ಬಿಹಾರ ವಿಧಾನಸಭಾ ಚುನಾವಣೆ ಮತ ಎಣಿಕೆ ನಡೆಯುತ್ತಿದೆ. ಎನ್ಡಿಎ ಮೈತ್ರಿಕೂಟವು 200ಕ್ಕೂ ಹೆಚ್ಚು ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ. ಮಹಘಟಬಂಧನ್ ಕೇವಲ 36 ಸ್ಥಾನಗಳಲ್ಲಿ ಮಾತ್ರವೇ ಮುನ್ನಡೆ ಸಾಧಿಸಿದ್ದು, ತೀವ್ರ ಸೋಲಿನ ಆಘಾತದಲ್ಲಿದೆ. ಇದೇ ಸಮಯದಲ್ಲಿ ಗಮನಾರ್ಹ ವಿಚಾರವೆಂದರೆ, ಮಹಾಘಟಬಂಧನ್ ಮೈತ್ರಿಕೂಟವನ್ನು ಮುನ್ನಡೆಸುತ್ತಿರುವ ಆರ್ಜೆಡಿ ಅತೀ ಹೆಚ್ಚು ಮತ ಹಂಚಿಕೆ (ಓಟ್ ಶೇರ್) ಪಡೆದಿದೆ. ಆದರೆ, ಸೀಟುಗಳಲ್ಲಿ ಹಿಂದೆಬಿದ್ದಿದೆ.
ಈವರೆಗೆ ಎಣಿಸಲಾಗಿರುವ ಮತಗಳಲ್ಲಿ ಪೈಕಿ, ಅತೀ ಹೆಚ್ಚು ಮತಗಳನ್ನು ಪಡೆದಿರುವ ಪಕ್ಷಗಳ ಪಟ್ಟಿಯಲ್ಲಿ ಆರ್ಜೆಡಿ ಅಗ್ರ ಸ್ಥಾನದಲ್ಲಿದೆ. ಎಣಿಸಲಾದ ಮತಗಳಲ್ಲಿ 22.77% ಮತಗಳನ್ನು ಆರ್ಜೆಡಿ ಪಡೆದುಕೊಂಡಿದೆ. 2ನೇ ಸ್ಥಾನದಲ್ಲಿ ಬಿಜೆಪಿ ಇದ್ದು, 20.97% ಮತ ಪಡೆದಿದೆ. ನಿತೀಶ್ ಕುಮಾರ್ ಅವರ ಜೆಡಿಯು 18.92% ಮತಗಳನ್ನು ಪಡೆದಿದ್ದರೆ, ಕಾಂಗ್ರೆಸ್ 8.32% ಮತಗಳನ್ನು ಪಡೆದಿದೆ.
ಬಿಜೆಪಿಗಿಂತಲೂ ಆರ್ಜೆಡಿ 2% ಹೆಚ್ಚು ಮತಗಳನ್ನು ಪಡೆದಿದ್ದರೂ, ಆರ್ಜೆಡಿ ಕೇವಲ 28 ಸ್ಥಾನಗಳಲ್ಲಿ ಮಾತ್ರವೇ ಮುನ್ನಡೆಯಲ್ಲಿದೆ. ಆರ್ಜೆಡಿಗಿಂತ ಕಡಿಮೆ (20.97%) ಮತಗಳನ್ನು ಪಡೆದಿರುವ ಬಿಜೆಪಿ ಬರೋಬ್ಬರಿ 90 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದೆ.
ಪಕ್ಷವಾರು ಮತ ಹಂಚಿಕೆ ಮತ್ತು ಮುನ್ನಡೆ ಸ್ಥಾನಗಳ ಸಂಖ್ಯೆ
ಆರ್ಜೆಡಿ – 22.77% – 28 ಸ್ಥಾನಗಳು
ಬಿಜೆಪಿ – 20.91% – 90 ಸ್ಥಾನಗಳು
ಜೆಡಿಯು – 18.98% – 80 ಸ್ಥಾನಗಳು
ಕಾಂಗ್ರೆಸ್ – 8.33% – 5 ಸ್ಥಾನಗಳು
ಎಡಪಕ್ಷಗಳು – 6.31% – 6 ಸ್ಥಾನಗಳು
ಎಲ್ಜೆಪಿ – 5.22% – 22 ಸ್ಥಾನಗಳು
ಎಐಎಂಐಎಂ – 2.06% – 3 ಸ್ಥಾನಗಳು
