ಬಿಹಾರ ಚುನಾವಣೆಯ ಮತ ಎಣಿಕೆ ನಡೆಯುತ್ತಿದೆ. ಬಿಜೆಪಿ-ಜೆಡಿಯು ನೇತೃತ್ವದ ಎನ್ಡಿಎ ಭಾರೀ ಮುನ್ನಡೆಯಲ್ಲಿದೆ. 2020ರ ಚುನಾವಣೆಯಲ್ಲಿ ಬಿಹಾರದ ಪರಿಶಿಷ್ಟ ಜಾತಿ (ಎಸ್ಸಿ) ಮೀಸಲು ಕ್ಷೇತ್ರಗಳಲ್ಲಿ ಭಾರೀ ಪೈಪೋಟಿ ನೀಡಿದ್ದ ಮಹಾಘಟಬಂಧನ್, ಈ ಬಾರಿ ಹೀನಾಯವಾಗಿ ಹಿಂದುಳಿದಿದೆ.
ಬಿಹಾರದ ಒಟ್ಟು 38 ಎಸ್ಸಿ ಮೀಸಲು ಕ್ಷೇತ್ರಗಳ ಪೈಕಿ 35ರಲ್ಲಿ ಎನ್ಡಿಎ ಮುನ್ನಡೆ ಸಾಧಿಸಿದೆ. ಮಹಾಘಟಬಂಧನ್ ಕೇವಲ 3 ಸ್ಥಾನಗಳಲ್ಲಿ ಮಾತ್ರವೇ ಮುನ್ನಡೆಯಲ್ಲಿದೆ.
2020ಕ್ಕೆ ಹೋಲಿಸಿದರೆ, ಎನ್ಡಿಎ ದೊಡ್ಡ ಜಿಗಿತವಾಗಿದೆ. 2020ರ ಚುನಾವಣೆಯಲ್ಲಿ ಎನ್ಡಿಎ 21 ಸ್ಥಾನಗಳಲ್ಲಿಯೂ, ಮಹಾಘಟಬಂಧನ್ 17 ಕ್ಷೇತ್ರಗಳಲ್ಲಿಯೂ ಗೆದ್ದಿದ್ದವು. ಎಸ್ಸಿ ಮೀಸಲು ಕ್ಷೇತ್ರಗಳನ್ನು ಎನ್ಡಿಎ ಕಬಳಿಸಿಕೊಂಡಿದೆ.
ಎನ್ಡಿಎ ಪೈಕಿ ಜೆಡಿಯು 14 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. 2020ರಲ್ಲಿ 8 ಕ್ಷೇತ್ರಗಳನ್ನು ಮಾತ್ರವೇ ಗೆದ್ದಿತ್ತು. ಬಿಜೆಪಿ 11 ಸ್ಥಾನಗಳಲ್ಲಿ ಮುನ್ನಡೆಯಲ್ಲಿದೆ. 2020ರಲ್ಲಿ 9 ಕ್ಷೇತ್ರಗಳಲ್ಲಿ ಗೆದ್ದಿತ್ತು. 2020ರಲ್ಲಿ ಶೂನ್ಯ ಸಾಧನೆ ಮಾಡಿದ್ದ ಎಲ್ಜೆಪಿ(ಆರ್ವಿ) ಈಗ 6 ಕ್ಷೇತ್ರಗಳಲ್ಲಿ ಮುಂದೆ ಇದೆ.
ಮಹಾಘಟಬಂಧನ್ನಲ್ಲಿ ಆರ್ಜೆಡಿ 2 ಸ್ಥಾನಗಳಲ್ಲಿ ಮುಂದೆ ಇದೆ.2020ರಲ್ಲಿ 9 ಸ್ಥಾನಗಳನ್ನು ಗೆದ್ದಿತ್ತು. ಇನ್ನು, 2020ರಲ್ಲಿ 4 ಎಸ್ಸಿ ಮೀಸಲು ಸ್ಥಾನಗಳನ್ನು ಗೆದ್ದಿದ್ದ ಕಾಂಗ್ರೆಸ್, ಈಗ 1 ಕ್ಷೇತ್ರದಲ್ಲಿ ಮುನ್ನಡೆಯಲ್ಲಿದೆ.
ಬಿಹಾರದಲ್ಲಿ 2 ಕ್ಷೇತ್ರಗಳು ಮಾತ್ರವೇ ಎಸ್ಟಿ ಮೀಸಲು ಕ್ಷೇತ್ರಗಳಿವೆ. ಎರಡರಲ್ಲೂ ಮಹಾಘಟಬಂಧನ್ ಮುನ್ನಡೆಯಲ್ಲಿದೆ. ಮಣಿಹಾರಿಯಲ್ಲಿ ಕಾಂಗ್ರೆಸ್ ಮತ್ತು ಕಟೋರಿಯಾದಲ್ಲಿ ಆರ್ಜೆಡಿ ಮುನ್ನಡೆಯಲ್ಲಿದೆ. 2020ರಲ್ಲಿ ಮಣಿಹಾರಿಯಲ್ಲಿ ಕಾಂಗ್ರೆಸ್ ಗೆದ್ದಿತ್ತು. ಕಟೋರಿಯಾದಲ್ಲಿ ಬಿಜೆಪಿ ಗೆಲುವು ಸಾಧಿಸಿತ್ತು.
