ಬಿಹಾರ ವಿಧಾನಸಭೆಯ 243 ಕ್ಷೇತ್ರಗಳಿಗೆ ಎರಡು ಹಂತಗಳಲ್ಲಿ ಮತದಾನ ಮುಗಿದಿದೆ. ನವಂಬರ್ 6ರಂದು ಮೊದಲ ಹಂತದಲ್ಲಿ 121 ಕ್ಷೇತ್ರಗಳಿಗೆ ಮತದಾನ ನಡೆದಿತ್ತು. ಇಂದು (ನ.11) 122 ಕ್ಷೇತ್ರಗಳಿಗೆ ಮತದಾನ ಮುಗಿದಿದೆ. ಹಲವು ಸಂಸ್ಥೆಗಳು ಮತದಾನೋತ್ತರ ಸಮೀಕ್ಷೆ (ಎಕ್ಸಿಟ್ ಪೋಲ್) ನಡೆಸಿವೆ. ಬಿಹಾರದಲ್ಲಿ ಮತ್ತೊಮ್ಮೆ ಎನ್ಡಿಎ ಅಧಿಕಾರಕ್ಕೆ ಬರಲಿದೆ ಎಂದು ಬಹುತೇಕ ಸಂಸ್ಥೆಗಳ ಎಕ್ಸಿಟ್ ಪೋಲ್ ಹೇಳುತ್ತಿವೆ.
ಪೀಪಲ್ಸ್ ಪಲ್ಸ್ ಸಂಸ್ಥೆಯ ಚುನಾವಣೋತ್ತರ ಸಮೀಕ್ಷೆಯು ಬಿಹಾರದಲ್ಲಿ ಎನ್ಡಿಎ 133ರಿಂದ 159 ಸ್ಥಾನಗಳನ್ನು ಪಡೆದು, ನಿರಾಯಾಸವಾಗಿ ಅಧಿಕಾರ ಉಳಿಸಿಕೊಳ್ಳಲಿದೆ. ಮಹಾಘಟಬಂಧನ್ 75-101 ಸ್ಥಾನಗಳನ್ನು ಗೆಲ್ಲಲಿದೆ, ಜನ ಸುರಾಜ್ ಪಕ್ಷವು (ಜೆಎಸ್ಪಿ) ಗರಿಷ್ಠ 5 ಸ್ಥಾನಗಳನ್ನು ಗೆಲ್ಲುವ ಸಾಧ್ಯತೆ ಇದೆ. ಇತರರು 2ರಿಂದ 8 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಹೇಳುತ್ತಿದೆ.
Peoples Pulse Bihar Exit Polls 2025 indicate a clear edge for the NDA, projected at 133–159 seats with a strong 46.2% vote share. NDA appears on course to cross the 122 mark.#BiharExitPolls #BiharElections2025 #ExitPolls #PeoplesPulse #peddi #IndiaToday #NationalSecurity pic.twitter.com/Bxd9djQEZ7
— Peoples Pulse (@PeoplesPulseOrg) November 11, 2025
ಅಂತೆಯೇ, ಮ್ಯಾಟ್ರಿಜ್ ಸಂಸ್ಥೆ ಕೂಡ ಎನ್ಡಿಎ ಗೆಲ್ಲಲಿದೆ ಎಂದು ಹೇಳುತ್ತಿದೆ. ಎನ್ಡಿಎ 147ರಿಂದ 167 ಸ್ಥಾನಗಳನ್ನು ಗೆಲ್ಲಲಿದೆ. ಮಹಾಘಟಬಂಧನ್ 70ರಿಂದ 90 ಸ್ಥಾನಗಳನ್ನೂ, ಎಐಎಂಐಎಂ 2-3 ಕ್ಷೇತ್ರಗಳನ್ನೂ ಹಾಗೂ ಇತರರು ಗರಿಷ್ಠ 5 ಸ್ಥಾನಗಳನ್ನು ಗೆಲ್ಲಬಹುದು ಎಂಧು ಮ್ಯಾಟ್ರಿಜ್ ಹೇಳುತ್ತಿದೆ.
ಡಿವಿ ರಿಸರ್ಚ್ ಸಮೀಕ್ಷೆಯೂ ಎನ್ಡಿಎಗೆ ಬಿಹಾರ ಗದ್ದುಗೆ ಎಂದು ಹೇಳಿದೆ. ಎನ್ಡಿಎ 137 – 152 ಸ್ಥಾನಗಳನ್ನು ಗೆದ್ದು ಅಧಿಕಾರ ರಚಿಸಲಿದೆ. ಮಹಾಘಟಬಂಧನ್ 83-98 ವಿಪಕ್ಷ ಸ್ಥಾನದಲ್ಲಿಯೇ ಮುಂದುವರೆಯಲಿದೆ. ಜೆಎಸ್ಪಿ 2ರಿಂದ 4 ಸ್ಥಾನಗಳನ್ನೂ ಹಾಗೂ ಇತರರು 4ರಿಂದ 8 ಸ್ಥಾನಗಳನ್ನೂ ಗೆಲ್ಲಲಿದ್ದಾರೆ ಎಂದು ಸಮೀಕ್ಷೆ ಹೇಳುತ್ತಿದೆ.
ಪೀಪಲ್ ಇನ್ಸೈಟ್ ಸಂಸ್ಥೆ ಕೂಡ ಬಿಹಾರದ ಗದ್ದುಗೆ ಮತ್ತೊಮ್ಮೆ ಎನ್ಡಿಎ ಪಾಲಾಗಲಿದೆ ಎಂದು ಹೇಳಿದೆ. ಎನ್ಡಿಎ 133-148 ಸ್ಥಾನಗಳು (44.71% ಮತಹಂಚಿಕೆ), ಮಹಾಘಟಬಂಧನ್ 87-102 ಸ್ಥಾನಗಳು (40.34%), ಜೆಎಸ್ಪಿ 0-2 ಸ್ಥಾನಗಳು (7.93%), ಎಐಎಂಐಎಂ 2-3 ಸ್ಥಾನಗಳು (1.74%), ಜೆಜೆಡಿ 0-1 ಸ್ಥಾನ (0.25%) ಹಾಗೂ ಇತರರು 1-2 ಸ್ಥಾನಗಳನ್ನು (2.16%) ಗೆಲ್ಲಲಿದ್ದಾರೆ.
ಜೆವಿಸಿ ಸಮೀಕ್ಷೆಯು ಎನ್ಡಿಎ 135-150, ಮಹಾಘಟಬಂಧನ್ 88-103, ಜೆಎಸ್ಪಿ 0-1 ಹಾಗೂ ಇತರೆ 3-6 ಸ್ಥಾನಗಳನ್ನು ಗೆಲ್ಲಲಿವೆ ಎಂದು ಹೇಳಿದೆ.
ದೈನಿಕ್ ಭಾಸ್ಕರ ಸಮೀಕ್ಷೆಯು ಎನ್ಡಿಎ 145-160, ಮಹಾಘಟಬಂಧನ್ 73-91, ಜೆಎಸ್ಪಿ 0 ಹಾಗೂ ಇತರೆ 5-10 ಸ್ಥಾನಗಳನ್ನು ಗೆಲ್ಲುವ ಸಾಧ್ಯತೆ ಇದೆ ಎಂದು ಹೇಳಿದೆ.
ಚಾಣಾಕ್ಯ ಸಮೀಕ್ಷೆ ಪ್ರಕಾರ, ಎನ್ಡಿಎ 128-134, ಮಹಾಘಟಬಂಧನ್ 102-108, ಜೆಎಸ್ಪಿ 0 ಹಾಗೂ ಇತರೆ 5-9 ಸ್ಥಾನಗಳನ್ನು ಗೆಲ್ಲುವ ಸಾಧ್ಯತೆ.
ಪಿ-ಮಾರ್ಕ್ ಸಮೀಕ್ಷೆಯಂತೆ, ಎನ್ಡಿಎ 142-162, ಮಹಾಘಟಬಂಧನ್ 80-98, ಜೆಎಸ್ಪಿ JSP 1-4 ಹಾಗೂ ಇತರರು 0-3 ಸ್ಥಾನಗಳನ್ನು ಗೆಲ್ಲುವ ನಿರೀಕ್ಷೆಯಿದೆ.
