ಭಾರತದ ಕ್ಯಾಥೋಲಿಕ್ ಬಿಷಪ್ಗಳ ಸಮ್ಮೇಳನದ (ಸಿಬಿಸಿಐ) ಅಧ್ಯಕ್ಷರಾಗಿ ಕಾರ್ಡಿನಲ್ ಪೂಲಾ ಆಂಥೋನಿ ಆಯ್ಕೆಯಾಗಿದ್ದಾರೆ. ಪೂಲಾ ಆಂಥೋನಿ ಅವರು ದೇಶದ ಕ್ಯಾಥೋಲಿಕ್ ಚರ್ಚ್ನ ಸರ್ವೋಚ್ಚ ಸಂಸ್ಥೆಯ ಮುಖ್ಯಸ್ಥರಾದ ಮೊದಲ ದಲಿತ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಫೆಬ್ರವರಿ 7ರಂದು ಬೆಂಗಳೂರಿನಲ್ಲಿ ನಡೆದ ಸಿಬಿಸಿಐನ ಸಾಮಾನ್ಯ ಸಭೆಯಲ್ಲಿ ಚುನಾವಣೆ ನಡೆಯಿತು. ಹೈದರಾಬಾದ್ನ ಆರ್ಚ್ಬಿಷಪ್ ಆಗಿ ಸೇವೆ ಸಲ್ಲಿಸುತ್ತಿರುವ 64 ವರ್ಷದ ಪೂಲಾ ಆಂಥೋನಿ ಅವರನ್ನು ಸಿಬಿಸಿಐನ ಅಧ್ಯಕ್ಷರಾಗಿ ಸಭೆಯು ಮಾಡಿದೆ. ಇದು ಭಾರತದ ಸುಮಾರು ಎರಡು ಕೋಟಿ ಕ್ಯಾಥೋಲಿಕರಿಗೆ ಐತಿಹಾಸಿಕ ಕ್ಷಣವೆಂದು ಸಿಬಿಸಿಐ ಹೇಳಿಕೊಂಡಿದೆ.
ಅಧ್ಯಕ್ಷರ ಜೊತೆಗೆ, ಎರಡು ವರ್ಷಗಳ ಅವಧಿಗೆ ಹೊಸ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಗಿದೆ. ತಿರುವನಂತಪುರದ ಆರ್ಚ್ಬಿಷಪ್ ಥಾಮಸ್ ಮಾರ್ ಕೂರಿಲೋಸ್ ಮತ್ತು ಕೊಟ್ಟಾಯಂನ ಆರ್ಚ್ಬಿಷಪ್ ಮ್ಯಾಥ್ಯೂ ಮೂಲಕ್ಕಟ್ ಅವರನ್ನು ಉಪಾಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗಿದೆ. ಆರ್ಚ್ಬಿಷಪ್ ಅನಿಲ್ ಕೌಟೊ ಅವರು ಪ್ರಧಾನ ಕಾರ್ಯದರ್ಶಿಯಾಗಿ ಮರು ಆಯ್ಕೆಯಾಗಿದ್ದಾರೆ.
ಹಿಂದಿನ ಅವಧಿಯಲ್ಲಿ ಸಿಬಿಸಿಐನ ನಾಯಕತ್ವ ವಹಿಸಿದ್ದಕ್ಕಾಗಿ ನಿರ್ಗಮಿತ ಪದಾಧಿಕಾರಿಗಳಾದ ಆರ್ಚ್ಬಿಷಪ್ ಮಾರ್ ಆಂಡ್ರ್ಯೂಸ್ ಥಝತ್, ಆರ್ಚ್ಬಿಷಪ್ ಜಾರ್ಜ್ ಅಂತೋನಿಸಾಮಿ ಮತ್ತು ಬಿಷಪ್ ಜೋಸೆಫ್ ಮಾರ್ ಥಾಮಸ್ ಅವರಿಗೆ ಸಮ್ಮೇಳನವು ಅಭಿನಂದನೆ ಸಲ್ಲಿಸಿದೆ.
