ಪೆಟ್ರೋಲ್ ಬಂಕ್ನಲ್ಲಿ ಕಾರಿಗೆ ಸಿಎನ್ಜಿ ತುಂಬಿಸುವಾಗ ಕಾರಿನೊಳಗೆ ಕೂರಬಾರದು, ಹೊರಗೆ ಬನ್ನಿ ಎಂದಿದ್ದಕ್ಕೆ ಉದ್ರಿಕ್ತಗೊಂಡ ಮಹಿಳೆಯೊಬ್ಬರು ಪೆಂಟ್ರೋಲ್ ಪಂಪ್ ಉದ್ಯೋಗಿಯ ಎದೆಗೆ ಗನ್ ಇಟ್ಟು ದಾಂಧಲೆ ನಡೆಸಿರುವ ಆಘಾತಕಾರಿ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮಹಿಳೆಯ ನಡೆ ವಿರುದ್ಧ ಭಾರೀ ಆಕ್ರೋಶ ವ್ಯಕ್ತವಾಗಿದೆ.
ಉತ್ತರ ಪ್ರದೇಶದ ಹಾರ್ದೋಯ್ ಜಿಲ್ಲೆಯಲ ಬಿಲ್ಗ್ರಾಮ್ ಪಟ್ಟಣದ ಬಳಿಯ ‘ಎಚ್ಪಿ’ ಪೆಟ್ರೋಲ್ ಬಂಕ್ನಲ್ಲಿ ಘಟನೆ ನಡೆದಿದೆ. ವರದಿ ಪ್ರಕಾರ, ಕಾರಿನಲ್ಲಿ ತಂದೆ, ತಾಯಿ ಮತ್ತು ಮಗಳು ತಮ್ಮ ಕಾರಿಗೆ ಸಿಎನ್ಜಿ ತುಂಬಿಸಲು ಪೆಟ್ರೋಲ್ ಬಂಕ್ಗೆ ಬಂದಿದ್ದರು. ಸಿಎನ್ಜಿ ತುಂಬಿಸುವಾಗ ಕಾರಿನಿಂದ ಹೊರಬರುವಂತೆ ಪೆಟ್ರೋಲ್ ಪಂಪ್ ಉದ್ಯೋಗಿ ಹೇಳಿದ್ದಾರೆ. ಆ ಕಾರಣಕ್ಕೆ, ಉದ್ಯೋಗಿಯೊಂದಿಗೆ ಮಹಿಳೆಯ ತಂದೆ ಜಗಳಕ್ಕಿಳಿದಿದ್ದಾರೆ. ಈ ವೇಳೆ, ರಿವಲ್ವಾರ್ ಹಿಡಿದು ಕಾರಿನಿಂದ ಇಳಿದುಬಂದ ಮಹಿಳೆ ಏಕಾಏಕಿ ಪೆಟ್ರೋಲ್ ಪಂಪ್ ಉದ್ಯೋಗಿಯ ಎದೆಗೆ ಗುರಿಯಿಟ್ಟಿದ್ದಾರೆ.
Peak Law & Order in UP
— 𝗩eena Jain (@DrJain21) June 16, 2025
A CNG operator asked passengers to get down to fill gas in car. A lady got angry & came with a Rev@lver
If this happened in Bengaluru, it would have been the National news. But since it's UP, Godi media won't even report it 🙌
pic.twitter.com/GuoKYAwavD
ವಿಡಿಯೋದಲ್ಲಿ; ಮಹಿಳೆಯು ಕಾರಿನಿಂದ ರಿವಲ್ವಾರ್ ತಂದು ಉದ್ಯೋಗಿಯ ಎದೆಗೆ ಗುರಿಯಿಡುತ್ತಾರೆ. ಒಂದು ಕ್ಷಣ ಪೆಟ್ರೋಲ್ ಪಂಪ್ ಉದ್ಯೋಗಿಗಳು ಭಯಗೊಳ್ಳುತ್ತಾರೆ. ಬಳಿಕ, ಮತ್ತೊಬ್ಬ ಉದ್ಯೋಗಿ ಮಹಿಳೆಯನ್ನು ತಡೆಯುತ್ತಾರೆ. ಅದೃಷ್ಟಕ್ಕೆ, ಮಹಿಳೆ ಗುಂಡನ್ನು ಹಾರಿಸುವುದಿಲ್ಲ.
ಘಟನೆ ಬಗ್ಗೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು, ಉತ್ತರ ಪ್ರದೇಶದಲ್ಲಿನ ಕಾನೂನು ಸುವ್ಯವಸ್ಥೆಯ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಎತ್ತಿದ್ದಾರೆ. ಕಳವಳ ವ್ಯಕ್ತಪಡಿಸಿದ್ದಾರೆ.
ಘಟನೆ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ಆರಂಭಿಸಿದ್ದಾರೆ. ಪೆಟ್ರೋಲ್ ಪಂಪ್ನಲ್ಲಿರುವ ಸಿಸಿಟಿವಿ ದೃಶ್ಯಾವಳಿಗಳು ಮತ್ತು ಮೊಬೈಲ್ ವೀಡಿಯೊ ರೆಕಾರ್ಡಿಂಗ್ಗಳನ್ನು ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ.
