ಭಾರತದಲ್ಲಿ ನಿರುದ್ಯೋಗ ಪ್ರಮಾಣ ನಿರಂತರವಾಗಿ ಹೆಚ್ಚುತ್ತಿದೆ. ಒಟ್ಟು ನಿರುದ್ಯೋಗ ದರವು 5.2%ಗೆ ಏರಿಕೆಯಾಗಿದೆ. ಆದಾಗ್ಯೂ, ಯುವಜನರಲ್ಲಿನ ನಿರುದ್ಯೋಗ ದರವು 15%ಗೆ ಜಿಗಿದಿದೆ.
ಸೆಪ್ಟೆಂಬರ್ನಲ್ಲಿ ಗ್ರಾಮೀಣ ನಿರುದ್ಯೋಗ ದರವು ಹೆಚ್ಚಾಗಿದೆ. ಕಾರ್ಮಿಕ ಮಾರುಕಟ್ಟೆಗಳು ವೇಗ ಕಳೆದುಕೊಂಡಿವೆ ಎಂದು ರಾಷ್ಟ್ರೀಯ ಅಂಕಿಅಂಶ ಕಚೇರಿ (ಎನ್ಎಸ್ಒ) ತಿಳಿಸಿದೆ.
ಎನ್ಎಸ್ಒ ತನ್ನ ಮಾಸಿಕ ಆವರ್ತಕ ಕಾರ್ಮಿಕ ಬಲ ಸಮೀಕ್ಷೆ (ಪಿಎಲ್ಎಫ್ಎಸ್) ದತ್ತಾಂಶವನ್ನು ಬಿಡುಗಡೆ ಮಾಡಿದೆ. ಒಟ್ಟಾರೆ ನಿರುದ್ಯೋಗ ದರವು ಆಗಸ್ಟ್ನಲ್ಲಿ 5.1% ಇತ್ತು. ಸೆಪ್ಟೆಂಬರ್ನಲ್ಲಿ 5.2%ಗೆ ಏರಿಕೆಯಾಗಿದೆ. ಇನ್ನು, ದೇಶಾದ ಒಟ್ಟಾರೆ ಯುವಜನರಲ್ಲಿ (15ರಿಂದ 29 ವರ್ಷ ವಯಸ್ಸು) ನಿರುದ್ಯೋಗ ಪ್ರಮಾಣವು 14.6% ರಿಂದ 15% ಕ್ಕೆ ಏರಿಕೆಯಾಗಿದೆ ಎಂದು ಅಂಕಿಅಂಶಗಳು ತಿಳಿಸಿವೆ.
ಯುವಜನರ ಪೈಕಿ, ಗ್ರಾಮೀಣ ಭಾಗದಲ್ಲಿ ಯುವಜನರ ನಿರುದ್ಯೋಗ ದರವು 4.6%ಗೆ ಹೆಚ್ಚಾಗಿದೆ. ಇದು, ಆಗಸ್ಟ್ನಲ್ಲಿ 4.3% ಇತ್ತು. ಅಂತೆಯೇ, ನಗರ ಪ್ರದೇಶಗಲ್ಲಿ ಆಗಸ್ಟ್ನಲ್ಲಿ 6.7% ಇದ್ದ ನಿರುದ್ಯೋಗ ಪ್ರಮಾಣವು ಸೆಪ್ಟೆಂಬರ್ನಲ್ಲಿ 6.8%ಗೆ ಹೆಚ್ಚಾಗಿದೆ ಂದು ದತ್ತಾಂಶ ತಿಳಿಸಿದೆ.
ಪುರುಷರ ನಿರುದ್ಯೋಗ ದರವು 5% ರಿಂದ 5.1%ಗೆ ಏರಿಕೆಯಾಗಿದ್ದರೆ, ಮಹಿಳೆಯರಲ್ಲಿ 5.2% ರಿಂದ 5.5%ಗೆ ಹೆಚ್ಚಾಗಿದೆ.
ಕೆಲಸ ಮಾಡುವ ಅಥವಾ ಕೆಲಸ ಹುಡುಕುತ್ತಿರುವ ಜನರ ಸಂಖ್ಯೆಯನ್ನು ಅಳೆಯುವ ‘ಕಾರ್ಮಿಕ ಬಲ ಭಾಗವಹಿಸುವಿಕೆಯ ದರ’ (LFPR), ಆಗಸ್ಟ್ನಲ್ಲಿ 55%ಇದ್ದದ್ದು, ಸೆಪ್ಟೆಂಬರ್ನಲ್ಲಿ 55.3%ಕ್ಕೆ ಏರಿಕೆಯಾಗಿದೆ.
