ಜಾರಿ ನಿರ್ದೇಶನಾಲಯ (ಇಡಿ) ಐದು ವರ್ಷಗಳಲ್ಲಿ 5,100ಕ್ಕೂ ಹೆಚ್ಚು ಅಕ್ರಮ ಹಣ ವರ್ಗಾವಣೆ ಪ್ರಕರಣಗಳನ್ನು ದಾಖಲಿಸಿಕೊಂಡಿದ್ದು, ಶೇಕಡ 95ರಷ್ಟು ಪ್ರಕರಣಗಳಲ್ಲಿ ಶಿಕ್ಷೆ ವಿಧಿಸಲಾಗಿದೆ ಎಂದು ಸರ್ಕಾರ ಮಂಗಳವಾರ ಸಂಸತ್ತಿಗೆ ತಿಳಿಸಿದೆ.
ಸಮಾಜವಾದಿ ಪಕ್ಷ(ಎಸ್ಪಿ) ರಾಮ್ಜಿ ಲಾಲ್ ಸುಮನ್ ಪ್ರಶ್ನೆಗೆ ಉತ್ತರಿಸಿದ ಹಣಕಾಸು ರಾಜ್ಯ ಸಚಿವ ಪಂಕಜ್ ಚೌಧರಿ, “2020-21 ಮತ್ತು 2025ರ ಡಿಸೆಂಬರ್ ನಡುವೆ ಹಣ ವರ್ಗಾವಣೆ ತಡೆ ಕಾಯ್ದೆ (ಪಿಎಂಎಲ್ಎ) 2002ರ ಅಡಿಯಲ್ಲಿ ತನಿಖೆಗಾಗಿ ಇಡಿ 5,158 ಪ್ರಕರಣಗಳನ್ನು ದಾಖಲಿಸಿದೆ” ಎಂದು ಮಾಹಿತಿ ನೀಡಿದರು.
ಇದನ್ನು ಓದಿದ್ದೀರಾ? ಅಕ್ರಮ ಹಣ ವರ್ಗಾವಣೆ ಪ್ರಕರಣ: ಜಾಕ್ವೆಲಿನ್ ಫರ್ನಾಂಡಿಸ್ಗೆ ಇಡಿ ಸಮನ್ಸ್
ಹಾಗೆಯೇ ಸಂಸ್ಥೆಯು ಪ್ರಕರಣಗಳ ರಾಜ್ಯವಾರು ಡೇಟಾವನ್ನು ಹೊಂದಿಲ್ಲ ಎಂದೂ ತಿಳಿಸಿದ್ದಾರೆ. 2021-22ರಲ್ಲಿ 1,116 ಪ್ರಕರಣ ದಾಖಲಾಗಿದ್ದು, ನಂತರ 2020-21ರಲ್ಲಿ 996 ಪ್ರಕರಣಗಳು ದಾಖಲಾಗಿವೆ. 2023-24ರಲ್ಲಿ ಈ ಸಂಖ್ಯೆ 698ಕ್ಕೆ ಇಳಿದಿದ್ದು, 2024-25ರಲ್ಲಿ ಮತ್ತೆ 775ಕ್ಕೆ ಏರಿದೆ. ಪ್ರಸ್ತುತ ಹಣಕಾಸು ವರ್ಷದಲ್ಲಿ ಡಿಸೆಂಬರ್ 2025ರವರೆಗೆ 620 ಪ್ರಕರಣಗಳು ದಾಖಲಾಗಿವೆ ಎಂದು ಕೇಂದ್ರದ ದಾಖಲೆ ಹೇಳಿದೆ.
2025ರ ಡಿಎಂಬರ್ನಲ್ಲಿ PMLA ಪ್ರಾರಂಭವಾದಾಗಿನಿಂದ ಇಡಿ ಒಟ್ಟು 8,391 ಇಸಿಐಆರ್ಗಳನ್ನು ದಾಖಲಿಸಿದೆ. ಆದಾಯವನ್ನು ವಶಪಡಿಸಿಕೊಳ್ಳಲು ಕೋರಿ ವಿಶೇಷ PMLA ನ್ಯಾಯಾಲಯಗಳಲ್ಲಿ 1,960 ಪ್ರಕರಣಗಳಲ್ಲಿ ಪ್ರಾಸಿಕ್ಯೂಷನ್ ದೂರುಗಳನ್ನು ಸಲ್ಲಿಸಲಾಗಿದೆ.
ವಿಶೇಷ ನ್ಯಾಯಾಲಯಗಳು ಇಲ್ಲಿಯವರೆಗೆ 58 ಹಣ ವರ್ಗಾವಣೆ ಪ್ರಕರಣಗಳಲ್ಲಿ ಅರ್ಹತೆಯ ಆಧಾರದ ಮೇಲೆ ತೀರ್ಪುಗಳನ್ನು ನೀಡಿವೆ. ಇದರ ಪರಿಣಾಮವಾಗಿ 55 ಪ್ರಕರಣಗಳಲ್ಲಿ ಶಿಕ್ಷೆಯಾಗಿದೆ, 123 ಆರೋಪಿಗಳು ಶಿಕ್ಷೆಗೊಳಗಾಗಿದ್ದಾರೆ ಎಂದು ಸರ್ಕಾರ ಹೇಳಿದೆ. ಅರ್ಹತೆಯ ಆಧಾರದ ಮೇಲೆ ನಿರ್ಧರಿಸಲಾದ ಪ್ರಕರಣಗಳಲ್ಲಿ ಶೇಕಡ 94.82ರಷ್ಟು ಪ್ರಕರಣಗಳಲ್ಲಿ ಶಿಕ್ಷೆಯಾಗಿದೆ.
