- ‘ಪ್ರಧಾನ ಮಂತ್ರಿ ಚೀನೀ ಯೋಜನೆಗಳು’ ಎಂದು ಟೀಕಿಸಿದ ರಾಹುಲ್ ಗಾಂಧಿ
- ಗೌತಮ್ ಅದಾನಿ ಯೋಜನೆಗಳಲ್ಲಿ ಚೀನೀ ಕಂಪನಿಯ ಪಾತ್ರದ ಬಗ್ಗೆ ಪ್ರಶ್ನೆ
ಪ್ರಧಾನ ಮಂತ್ರಿಯ ಆಪ್ತ ಉದ್ಯಮಪತಿಗಳು ಚೀನಾ ಜೊತೆಗೆ ಔದ್ಯಮಿಕ ಯೋಜನೆಗಳನ್ನು ಹೊಂದಿದ್ದಾರೆಯೆ? ರಾಹುಲ್ ಗಾಂಧಿ ಅವರು ಇಂದು ಟ್ವೀಟ್ ಮೂಲಕ ಚೀನಾದ ಉದ್ಯಮಪತಿಗಳ ಜೊತೆಗೆ ಭಾರತೀಯ ಉದ್ಯಮಿ ಗೌತಮ್ ಅದಾನಿಗೆ ಇರುವ ಸಂಬಂಧವೇನು ಎಂದು ಪ್ರಶ್ನಿಸಿದ್ದಾರೆ.
“ಚೀನಾ ಕುರಿತಾಗಿ ಬಿಜೆಪಿಯ ಹೇಳಿಕೆಗೆ ನಿಮ್ಮ ಅಭಿಪ್ರಾಯವೇನು” ಎಂದು ಮಾಧ್ಯಮಗಳು ರಾಹುಲ್ ಗಾಂಧಿ ಅವರನ್ನು ಪದೇಪದೆ ಪ್ರಶ್ನಿಸುತ್ತಿದ್ದ ಹಿನ್ನೆಲೆಯಲ್ಲಿ ರಾಹುಲ್ ಗಾಂಧಿ ಈ ಟ್ವೀಟ್ ಮಾಡಿದ್ದಾರೆ.
“ಪಿಎಂಸಿ ಯೋಜನೆಗಳು- ‘ಪ್ರಧಾನ ಮಂತ್ರಿ ಚೈನೀಸ್’ ಪ್ರಾಜೆಕ್ಟ್ಗಳು? ಭಾರತದ ನಿರ್ಣಾಯಕ ಬಂದರುಗಳು, ವಿಮಾನ ನಿಲ್ದಾಣಗಳು, ರೈಲ್ವೆ ಹಳಿಗಳು ಹಾಗೂ ವಿದ್ಯುತ್ ಲೈನ್ಗಳನ್ನು ಚೀನೀ ಕಂಪನಿಗಳು ನಿರ್ಮಾಣ ಮಾಡಿ ನಿಯಂತ್ರಿಸುತ್ತಿರುವುದೇಕೆ?” ಎಂದು ರಾಹುಲ್ ಗಾಂಧಿ ಟ್ವೀಟ್ ಮೂಲಕ ಪ್ರಶ್ನಿಸಿದ್ದಾರೆ.
PMC Projects – ‘Pradhan Mantri Chinese’ Projects?
— Rahul Gandhi (@RahulGandhi) April 6, 2023
Why are India’s critical ports, airstrips, railway tracks and electricity lines being built & controlled by a Chinese company? pic.twitter.com/lzAHLZ0Sm3
ಈ ಸುದ್ದಿ ಓದಿದ್ದೀರಾ?: ಎನ್ಸಿಇಆರ್ಟಿ ಪರಿಷ್ಕೃತ ಪಠ್ಯ | ಮೊಘಲರು, ಜಾತಿ ವ್ಯವಸ್ಥೆ ಮುಂತಾದ ಐತಿಹಾಸಿಕ ಸಂಗತಿಗಳು ಕಡಿತ
ತಮ್ಮ ಟ್ವೀಟ್ಗೆ ಸಾಕ್ಷಿಯಾಗಿ ಅವರು ‘ಅದಾನಿ ವಾಚ್’ ಎನ್ನುವ ಒಂದು ವೆಬ್ಸೈಟ್ನ ಲಿಂಕ್ ಲಗತ್ತಿಸಿದ್ದಾರೆ.
