ಬಿಹಾರ ವಿಧಾನಸಭೆ ಚುನಾವಣೆಗೂ ಮುನ್ನವೇ ಚುನಾವಣಾ ಅಧಿಕಾರಿಗಳು ಮರ್ಹೌರಾ ವಿಧಾನಸಭೆ ಕ್ಷೇತ್ರದ ನಾಲ್ವರು ಅಭ್ಯರ್ಥಿಗಳ ನಾಮಪತ್ರಗಳನ್ನು ತಿರಸ್ಕರಿಸಿದೆ. ಅನರ್ಹರಾದವರಲ್ಲಿ ಬಿಜೆಪಿ ನೇತೃತ್ವದ NDA ಮಿತ್ರ ಪಕ್ಷ ಲೋಕ ಜನಶಕ್ತಿ ಪಕ್ಷ (ರಾಮ್ ವಿಲಾಸ್) ಅಭ್ಯರ್ಥಿ ಸೀಮಾ ಸಿಂಗ್ ಕೂಡಾ ಸೇರಿದ್ದಾರೆ.
ಜೆಡಿಯು ಮಾಜಿ ಜಿಲ್ಲಾಧ್ಯಕ್ಷ ಅಲ್ತಾಫ್ ಆಲಂ ರಾಜು (ಸ್ವತಂತ್ರ ಅಭ್ಯರ್ಥಿ), ಬಿಎಸ್ಪಿಯ ಆದಿತ್ಯ ಕುಮಾರ್ ಮತ್ತು ಸ್ವತಂತ್ರ ಅಭ್ಯರ್ಥಿ ವಿಶಾಲ್ ಕುಮಾರ್ ನಾಮಪತ್ರ ಕೂಡಾ ರದ್ದಾಗಿದೆ. ನಾಮಪತ್ರದಲ್ಲಿ ನಾಮಿನಿಗಳಲ್ಲಿ ವ್ಯತ್ಯಾಸಗಳು ಮತ್ತು ತಾಂತ್ರಿಕ ದೋಷಿಗಳಿವೆ ಎಂದು ಚುನಾವಣಾಧಿಕಾರಿಗಳು ಹೇಳಿದ್ದಾರೆ.
ಇದನ್ನು ಓದಿದ್ದೀರಾ? ಬಿಹಾರ ಚುನಾವಣೆ | ಚಿರಾಗ್ರ ‘ಎಲ್ಜೆಪಿ’ – ಪ್ರಶಾಂತ್ ಕಿಶೋರ್ರ ‘ಜನ ಸುರಾಜ್’ ಮೈತ್ರಿ?
ಇನ್ನು ಜೆಡಿಯು ಟಿಕೆಟ್ ಕಳೆದುಕೊಂಡು ಸ್ವತಂತ್ರ ಅಭ್ಯರ್ಥಿಯಾಗಿ ನಾಮಪತ್ರದ ಸಲ್ಲಿಸಿದ್ದ ಅಲ್ತಾಫ್ ಅಲಂ ರಾಜು ಅವರ ನಾಮಪತ್ರವೂ ತಿರಸ್ಕೃತಗೊಂಡಿದೆ.
ಜನಪ್ರಿಯ ಭೋಜ್ಪುರಿ ಚಲನಚಿತ್ರ ನಟಿ ಮತ್ತು ರಾಜಕಾರಣಿ ಸೀಮಾ ಸಿಂಗ್ ಮರ್ಹೌರಾದ ಪ್ರಬಲ ಸ್ಪರ್ಧಿಯಾಗಿದ್ದರು. ಅವರ ನಾಮಪತ್ರ ರದ್ದಾಗಿರುವುದು ಎನ್ಡಿಎ ಒಕ್ಕೂಟಕ್ಕೆ ಪ್ರಮುಖ ಹಿನ್ನಡೆಯೆಂದೇ ಪರಿಗಣಿಸಲಾಗುತ್ತಿದೆ. ಸದ್ಯ ಆರ್ಜೆಡಿಯ ಜಿತೇಂದ್ರ ರೈ ಮತ್ತು ಜನ ಸುರಾಜ್ನ ಅಭಯ್ ಸಿಂಗ್ ನಡುವೆ ನೇರ ಹಣಾಹಣಿ ನಡೆಯುವ ಸಾಧ್ಯತೆಯಿದೆ.
ಜಿತೇಂದ್ರ ರೈ 2010ರಿಂದ ಮರ್ಹೌರಾವನ್ನು ಪ್ರತಿನಿಧಿಸುತ್ತಿದ್ದಾರೆ. ಸೀಮಾ ಮೂಲಕ ರೈ ಅವರನ್ನು ಸೋಲಿಸುವ ಯೋಜನೆಯನ್ನು ಎನ್ಡಿಎ ರೂಪಿಸಿಕೊಂಡಿತ್ತು. ಆದರೆ ನಾಮಪತ್ರವೇ ರದ್ದಾಗಿದೆ.
ಮರ್ಹೌರಾದ ಅಭ್ಯರ್ಥಿಗಳು
ಲಾಲು ಪ್ರಸಾದ್ ಯಾದವ್ – ರಾಷ್ಟ್ರೀಯ ಜನ ಸಮರ್ಥನ್ ಪಾರ್ಟಿ
ಸಂದೇವ್ ಕುಮಾರ್ ರೈ – ಸ್ವತಂತ್ರ
ಜಿತೇಂದ್ರ ಕುಮಾರ್ ರೈ – ರಾಷ್ಟ್ರೀಯ ಜನತಾ ದಳ (RJD)
ಅಂಕಿತ್ ಕುಮಾರ್ – ಸ್ವತಂತ್ರ
ಮನೇಜರ್ ಕುಮಾರ್ – ಸ್ವತಂತ್ರ
ನವೀನ್ ಕುಮಾರ್ ಸಿಂಗ್ ಅಕಾ ಅಭಯ್ ಸಿಂಗ್ – ಜನ್ ಸುರಾಜ್ ಪಕ್ಷ
ಅಭಿಷೇಕ್ ರಂಜನ್ – ಸ್ವತಂತ್ರ
ಮಧುಬಾಲ ಗಿರಿ – ದಿ ಪ್ಲರಲ್ಸ್ ಪಾರ್ಟಿ
ಪುರುಷೋತ್ತಮ್ ಕುಮಾರ್ – ರಾಷ್ಟ್ರೀಯ ಸಬ್ ಜನ ಶಕ್ತಿ ಪಾರ್ಟಿ
