ಲೈಂಗಿಕ ಅಪರಾಧದಲ್ಲಿ ಶಿಕ್ಷೆಗೊಳಗಾಗಿದ್ದ ಲೇವಾದೇವಿದಾರ ದಿ. ಜೆಫ್ರಿ ಎಪ್ಸ್ಟೀನ್ಗೆ ಸಂಬಂಧಿಸಿದ ಹೊಸ ತನಿಖಾ ಕಡತವನ್ನು ಅಮೆರಿಕದ ನ್ಯಾಯ ಇಲಾಖೆ ಬಿಡುಗಡೆ ಮಾಡಿದೆ. ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರು ಹೆಸರು ಉಲ್ಲೇಖವಾಗಿದೆ. ‘ಎಪ್ಸ್ಟೀನ್ನಿಂದ ಸಲಹೆ ಪಡೆದು 2017ರಲ್ಲಿ ಪ್ರಧಾನಿ ಮೋದಿ ಅವರು ಇಸ್ರೇಲ್ಗೆ ಭೇಟಿ ನೀಡಿದ್ದರು’ ಎಂದು ಹೇಳಲಾಗಿದೆ. ಈ ಬೆಳವಣಿಗೆಯನ್ನು ಕಾಂಗ್ರೆಸ್ ಖಂಡಿಸಿದ್ದು, ‘ಇದು ರಾಷ್ಟ್ರೀಯ ಘನತೆಯ ವಿಷಯ’ ಎಂದು ಹೇಳಿದೆ. ಕಡತದಲ್ಲಿನ ವಿವರವನ್ನು ಸುಳ್ಳು ಎಂದು ಭಾರತೀಯ ವಿದೇಶಾಂಗ ಸಚಿವಾಲಯ ಪ್ರತಿಪಾದಿಸಿದೆ.
ಯುಎಸ್ ನ್ಯಾಯಾಂಗ ಇಲಾಖೆಯು ಎಪ್ಸ್ಟೀನ್ ಕುರಿತ ತನಿಖಾ ಕಡತಗಳಿಂದ ಹೊಸ ದಾಖಲೆಗಳನ್ನು ಬಿಡುಗಡೆ ಮಾಡುತ್ತಿದೆ. 2,000ಕ್ಕೂ ಹೆಚ್ಚು ವೀಡಿಯೊಗಳು ಮತ್ತು 1,80,000 ಚಿತ್ರಗಳ ಜೊತೆಗೆ 30 ಲಕ್ಷ ಪುಟಗಳಿಗೂ ಹೆಚ್ಚು ದಾಖಲೆಗಳನ್ನು ಬಿಡುಗಡೆ ಮಾಡುತ್ತಿರುವುದಾಗಿ ಅಮೆರಿಕ ಡೆಪ್ಯೂಟಿ ಅಟಾರ್ನಿ ಜನರಲ್ ಟಾಡ್ ಬ್ಲಾಂಚೆ ಹೇಳಿದ್ದಾರೆ.
ಕತಡದಲ್ಲಿ, “ಅಮೆರಿಕ ಅಧ್ಯಕ್ಷರ ಅನುಕೂಲಕ್ಕಾಗಿ ಇಸ್ರೇಲ್ಗೆ ಭೇಟಿ ನೀಡುವಂತೆ ಭಾರತದ ಪ್ರಧಾನಿ ಮೋದಿ ಅವರು ಎಪ್ಸ್ಟೀನ್ನಿಂದ ಸಲಹೆ ಪಡೆದಿದ್ದರು. ಅವರು ಕೆಲವು ವಾರಗಳ ಹಿಂದೆ (2017) ಭೇಟಿ ನೀಡಿದ್ದರು. ಅವರು ಅಲ್ಲಿ ನೃತ್ಯ ಮಾಡಿದರು, ಹಾಡು ಹಾಡಿದರು. ಅವರ ಭೇಟಿ ಕೆಲಸ ಮಾಡಿದೆ” ಎಂದು ವಿವರಿಸಲಾಗಿದೆ.
2017ರ ಜುಲೈ 4ರಿಂದ 6ರವೆಗೆ ಪ್ರಧಾನಿ ಮೋದಿ ಇಸ್ರೇಲ್ ಭೇಟಿ ನೀಡಿದ್ದರು. ಈ ಭೇಟಿಯ ಮೂರು ದಿನಗಳ ಬಳಿಕ (ಜುಲೈ 9) ಎಪ್ಸ್ಟೀನ್ ಇ-ಮೇಲ್ ಮಾಡಿದ್ದು, ಅದರಲ್ಲಿ ತಾವು ಮೋದಿಗೆ ಸಲಹೆ ನೀಡಿದ್ದರ ಬಗ್ಗೆ ಬರೆದಿದ್ದಾರೆ. ಅಲ್ಲದೆ, ಮೋದಿ ಇಸ್ರೇಲ್ ಭೇಟಿಗೂ ಒಂದು ವಾರಗಳ ಮುನ್ನ, 2017ರ ಜೂನ್ 25-26ರಂದು ಮೋದಿ ಅವರು ಅಮೆರಿಕದಲ್ಲಿ ಟ್ರಂಪ್ ಅವರನ್ನು ಭೇಟಿಯಾಗಿದ್ದರು ಎಂದು ಹೇಳಲಾಗಿದೆ.
ಈ ಫೈಲ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹೆಸರು ಇರುವುದನ್ನು ಉಲ್ಲೇಖಿಸಿ ಬಿಜೆಪಿ ವಿರುದ್ಧ ಕಾಂಗ್ರೆಸ್ ವಾಗ್ದಾಳಿ ನಡೆಸಿದೆ. “ಇದು ಅತ್ಯಂತ ನಾಚಿಕೆಗೇಡು, ರಾಷ್ಟ್ರೀಯ ಘನತೆ ಮತ್ತು ಅಂತರರಾಷ್ಟ್ರೀಯ ಖ್ಯಾತಿಯ ವಿಷಯ. ಕಡತದಲ್ಲಿನ ಆರೋಪಕ್ಕೆ ಬಿಜೆಪಿ ಉನ್ನತ ನಾಯಕರು ಉತ್ತರಿಸಬೇಕು” ಎಂದು ಆಗ್ರಹಿಸಿದೆ.
“ಪ್ರಧಾನಿ ಮೋದಿ ಅವರು ಜೆಫ್ರಿ ಎಪ್ಸ್ಟೀನ್ ಜೊತೆ ಆಳವಾದ ಮತ್ತು ದೀರ್ಘಕಾಲದ ಸಂಬಂಧವನ್ನು ಹೊಂದಿದ್ದಾರೆ ಎಂಬುದು ಈಗ ಸ್ಪಷ್ಟವಾಗಿದೆ. ಇದು ಭಾರತಕ್ಕೆ ನಾಚಿಕೆಗೇಡಿನ ಸಂಗತಿ. ಇದು ರಾಷ್ಟ್ರೀಯ ಘನತೆ ಮತ್ತು ಅಂತರರಾಷ್ಟ್ರೀಯ ಖ್ಯಾತಿಯ ವಿಷಯವಾಗಿದೆ. ಇದಕ್ಕೆ ಪ್ರಧಾನಿ ಮೋದಿ ಉತ್ತರಿಸಬೇಕು… ಪ್ರಧಾನಿ ಮೋದಿಯವರೇ, ರಾಷ್ಟ್ರವು ತಿಳಿದುಕೊಳ್ಳಲು ಬಯಸುತ್ತದೆ: ಜೆಫ್ರಿ ಎಪ್ಸ್ಟೀನ್ ಅವರೊಂದಿಗಿನ ನಿಮ್ಮ ಸಂಬಂಧ ಏನು?” ಎಂದು ಕಾಂಗ್ರೆಸ್ ಹೇಳಿದೆ.
“ಅಮೆರಿಕದ ಜೈಲಿನಲ್ಲಿ ಸಾವನ್ನಪ್ಪಿದ ಶಿಕ್ಷೆಗೊಳಗಾದ ಅಪರಾಧಿ ಎಪ್ಸ್ಟೀನ್ ಅವರಿಂದ ಪಡೆದ ‘ಸಲಹೆ’ ಕುರಿತು ಮೋದಿ ಮಾತನಾಡಬೇಕು” ಎಂದು ಆಗ್ರಹಿಸಿದೆ
“ಪ್ರಧಾನಿ ಮೋದಿ ಕುರಿತು ಕಡತದಲ್ಲಿ ಹಲವಾರು ಬಾರಿ ಪ್ರಸ್ತಾಪಿಸಲಾಗಿದೆ. ಹಲವು ಪ್ರಶ್ನೆಗಳು ಉಳಿದಿವೆ. ಇದು ಮತ್ತೊಂದು ಹಗರಣವಾಗುತ್ತಿದೆ. ಪ್ರಧಾನಿ ಮೋದಿ ಮೌನ ಸ್ವೀಕಾರಾರ್ಹವಲ್ಲ” ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಹೇಳಿದ್ದಾರೆ.
On 24th May 2019, just days before Modi took oath as the PM of India for the second time, Jeffery Epstein told Steve Bannon that:
— Pawan Khera 🇮🇳 (@Pawankhera) January 31, 2026
1. He had an ‘interesting’ meeting with Modi.
2. Modi told him that no one in Wash (Washington) speaks to him.
3. Modi told him that main enemy is… pic.twitter.com/XeKehAacav
ಟ್ರಂಪ್ ಅವರ ಮಾಜಿ ಸಹಾಯಕ ಸ್ಟೀವ್ ಬ್ಯಾನನ್ ಜೊತೆಗಿನ ಎಪ್ಸ್ಟೀನ್ ಸಂಭಾಷಣೆಯಲ್ಲಿ ‘ಮೋದಿ ಜೊತೆ ವಾಷಿಗ್ಟಂನ್ನ (ಅಮೆರಿಕ) ಯಾರೂ ಮಾತನಾಡುವುದಿಲ್ಲ’ ಎಂದು ಹೇಳಲಾಗಿರುವುದನ್ನು ಕಾಂಗ್ರೆಸ್ ಮಾಧ್ಯಮ ಮತ್ತು ಪ್ರಚಾರ ವಿಭಾಗದ ಅಧ್ಯಕ್ಷ ಪವನ್ ಖೇರಾ ಉಲ್ಲೇಖಿಸಿದ್ದಾರೆ. “ಕೆಲವು ಪ್ರಸ್ತುತ ಪ್ರಶ್ನೆಗಳು ಉದ್ಭವಿಸುತ್ತವೆ: 1) 2019ರ ಚುನಾವಣೆಯ ಸಮಯದಲ್ಲಿ ಮೋದಿ ಅವರು ಎಪ್ಸ್ಟೀನ್ ಅವರಂತಹ ಅವಮಾನಕರ ಅಮೆರಿಕನ್ನರನ್ನು ಏಕೆ ಭೇಟಿಯಾದರು? 2) ‘ವಾಷಿಗ್ಟಂನ್’ನಲ್ಲಿ ಯಾರೂ ಅವರೊಂದಿಗೆ ಮಾತನಾಡಲು ಆಸಕ್ತಿ ಹೊಂದಿಲ್ಲದಿದ್ದಾಗ ಮೋದಿ ಅವರು ಅಮೆರಿಕದೊಂದಿಗಿನ ತಮ್ಮ ಸ್ನೇಹದ ಬಗ್ಗೆ ದೇಶಕ್ಕೆ ಏಕೆ ಸುಳ್ಳು ಹೇಳುತ್ತಿದ್ದರು? 3) ಗಾಲ್ವಾನ್ ಬಿಕ್ಕಟ್ಟಿನ ಕೇವಲ ಒಂದು ವರ್ಷದ ನಂತರ ಅವರು ತಮ್ಮ ‘ಪ್ರಮುಖ ಶತ್ರು’ ಚೀನಾಕ್ಕೆ ಕ್ಲೀನ್ ಚಿಟ್ ನೀಡಿದ್ದು ಏಕೆ? 4) ಬ್ಯಾನನ್ ಮತ್ತು ಮೋದಿ ನಡುವಿನ ಪ್ರಸ್ತಾವಿತ ಸಭೆ ನಡೆದಿದೆಯೇ? ಏನು ಚರ್ಚಿಸಲಾಯಿತು?” ಎಂದು ಪೋಸ್ಟ್ ಮಾಡಿದ್ದಾರೆ.
ಎಪ್ಸ್ಟೀನ್ ಫೈಲ್ನಲ್ಲಿ ಪ್ರಧಾನಿ ಮೋದಿ ಉಲ್ಲೇಖವನ್ನು ಸುಳ್ಳುಪೂರಿತವೆಂದು ಭಾರತೀಯ ವಿದೇಶಾಂಗ ಸಚಿವಾಲಯ ಹೇಳಿದೆ. “2017ರ ಜುಲೈನಲ್ಲಿ ಪ್ರಧಾನಿಯವರು ಇಸ್ರೇಲ್ಗೆ ಅಧಿಕೃತ ಭೇಟಿ ನೀಡಿದ್ದನ್ನು ಮೀರಿ, ಇಮೇಲ್ನಲ್ಲಿನ ಉಲ್ಲೇಖಗಳು ಶಿಕ್ಷೆಗೊಳಗಾದ ಅಪರಾಧಿಯೊಬ್ಬರ ಕಸದ ಮಾತುಗಳಷ್ಟೇ ಅಲ್ಲ, ಇದನ್ನು ಅತ್ಯಂತ ತಿರಸ್ಕಾರದಿಂದ ನಿರಾಕರಲಿಸಲು ಅರ್ಹವಾಗಿದೆ” ಎಂದು ಹೇಳಿದೆ.
