ಕೇರಳದ ಮಲಪ್ಪುರಂ ಜಿಲ್ಲೆಯ ತಾನೂರಿನಲ್ಲಿ ಭಾನುವಾರ ಸಂಭವಿಸಿದ ಬೋಟ್ ದುರಂತದಲ್ಲಿ 6 ಮಕ್ಕಳು ಮತ್ತು 3 ಮಹಿಳೆಯರು ಸೇರಿದಂತೆ ಕನಿಷ್ಠ 18 ಮಂದಿ ಮೃತಪಟ್ಟಿದ್ದಾರೆ. 20 ಜನರನ್ನು ಈಗಾಗಲೇ ರಕ್ಷಿಸಲಾಗಿದ್ದು, ಸಾವಿನ ಸಂಖ್ಯೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ.
ತಾನೂರಿನ ಒಟ್ಟುಂಪುರಂನ ತೂವಲ್ ಥೀರಂ ಎಂಬಲ್ಲಿ ಭಾನುವಾರ ಸಂಜೆ 6.30ರ ಸಮಯದಲ್ಲಿ ಈ ದುರಂತ ಸಂಭವಿಸಿದೆ.
ನದಿಯಲ್ಲಿ ಮುಳುಗಿದ ಎರಡು ಅಂತಸ್ತಿನ ಬೋಟ್ನಲ್ಲಿ 40 ರಿಂದ 50 ಮಂದಿ ಪ್ರವಾಸಿಗರಿದ್ದರು ಎನ್ನಲಾಗಿದೆ. ಬೋಟ್ನಿಂದ ಜಿಗಿದು ಕೆಲವರು ಈಜಿ ದಡ ಸೇರಿ ಪ್ರಾಣ ಉಳಿಸಿಕೊಂಡಿದ್ದಾರೆ.
At least nineteen people died after a #houseboat, which was ferrying tourists capsized in #Kerala’s #Malappuram. #PMModi announced an ex-gratia of Rs 2 lakh for families of the deceased#boat #accident #boataccident
— News18 (@CNNnews18) May 7, 2023
Read more here: https://t.co/pkf98EBQ8C pic.twitter.com/coqwHjapJ5
ದುರಂತಕ್ಕೀಡಾದ ಬೋಟ್ಗೆ ಎರಡು ಬಾಗಿಲುಗಳಿದ್ದರೂ ಸಹ, ಸಣ್ಣ ಮಕ್ಕಳು ಸೇರಿದಂತೆ ಹಲವು ಕುಟುಂಬಗಳು ಹೊರಬರಲಾಗದೆ ಕೆಳಗಿನ ಅಂತಸ್ತಿನಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ಈಜಿ ದಡ ಸೇರಿದ ಶಫೀಕ್ ಎಂಬುವವರು ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ್ದಾರೆ.
