GRAMG ಕಾಯ್ದೆಯನ್ನು ವಿರೋಧಿಸುವಂತೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಸಂಯುಕ್ತ ಕಿಸಾನ್ ಮೋರ್ಚಾ, ಸಂಯುಕ್ತ ಹೋರಾಟ ಕರ್ನಾಟಕ ಒತ್ತಾಯಿಸಿದೆ. ಶುಕ್ರವಾರ ಸಂಘಟನೆಯ ಪದಾಧಿಕಾರಿಗಳು ಸಿಎಂ ಅವರನ್ನು ಭೇಟಿಯಾಗಿ ಮನವಿ ಪತ್ರ ಸಲ್ಲಿಸಿದ್ದಾರೆ.
ಈ ಕಾಯ್ದೆಯು ಇದು ರಾಜ್ಯದ ಮೇಲೆ 40% ವೆಚ್ಚದ ಹೊರೆಯನ್ನು ಹೇರುತ್ತದೆ. ರಾಜ್ಯವು ಸಂಸತ್ತನ್ನು ಒತ್ತಾಯಿಸಿ GST ಕಾಯ್ದೆ 2017 ಅನ್ನು ತಿದ್ದುಪಡಿ ಮಾಡಿ ರಾಜ್ಯಗಳ ತೆರಿಗೆ ಅಧಿಕಾರವನ್ನು ಮರುಸ್ಥಾಪಿಸಬೇಕು. ಪ್ರಸ್ತುತ ವಿಭಜನೀಯ ನಿಧಿಯಿಂದ (ಸೆಸ್ ಮತ್ತು ಸರ್ಚಾರ್ಜ್ ಸೇರಿದಂತೆ) ರಾಜ್ಯಗಳಿಗೆ ದೊರೆಯುವ ಸಂಪನ್ಮೂಲದ ಭಾಗ ಕೇವಲ 33%. ನಿಮ್ಮ ಸರ್ಕಾರವು ಎಲ್ಲ ರಾಜ್ಯಗಳಿಗೆ 60% ಭಾಗವನ್ನು ನಿಗದಿಪಡಿಸುವಂತೆ ದೃಢವಾಗಿ ಒತ್ತಾಯಿಸಬೇಕು ಎಂದು ಪತ್ರದಲ್ಲಿ ತಿಳಿಸಿದ್ದಾರೆ.
ಪತ್ರದ ಸಾರಾಂಶ ಹೀಗಿದೆ
ಬೇಡಿಕೆಗಳು
1. ವಿರೋಧಿ ಭಾರತ- ಅಮೆರಿಕ ವ್ಯಾಪಾರ ಒಪ್ಪಂದಕ್ಕೆ ಸಹಿ ಹಾಕಬೇಡಿ ಎಂದು ವಾಣಿಜ್ಯ ಸಚಿವ ಪಿಯೂಷ್ ಗೋಯಲ್ ಒತ್ತಾಯಿಸಬೇಕು.
ಕೇಂದ್ರ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಅವರು DO ಪತ್ರವನ್ನು (ಗೋಧಿ ಮತ್ತು ಭತ್ತ ಬೆಳೆಗಾರರಿಗೆ ಬೋನಸ್ ನಿಲ್ಲಿಸುವಂತೆ ರಾಜ್ಯಗಳಿಗೆ ಕೇಳುವುದು) ಹಿಂಪಡೆಯುವಂತೆ ಒತ್ತಡ ಹೇರಬೇಕು.
ಕಾರ್ಮಿಕ ಸಂಹಿತೆಗಳನ್ನು ಹಿಂಪಡೆಯಿರಿ ಮತ್ತು VB-GRAMG ಕಾಯ್ದೆ 2025 ಅನ್ನು ಹಿಂಪಡೆಯಿರಿ ಹಾಗೂ MGNREG ಕಾಯ್ದೆಯನ್ನು ಮರುಸ್ಥಾಪಿಸುವಂತೆ ಒತ್ತಾಯಿಸಬೇಕು.
2. ರಾಜ್ಯಗಳ ಹಣಕಾಸು ಸ್ವಾಯತ್ತತೆಯ ತೀವ್ರ ಕುಸಿತ ಮತ್ತು ಭಾರತಾದ್ಯಂತ ಕೈಗಾರಿಕೀಕರಣದ ಕುಸಿತ, “ಮೇಕ್ ಇನ್ ಇಂಡಿಯಾ” ಅಭಿಯಾನದ ವಿಫಲತೆ ಮತ್ತು NDA ಆಡಳಿತದ 11 ವರ್ಷಗಳಲ್ಲಿ ನಿರುದ್ಯೋಗ ಹೆಚ್ಚಳಕ್ಕೆ ಕಾರಣವಾಗಿದೆ.
3. SKMನ “ಬಲಿಷ್ಠ ರಾಜ್ಯಗಳಿಂದ ಬಲಿಷ್ಠ ಭಾರತ” ಅಭಿಯಾನ – ಸಂಯುಕ್ತ ರಾಜ್ಯಗಳ ಹಕ್ಕುಗಳನ್ನು ರಕ್ಷಿಸಿ ಮತ್ತು GST ಕಾಯ್ದೆ 2017 ಅನ್ನು ತಿದ್ದುಪಡಿ ಮಾಡಿ ರಾಜ್ಯಗಳ ತೆರಿಗೆ ಅಧಿಕಾರವನ್ನು ಮರುಸ್ಥಾಪಿಸಿ. ಕೃಷಿ ರಾಜ್ಯ ಪಟ್ಟಿಯಲ್ಲಿರುವುದರಿಂದ, ರಾಜ್ಯ ವಿಧಾನಸಭೆಯಲ್ಲಿ ಮತ್ತು ಸಂಸತ್ತಿನಲ್ಲಿ MSP@C2+50% (ಎಲ್ಲ ಬೆಳೆಗಳಿಗೆ ಖಾತರಿ ಪಡೆಯುವಿಕೆ ಸಹಿತ) ಕಾನೂನು ರೂಪಿಸಲು ಸಂಪನ್ಮೂಲಗಳನ್ನು ಕ್ರೂಢೀಕರಣ ಮತ್ತು ಗ್ರಾಮೀಣ ಸಾಲದ ಹೊರೆ ಮತ್ತು ರೈತರ ಆತ್ಮಹತ್ಯೆಗಳನ್ನು ಕೊನೆಗಾಣಿಸಲು ಸಮಗ್ರ ಸಾಲ ಮನ್ನಾ ಮಾಡಿ.
ಗೌರವಾನ್ವಿತ ಮುಖ್ಯಮಂತ್ರಿಗಳೇ,
ಕೇಂದ್ರ ಸರ್ಕಾರದ ಕೇಂದ್ರೀಕರಣ ನೀತಿಗಳು—ಉದಾ: ರಾಷ್ಟ್ರೀಯ ಸಹಕಾರ ನೀತಿ (NCP) 2025, ಕರಡು ರಾಷ್ಟ್ರೀಯ ಕೃಷಿ ಮಾರ್ಕೆಟಿಂಗ್ ನೀತಿ ಚೌಕಟ್ಟು (NPFAM), ತುರ್ತು ನಿರ್ವಹಣೆ ಕಾಯ್ದೆ 2025, ಬೀಜ ಕಾಯ್ದೆ 2025, ವಿದ್ಯುತ್ ತಿದ್ದುಪಡಿ ಕಾಯ್ದೆ 2025, GRAMG ಕಾಯ್ದೆ 2025 ಮತ್ತು ಇತ್ತೀಚಿನ ಅಮೆರಿಕಾ -ಭಾರತ ವ್ಯಾಪಾರ ಒಪ್ಪಂದ ಸೇರಿದಂತೆ ವಿವಿಧ ಮುಕ್ತ ವ್ಯಾಪಾರ ಒಪ್ಪಂದಗಳು—ಕೃಷಿಯನ್ನು ಅವಲಂಬಿಸಿರುವ ರಾಜ್ಯಗಳ ಸಾಂವಿಧಾನಿಕ ಹಕ್ಕುಗಳನ್ನು ಉಲ್ಲಂಘಿಸುತ್ತಿವೆ. ಏಕೆಂದರೆ ಕೃಷಿ ರಾಜ್ಯ ವಿಷಯವಾಗಿದೆ. ನಾವು ರೈತರು ಎಲ್ಲ ರಾಜ್ಯ ಸರ್ಕಾರಗಳ ಮೇಲೆ ಒತ್ತಡ ಹಾಕುತ್ತೇವೆ: NCP 2025, NPFAM, ಬೀಜ ಕಾಯ್ದೆ 2025, ವಿದ್ಯುತ್ ಕಾಯ್ದೆ 2025ಗಳನ್ನು ವಿರೋಧಿಸಿ. ಇವು ಕಾರ್ಪೊರೇಟ್ಗಳಿಗೆ ಕೃಷಿ, ತೋಟಗಾರಿಕೆ ಮತ್ತು ಹಾಲು ಉತ್ಪಾದನಾ ಕ್ಷೇತ್ರಗಳಲ್ಲಿ “ಹಿಂಬಾಗಿಲಿನ ಮೂಲಕ” ಪ್ರವೇಶ ನೀಡುವಂತೆ ಕೇಂದ್ರೀಕರಣ ಮಾಡುತ್ತಿವೆ.
ಈ ನೀತಿ ದಾಳಿಗಳ ಸರಣಿ ಅತ್ಯಂತ ಅಪಾಯಕಾರಿ ಮತ್ತು ಕೃಷಿಯ ಕಾರ್ಪೊರೇಟೀಕರಣವನ್ನು ಹಿಂಬಾಗಿಲಿನ ಮೂಲಕ ಹೇರುವ ತಂತ್ರದ ಭಾಗವಾಗಿದೆ. ಇವು ಈಗಾಗಲೇ ನೋವಿನಲ್ಲಿರುವ ಕೃಷಿ ಕ್ಷೇತ್ರವನ್ನು ಇನ್ನಷ್ಟು ನಾಶಗೊಳಿಸುತ್ತವೆ. ಸಣ್ಣ ಉತ್ಪಾದನೆಯನ್ನು ನಿರ್ಮೂಲನ ಮಾಡುತ್ತವೆ. ಬೆಲೆ ಕುಸಿಯುತ್ತದೆ, ಸಾಲದ ಭಾರ ಹೆಚ್ಚಿಸುತ್ತವೆ, ರೈತ ಆತ್ಮಹತ್ಯೆಗಳನ್ನು ಹೆಚ್ಚಿಸುತ್ತದೆ. ಮತ್ತು ಗ್ರಾಮೀಣ ಭಾಗದಿಂದ ನಗರಕ್ಕೆ ವಲಸೆಯನ್ನು ಹೆಚ್ಚಿಸುತ್ತವೆ. ಇದು ರಾಜ್ಯ ಆರ್ಥಿಕತೆಯ ಮೇಲೆ ಭಾರಿ ಪರಿಣಾಮ ಬೀರುತ್ತದೆ.
ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಅವರು ಜನವರಿ 26, 2026ರಂದು ಸಂಸತ್ತಿನಲ್ಲಿ ಇಟ್ಟ ಆರ್ಥಿಕ ಸಮೀಕ್ಷೆ 2025-26 ಪ್ರಕಾರ, ಆದಾಯ ಮೀರಿಕೆ ರಾಜ್ಯಗಳ ಸಂಖ್ಯೆ ಹಣಕಾಸು ವರ್ಷ 2028-19ರಲ್ಲಿ 19ರಿಂದ 2025-26ರಲ್ಲಿ 11ಕ್ಕೆ ತೀವ್ರವಾಗಿ ಕುಸಿದಿದೆ.
“ಮೇಕ್ ಇನ್ ಇಂಡಿಯಾ” ಅಭಿಯಾನವನ್ನು 2014ರಲ್ಲಿ ಉತ್ಪಾದನಾ ಕ್ಷೇತ್ರದ GDP ಭಾಗವನ್ನು 2022ರ ವೇಳೆಗೆ 25%ಕ್ಕೆ ಏರಿಸಲು ಆರಂಭಿಸಲಾಯಿತು. ಆದರೆ ಉತ್ಪಾದನಾ ಮೌಲ್ಯ ಸೇರ್ಪಡೆ GDP ಶೇ. 16ಕ್ಕಿಂತ ಹೆಚ್ಚಿನದ್ದು 2014ರಲ್ಲಿ 2024-25ರಲ್ಲಿ 13%ಕ್ಕಿಂತ ಕಡಿಮೆಗೆ ಇಳಿದಿದೆ.
ಈ ಎರಡೂ ನಗ್ನ ಸತ್ಯಗಳು ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ NDA ಸರ್ಕಾರ ಮತ್ತು ಕಾರ್ಪೊರೇಟ್ ಮಾಧ್ಯಮಗಳ ಪ್ರಚಾರವಷ್ಟೇ ಎಂಬ ಸತ್ಯವನ್ನು ಬಯಲು ಮಾಡಲು ಸಾಕು. “ವಿಕಸಿತ ಭಾರತ 2047” ಎಂಬುದು ನಿರರ್ಥಕವಾಗಿದೆ. ಇದು ಯಾವುದೇ ಪ್ರಜ್ಞಾವಂತ ನಾಗರಿಕರಿಗೆ ತಿಳಿಯುವ ವಿಚಾರ.
ರೈತರು ಮತ್ತು ಕಾರ್ಮಿಕರು ಭಾರತಾದ್ಯಂತ ಹೋರಾಟ ಮಾಡಲಿದ್ದಾರೆ. ಅಮೆರಿಕಾ ಸಾಮ್ರಾಜ್ಯಶಾಹಿ ಪ್ರಾಯೋಜಿತ ಕಾರ್ಪೊರೇಟ್ ಶಕ್ತಿಗಳಿಂದ ಆರ್ಥಿಕತೆ ಮತ್ತು ದೇಶವನ್ನು ಸಂಪೂರ್ಣ ನಾಶಗೊಳಿಸುವುದನ್ನು ತಡೆಯಲು ಹೋರಾಟ ಅನಿವಾರ್ಯ. ಆದ್ದರಿಂದ, ನಾವು ರಾಜ್ಯಗಳ ಒಕ್ಕೂಟದ ಹಕ್ಕುಗಳನ್ನು ಬಲಪಡಿಸುವಂತೆ ಒತ್ತಾಯಿಸುತ್ತೇವೆ. ಇದು ಕೃಷಿಯ ಆಧುನೀಕರಣಕ್ಕೆ ಮತ್ತು ರೈತರನ್ನು ಕಾರ್ಪೊರೇಟ್ ಶೋಷಣೆಯಿಂದ ರಕ್ಷಿಸಲು ಅತ್ಯಗತ್ಯವಾಗಿದೆ. ರಾಜ್ಯಗಳ ಹಣಕಾಸು ಮತ್ತು ಶಾಸನ ಸ್ವಾಯತ್ತತೆಯನ್ನು ಮರುಸ್ಥಾಪಿಸದೆ, NDA ಸರ್ಕಾರದ “ಆಧುನೀಕರಣ” ಕೇವಲ ಕಾರ್ಪೊರೇಟ್ ಆಕ್ರಮಣ ಮತ್ತು ಶೋಷಣೆಯ ಸಾಧನವಾಗುತ್ತದೆ.
ಕೇಂದ್ರ-ಕಾರ್ಪೊರೇಟ್ ನೇತೃತ್ವದ ಮಾದರಿಗಳ ಬದಲು, ಉತ್ಪಾದಕ ಮತ್ತು ಗ್ರಾಹಕ ಸಹಕಾರ ಸಂಘಗಳ ರಾಜ್ಯ ನೇತೃತ್ವದ ಆಧುನೀಕರಣ, ಸಂಸ್ಕರಣಾ ಮೂಲಸೌಕರ್ಯ ನಿರ್ಮಾಣ ಮತ್ತು ಸಾರ್ವಜನಿಕ ವಿತರಣಾ ವ್ಯವಸ್ಥೆ (PDS)ಯನ್ನು ಬಲಪಡಿಸುವುದು ಉತ್ಪಾದಕ ಶಕ್ತಿಗಳನ್ನು ಬಿಡುಗಡೆ ಮಾಡಿ ರೈತರಿಗೆ ಪರಿಹಾರ ಬೆಲೆ, ಕಾರ್ಮಿಕರಿಗೆ ಕನಿಷ್ಠ ಕೂಲಿ ಮತ್ತು ಸಮಗ್ರ ಕಾರ್ಮಿಕರ ಕಲ್ಯಾಣವನ್ನು ಖಚಿತಪಡಿಸುವ ಜೀವಂತ ಆರ್ಥಿಕತೆಯನ್ನು ನಿರ್ಮಿಸುತ್ತದೆ. ಕಾರ್ಮಿಕರ ಖರೀದಿ ಶಕ್ತಿಯನ್ನು ಹೆಚ್ಚಿಸುವುದೇ ಪ್ರಸ್ತುತ ಕೇಂದ್ರ ಸರ್ಕಾರದಿಂದ ರಕ್ಷಣೆಯಾಗುತ್ತಿರುವ ಅಮೆರಿಕಾ ಸಾಮ್ರಾಜ್ಯಶಾಹಿಗೆ ಶರಣಾಗತಿಯನ್ನು ತಪ್ಪಿಸುವ ಮಾರ್ಗವಾಗಿದೆ.
ಆದ್ದರಿಂದ, ಭಾರತದ ಆಹಾರ ಉತ್ಪಾದಕರಾದ ನಾವು ರೈತರು ಭಾರತ– ಅಮೆರಿಕ ವ್ಯಾಪಾರ ಒಪ್ಪಂದಕ್ಕೆ ದೃಢವಾಗಿ ವಿರೋಧಿಸುತ್ತೇವೆ ಮತ್ತು ದೇಶೀಯ ರೈತರನ್ನು ಬೆದರಿಸುವ ಸುಂಕ ತೆರಿಗೆ ಅಡೆತಡೆಗಳನ್ನು ತೆಗೆದುಹಾಕುವುದನ್ನು ನಿಲ್ಲಿಸಿ, ಬದಲಿಗೆ ರಾಜ್ಯ ಸರ್ಕಾರಗಳು ದೇಶೀಯ ಉತ್ಪಾದನೆಯನ್ನು ರಕ್ಷಿಸುವಂತೆ ಒತ್ತಾಯಿಸುತ್ತೇವೆ.
ಸಂಯುಕ್ತ ಕಿಸಾನ್ ಮೋರ್ಚಾದ ರಾಷ್ಟ್ರೀಯ ಕೌನ್ಸಿಲ್ ಸಭೆಯು 24 ಫೆಬ್ರವರಿ 2026ರಂದು ಕುರುಕ್ಷೇತ್ರ, ಹರಿಯಾಣದಲ್ಲಿ “ಬಲಿಷ್ಠ ರಾಜ್ಯಗಳಿಂದ ಬಲಿಷ್ಠ ಭಾರತ” ಅಭಿಯಾನವನ್ನು ಆರಂಭಿಸಲು ನಿರ್ಧರಿಸಿತು ಮತ್ತು ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ ಅಮೆರಿಕಾ ಸಾಮ್ರಾಜ್ಯಶಾಹಿಗೆ ಶರಣಾಗತಿಯ “economic colonization” ವಿರುದ್ಧ ರೈತರು ಮತ್ತು ಕಾರ್ಮಿಕರನ್ನು ಒಗ್ಗೂಡಿಸಲು ನಿರ್ಧರಿಸಿತು. SKM ಭಾರತದ ಒಕ್ಕೂಟ ರಚನೆಯನ್ನು ಬಲಪಡಿಸುವುದಕ್ಕೆ ನಿಲ್ಲುತ್ತದೆ. ರಾಜ್ಯಗಳು ಕನಿಷ್ಠ ಬೆಂಬಲ ಬೆಲೆ (MSP) ಮತ್ತು ಕಾರ್ಮಿಕರಿಗೆ ಕನಿಷ್ಠ ಕೂಲಿಯನ್ನು ಖಚಿತಪಡಿಸುವಂತೆ ಮಾಡಲು ಅನಿವಾರ್ಯ.
ನಾವು ರಾಜ್ಯ ಸರ್ಕಾರವನ್ನು GRAMG ಕಾಯ್ದೆಯನ್ನು ವಿರೋಧಿಸುವಂತೆ ಒತ್ತಾಯಿಸುತ್ತೇವೆ. ಇದು ರಾಜ್ಯದ ಮೇಲೆ 40% ವೆಚ್ಚದ ಹೊರೆಯನ್ನು ಹೇರುತ್ತದೆ. ರಾಜ್ಯವು ಸಂಸತ್ತನ್ನು ಒತ್ತಾಯಿಸಿ GST ಕಾಯ್ದೆ 2017 ಅನ್ನು ತಿದ್ದುಪಡಿ ಮಾಡಿ ರಾಜ್ಯಗಳ ತೆರಿಗೆ ಅಧಿಕಾರವನ್ನು ಮರುಸ್ಥಾಪಿಸಬೇಕು. ಪ್ರಸ್ತುತ ವಿಭಜನೀಯ ನಿಧಿಯಿಂದ (ಸೆಸ್ ಮತ್ತು ಸರ್ಚಾರ್ಜ್ ಸೇರಿದಂತೆ) ರಾಜ್ಯಗಳಿಗೆ ದೊರೆಯುವ ಸಂಪನ್ಮೂಲದ ಭಾಗ ಕೇವಲ 33%. ನಿಮ್ಮ ಸರ್ಕಾರವು ಎಲ್ಲ ರಾಜ್ಯಗಳಿಗೆ 60% ಭಾಗವನ್ನು ನಿಗದಿಪಡಿಸುವಂತೆ ದೃಢವಾಗಿ ಒತ್ತಾಯಿಸಬೇಕು. ಭಾರತ ಸಂವಿಧಾನದಡಿ ಕೃಷಿ ರಾಜ್ಯ ವಿಷಯವಾಗಿರುವುದರಿಂದ, ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳು ಕೃಷಿಯ ಆಧುನೀಕರಣಕ್ಕೆ ಸಾಕಷ್ಟು ಸಂಪನ್ಮೂಲಗಳನ್ನು ಕಂಡುಹಿಡಿಯಬೇಕು. ರಾಜ್ಯ ಸರ್ಕಾರದ ಆದಾಯವನ್ನು ಸುಮಾರು ಎರಡು ಪಟ್ಟು ಹೆಚ್ಚಿಸಿದರೆ, ಅದು ಕೃಷಿಯನ್ನು ರೈತ-ಕಾರ್ಮಿಕ ಸಹಕಾರ ಸಂಘಗಳ ಮೂಲಕ ಆಧುನೀಕರಿಸಲು, ಕಾರ್ಪೊರೇಟ್ಕರಣಕ್ಕೆ ವಿರುದ್ಧವಾಗಿ ಕೃಷಿ ಆಧಾರಿತ ಕೈಗಾರಿಕೆಗಳನ್ನು ನಿರ್ಮಿಸಲು, ಸಾರ್ವಜನಿಕ ಮತ್ತು ಸಹಕಾರಿ ಕ್ಷೇತ್ರದಲ್ಲಿ ಬ್ರಾಂಡೆಡ್ ಮಾರುಕಟ್ಟೆಗಳನ್ನು ನಿರ್ಮಿಸಲು ಸಾಧ್ಯವಾಗುತ್ತದೆ. ಇದು M S ಸ್ವಾಮಿನಾಥನ್ ಆಯೋಗದ ಶಿಫಾರಸಿನಂತೆ MSP@C2+50% ಸಹಿತ ಎಲ್ಲ ಬೆಳೆಗಳಿಗೆ ಖಾತರಿ ಪಡೆಯುವಿಕೆಯೊಂದಿಗೆ ರೈತರೊಂದಿಗೆ ಅಧಿಕ ಭಾಗವನ್ನು ಹಂಚಿಕೊಳ್ಳುವ ಕಾನೂನನ್ನು ರಾಜ್ಯವು ರೂಪಿಸಲು ಸಾಧ್ಯವಾಗುವ ಪರ್ಯಾಯ ಮಾರ್ಗವಾಗಿದೆ ಮತ್ತು ಗ್ರಾಮೀಣ ಸಾಲದ ಭಾರ ಮತ್ತು ರೈತ ಆತ್ಮಹತ್ಯೆಗಳನ್ನು ಕೊನೆಗಾಣಿಸಲು ಸಮಗ್ರ ಸಾಲ ಮನ್ನಾ ನೀಡುವುದು.
ನಾವು ಕೇಂದ್ರ ಸರ್ಕಾರದ ಮೇಲೆ ಒತ್ತಡ ಹಾಕಿ ರೈತ ವಿರೋಧಿ, ರಾಷ್ಟ್ರ ವಿರೋಧಿ ಅಮೆರಿಕಾ ವ್ಯಾಪಾರ ಒಪ್ಪಂದಕ್ಕೆ ಸಹಿ ಹಾಕಬೇಡಿ, ರೈತರು ಮತ್ತು ದೇಶವನ್ನು ಮೋಸಗೊಳಿಸಿದ್ದಕ್ಕಾಗಿ ಕೇಂದ್ರ ವ್ಯಾಪಾರ ಸಚಿವ ಪಿಯೂಷ್ ಗೋಯಲ್ ಅವರನ್ನು ವಜಾಗೊಳಿಸಿ ಮತ್ತು ಭತ್ತ ಮತ್ತು ಗೋಧಿ ಬೆಳೆಗಾರರಿಗೆ ರಾಜ್ಯ ಬೋನಸ್ ನಿಲ್ಲಿಸುವಂತೆ ಕೇಳುವ DO ಪತ್ರವನ್ನು ಹಿಂಪಡೆಯಿರಿ ಎಂದು ದೃಢವಾಗಿ ಒತ್ತಾಯಿಸುತ್ತೇವೆ.
4 ಕಾರ್ಮಿಕ ಸಂಹಿತೆಗಳು, ವಿದ್ಯುತ್ ಕಾಯ್ದೆ 2025, ಬೀಜ ಕಾಯ್ದೆ 2025, GRAMG ಕಾಯ್ದೆ 2025, ಇನ್ಶೂರೆನ್ಸ್ ಕಾಯ್ದೆ 2025, SHANTI ಕಾಯ್ದೆ 2025 ಮುಂತಾದವುಗಳನ್ನು ಹಿಂಪಡೆಯಿರಿ ಮತ್ತು MGNREG ಕಾಯ್ದೆಯನ್ನು ಮರುಸ್ಥಾಪಿಸಿ- ಸೇರಿದಂತೆ ಮೇಲಿನ ಬೇಡಿಕೆಗಳನ್ನು ಸಾಧಿಸಿ ಸ್ವಾತಂತ್ರ್ಯ, ಪ್ರಜಾಪ್ರಭುತ್ವ ಮತ್ತು ಒಕ್ಕೂಟ ಸಾಂವಿಧಾನಿಕ ತತ್ವಗಳನ್ನು ರಕ್ಷಿಸುವ ಹೋರಾಟದಲ್ಲಿ ರಾಜ್ಯ ಸರ್ಕಾರದ ಬೆಂಬಲವನ್ನು ನಾವು ಕೋರುತ್ತೇವೆ.
ನಿಮ್ಮಿಂದ ತ್ವರಿತ ಮತ್ತು ಸಕಾರಾತ್ಮಕ ಕ್ರಮಗಳನ್ನು ನಿರೀಕ್ಷಿಸುತ್ತೇವೆ.
