಥಳೀಯ ಆಡಳಿತಕ್ಕೆ ಮನವಿ ಮಾಡಿದ್ದರು.
Bihar | JD(U) leader Kailash Mahto was shot dead in Katihar yesterday. The incident took place in Katihar's Barari Police Station area. We have started an investigation and the accused will be arrested soon. Around 4-5 round of firing was done. Further details can only be given… pic.twitter.com/xx3NBcTa2p
— ANI (@ANI) April 28, 2023
ಕೈಲಾಶ್ ಮಹತೋ ಅವರು ಬರಾರಿ ಥಾಣಾ ಪ್ರದೇಶದ ಪುರ್ಬಿ ನಗರ ಪಂಚಾಯತ್ ವ್ಯಾಪ್ತಿಯ ವಾರ್ಡ್ 12ರ ನಿವಾಸಿಯಾಗಿದ್ದರು.
ಕಟಿಹಾರದ ಎಸ್ಡಿಪಿಒ ಓಂ ಪ್ರಕಾಶ್ ಮಾತನಾಡಿ, “ ನಾವು ತನಿಖೆಯನ್ನು ಆರಂಭಿಸಿದ್ದು, ಆರೋಪಿಗಳನ್ನು ಶೀಘ್ರದಲ್ಲೇ ಬಂಧಿಸಲಾಗುವುದು ಎಂದು ತಿಳಿಸಿದ್ದಾರೆ. ದುಷ್ಕರ್ಮಿಗಳು ನಾಲ್ಕರಿಂದ ಐದು ಸುತ್ತು ಗುಂಡುಗಳನ್ನು ಹಾರಿಸಿದ್ದು, ಮರಣೋತ್ತರ ಪರೀಕ್ಷೆಯ ನಂತರ ಮಾತ್ರವೇ ಹೆಚ್ಚಿನ ಮಾಹಿತಿ ಲಭ್ಯವಾಗಲಿದೆ” ಎಂದು ತಿಳಿಸಿದ್ದಾರೆ.
