ಕಾಂಗ್ರೆಸ್ ಗ್ಯಾರಂಟಿಗಳಲ್ಲಿ ಒಂದಾದ ಅನ್ನಭಾಗ್ಯ ಯೋಜನೆ ಜಾರಿಗೆ ರಾಜ್ಯ ಸರ್ಕಾರ ಮುಂದಾಗಿದ್ದು, ಅಕ್ಕಿ ಬದಲು ಹಣ ನೀಡುವುದಾಗಿ ಘೋಷಿಸಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಬಿಜೆಪಿಯು ರಾಜ್ಯದ ಜನರಿಗೆ ಸಿದ್ದರಾಮಯ್ಯ ಅವರು ಕೈಯಾರೆ ಕೊಟ್ಟ ಅಕ್ಕಿ ಶೂನ್ಯ ಎಂದು ಟೀಕಿಸಿದೆ.
ಈ ಕುರಿತು ಟ್ವೀಟ್ ಮಾಡಿರುವ ಬಿಜೆಪಿ, “ಪುಕ್ಕಟೆ ಅಕ್ಕಿ ಗ್ಯಾರಂಟಿ ಕೊಡ್ತೀವಿ ಅಂತ ಚೀರಾಡುತ್ತಲೇ ಅಧಿಕಾರ ಹಿಡಿದ ಮಾನ್ಯ ಸಿದ್ದರಾಮಯ್ಯ ಅವರೇ, ಪ್ರಧಾನಿ ನರೇಂದ್ರ ಮೋದಿ ಅವರು ನಮ್ಮ ನಾಡಿನ 4.2 ಕೋಟಿ ಜನರಿಗೆ ತಿಂಗಳಿಗೆ 5 ಕೆ.ಜಿ ಅಕ್ಕಿ ಉಚಿತವಾಗಿ ತಲುಪಿಸಿ ಹಸಿವು ನೀಗಿಸುತ್ತಿದ್ದಾರೆ. ಸ್ವಾಮೀ, ನೀವು ಕೊಟ್ಟ ಅಕ್ಕಿ ಎಷ್ಟು? ಶೂನ್ಯ. ರಾಜ್ಯದ ಜನರಿಗೆ ಹಾಕಿದ್ದು ಪಂಗನಾಮ” ಎಂದು ಕಿಡಿಕಾರಿದೆ.
ಪುಕ್ಕಟೆ ಅಕ್ಕಿ ಗ್ಯಾರಂಟಿ ಕೊಡ್ತೀವಿ ಅಂತ ಚೀರಾಡುತ್ತಲೇ ಅಧಿಕಾರ ಹಿಡಿದ ಮಾನ್ಯ @siddaramaiah ರವರೇ, ಪ್ರಧಾನಿ @narendramodi ಅವರು ನಮ್ಮ ನಾಡಿನ 4.2 ಕೋಟಿ ಜನರಿಗೆ ತಿಂಗಳಿಗೆ 5 ಕೆಜಿ ಅಕ್ಕಿ ಉಚಿತವಾಗಿ ತಲುಪಿಸಿ ಹಸಿವು ನೀಗಿಸುತ್ತಿದ್ದಾರೆ.
— BJP Karnataka (@BJP4Karnataka) June 29, 2023
ಸ್ವಾಮೀ, ನೀವು ಕೊಟ್ಟ ಅಕ್ಕಿ ಎಷ್ಟು? ಶೂನ್ಯ
ಹಾಕಿದ್ದು – ಪಂಗನಾಮ ! pic.twitter.com/XeTopcrwVO
ಮಹಿಳೆಯರ ಶಾಪ ಒಳ್ಳೆಯದಲ್ಲ ಎಚ್ಚರ
“ಸಿದ್ದರಾಮಯ್ಯ ಅವರೇ, ಗೃಹ ಜ್ಯೋತಿ, ಗೃಹ ಲಕ್ಷ್ಮಿ, ಶಕ್ತಿ ಹೆಸರಲ್ಲಿ ಮಹಿಳೆಯರ ಕಿವಿ ಮೇಲೆ ಹೂವು ಇಡುವುದಕ್ಕಾಗಿ ಕಾಲಹರಣ ಮಾಡುವುದನ್ನು ಬಿಡಿ. ಸ್ತ್ರೀ ಶಕ್ತಿ ಸಂಘಗಳ ಸಾಲ ಮನ್ನಾ ಯಾವಾಗ? ಅಂಗನವಾಡಿ ಕಾರ್ಯಕರ್ತೆಯರ ವೇತನ ₹15 ಸಾವಿರ ಯಾವಾಗ? ಆಶಾ ಕಾರ್ಯಕರ್ತೆಯರ ಮಾಸಿಕ ಗೌರವಧನ ₹8 ಸಾವಿರ ಯಾವಾಗ? ಪೊಲೀಸ್ ಇಲಾಖೆಯಲ್ಲಿ ಶೇ.33ರಷ್ಟು ಮಹಿಳೆಯರ ನೇಮಕಾತಿ ಯಾವಾಗ? ಮೀನುಗಾರ ಮಹಿಳೆಯರಿಗೆ ₹3 ಲಕ್ಷ ವರೆಗೆ ಬಡ್ಡಿರಹಿತ ಸಾಲ ಯಾವಾಗ? ನಾರಿ ಮುನಿದರೆ ಮಾರಿ ನೆನಪಿರಲಿ” ಮಹಿಳೆಯರ ಶಾಪ ಒಳ್ಳೆಯದಲ್ಲ ಎಚ್ಚರ” ಎಂದು ಬಿಜೆಪಿ ಟ್ವೀಟ್ ಮಾಡಿದೆ.
