ಯುವತಿಯರಿಗೆ ಉದ್ಯೋಗ ಕೊಡಿಸುವ ನೆಪದಲ್ಲಿ ಅತ್ಯಾಚಾರ ಎಸಗಿ, ಅವರನ್ನು ಲೈಂಗಿಕ ದಂಧೆಗೆ ಒಳಪಡಿಸಿದ್ದ ಇಬ್ಬರ ಸಹೋದರಿಯರು ಮತ್ತು ಓರ್ವ ಕಾಮುಕನನ್ನು ಮಧ್ಯಪ್ರದೇಶ ಪೊಲೀಸರು ಬಂಧಿಸಿದ್ದಾರೆ.
ಮಧ್ಯಪ್ರದೇಶದ ಬಗ್ಸೇವಾನಿಯಾ ಪೊಲೀಸರು ಲೈಂಗಿಕ ಅಪರಾಧ ಮತ್ತು ಡ್ರಗ್ಸ್ ಜಾಲವನ್ನು ಭೇದಿಸಿದ್ದಾರೆ. ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಆರೋಪಿಗಳ ವಿರುದ್ಧ ಬಿಎನ್ಎಸ್ ಸೆಕ್ಷನ್ 64 (ಅತ್ಯಾಚಾರ), 123 (ಡ್ರಗ್ಸ್ ನೀಡಿ ಅಪರಾಧ ಎಸಗುವುದು), 351 (ಅಪರಾಧ ಪಿತೂರಿ) ಅನ್ವಯ ಹಾಗೂ ಮಧ್ಯಪ್ರದೇಶ ಧಾರ್ಮಿಕ ಸ್ವಾತಂತ್ರ್ಯದ ಹಕ್ಕು ಕಾಯ್ದೆ ಅಡಿ ಪ್ರಕರಣ ದಾಖಲಿಸಿದ್ದಾರೆ.
ಇತ್ತೀಚೆಗೆ, ಇಬ್ಬರು ಯುವತಿಯರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಉದ್ಯೋಗ ಮತ್ತು ವಸತಿ ಸೌಲಭ್ಯ ಒದಗಿಸುವುದಾಗಿ ಕರೆದೊಯ್ದು, ತಮ್ಮ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ. ಬಲವಂತವಾಗಿ ಡ್ರಗ್ಸ್ ನೀಡಿ ನಮ್ಮ ಮೇಲೆ ಭೋಪಾಲ್, ಮುಂಬೈ ಹಾಗೂ ಗುಜರಾತ್ನಲ್ಲಿ ಅವರು ಮಂದಿ ಅತ್ಯಾಚಾರ ಎಸಗುವಂತೆ ಮಾಡಿದ್ದಾರೆ ಎಂದು ಆರೋಪಿಸಿದ್ದರು.
ಅವರ ದೂರಿನ ಆಧಾರದಲ್ಲಿ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಅಹಮದಾಬಾದ್ನಲ್ಲಿ ದಾಳಿ ನಡೆಸಿದ್ದು, ಇಬ್ಬರು ಸಹೋದರಿಯರು ಮತ್ತು ಅವರ ಸಹಚರನನ್ನು ಬಂಧಿಸಿದ್ದಾರೆ.
