ಒಡಿಶಾದಲ್ಲಿ ನಿರ್ಮಾಣ ಹಂತದಲ್ಲಿರವು ಬ್ರೌನ್ಫೀಲ್ಡ್ ಗೋಪಾಲ್ಪುರ ಬಂದರನ್ನು ಅದಾನಿ ಪೋರ್ಟ್ಸ್ ಮತ್ತು ಎಸ್ಇಝಡ್ ಲಿಮಿಟೆಡ್ಗೆ 3,350 ಕೋಟಿ ರೂ.ಗಳಿಗೆ ಮಾರಾಟ ಮಾಡುವುದಾಗಿ ಶಾಪೂರ್ಜಿ ಪಲ್ಲೊಂಜಿ (ಎಸ್ಪಿ) ಗ್ರೂಪ್ ಘೋಷಿಸಿದೆ.
ಎಸ್ಪಿ ಗ್ರೂಪ್ – ನಿರ್ಮಾಣ, ಮೂಲಸೌಕರ್ಯ, ರಿಯಲ್ ಎಸ್ಟೇಟ್ ಹಾಗೂ ಇಂಧನ ಕಂಪನಿಗಳ ಸಮೂಹವಾಗಿದ್ದು, 2017ರಲ್ಲಿ ಗೋಪಾಲ್ಪುರ ಬಂದರನ್ನು ಸ್ವಾಧೀನಪಡಿಸಿಕೊಂಡಿತ್ತು. ಸದ್ಯ, ಈ ಬಂದರು ವರ್ಷಕ್ಕೆ 20 ಮಿಲಿಯನ್ (2 ಕೋಟಿ) ಟನ್ಗಳಷ್ಟು ಸರಕನ್ನು ನಿರ್ವಹಿಸುವ ಸಾಮರ್ಥ್ಯ ಹೊಂದಿದೆ.
ಬಂದರಿನಲ್ಲಿ ಗ್ರೀನ್ಫೀಲ್ಡ್ ಎಲ್ಎನ್ಜಿ ರಿಗ್ಯಾಸಿಫಿಕೇಶನ್ ಟರ್ಮಿನಲ್ ನಿರ್ಮಾಣಕ್ಕಾಗಿ ಪೆಟ್ರೋನೆಟ್ ಎಲ್ಎನ್ಜಿಯೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಹೀಗಾಗಿ, ಬಂದರಿಗೆ ಅಗತ್ಯವಿರುವ ಹಣವನ್ನು ಒದಗಿಸಲು ಗೋಪಾಲ್ಪುರ ಬಂದರನ್ನು ಮಾರಾಟ ಮಾಡಲು ಮುಂದಾಗಿರುವುದಾಗಿ ತನ್ನ ಹೇಳಿಕೆಯನ್ನು ಎಸ್ಪಿ ಗ್ರೂಪ್ ತಿಳಿಸಿದೆ.
ಗೋಪಾಲ್ಪುರ ಬಂದರಿನ ಮಾರಾಟವು ಕಳೆದ ಕೆಲವು ತಿಂಗಳುಗಳಲ್ಲಿ ಎಸ್ಪಿ ಗ್ರೂಪ್ ಮಾರಾಟ ಮಾಡುತ್ತಿರುವ 2ನೇ ಬಂದರಾಗಿದೆ. ಈ ಗ್ರೂಪ್, ಇದಕ್ಕೂ ಮೊದಲು ಮಹಾರಾಷ್ಟ್ರದ ಧರ್ಮತಾರ್ ಬಂದರನ್ನು ಜೆಎಸ್ಡಬ್ಲ್ಯೂ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ಗೆ 710 ಕೋಟಿ ರೂ,ಗಳಿಗೆ ಮಾರಾಟ ಮಾಡಿತ್ತು.
2015ರಲ್ಲಿ ಧರ್ಮತಾರ್ ಬಂದರನ್ನು ಎಸ್ಪಿ ಗ್ರೂಪ್ ಖರೀದಿಸಿತ್ತು. ಆಗ ಬಂದರಿನ ಸಾಮರ್ಥ್ಯ ವರ್ಷಕ್ಕೆ 10 ಲಕ್ಷ ಟನ್ನಷ್ಟು ಸಕರು ನಿರ್ವಹಿಸುವ ಸಾಮರ್ಥವನ್ನು ಹೊಂದಿತ್ತು. ಆರ್ಥಿಕ ವರ್ಷ 2024ರ ವೇಳೆ, ಅದರ ಸಾಮರ್ಥ್ಯವನ್ನು 50 ಲಕ್ಷ ಟನ್ಗೆ ವೃದ್ಧಿಸಿತ್ತು. ನಂತರ, ಅದನ್ನು ಗ್ರೂಪ್ ಮಾರಾಟ ಮಾಡಿತು.
ಎಸ್ಪಿ ಗ್ರೂಪ್ ಸುಮಾರು 20,000 ಕೋಟಿ ಸಾಲವನ್ನು ಹೊಂದಿದ್ದು, ಸಾಲದ ಹೊರೆಯನ್ನು ಕಡಿಮೆ ಮಾಡಲು ಬಂದರನ್ನು ಮಾರಾಟ ಮಾಡುತ್ತಿರುವುದಾಗಿ ಎಸ್ಪಿ ಗ್ರೂಪ್ನ ವಕ್ತಾರರು ಹೇಳಿರುವುದಾಗಿ ವರದಿಯಾಗಿದೆ.
