ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಇಂದು 2026-27ನೇ ಹಣಕಾಸು ವರ್ಷದ ಕೇಂದ್ರ ಬಜೆಟ್ ಮಂಡಿಸಿದ್ದು ಕೆಲವು ವಸ್ತುಗಳಿಗೆ ತೆರಿಗೆ ವಿನಾಯಿತಿ ನೀಡಿದ್ದಾರೆ. ಇನ್ನು ಕೆಲವು ವಸ್ತುಗಳಿಗೆ ತೆರಿಗೆ, ಕಸ್ಟಮ್ ಸುಂಕ ಹೆಚ್ಚಿಸುವ ಘೋಷಣೆ ಮಾಡಿದ್ದಾರೆ.
ಈ ತೆರಿಗೆ, ಕಸ್ಟಮ್ ಸುಂಕ ಆಧಾರದಲ್ಲಿ ಇನ್ಮುಂದೆ ಯಾವುದು ದುಬಾರಿಯಾಗಲಿದೆ ಮತ್ತು ಯಾವುದು ಅಗ್ಗವಾಗಲಿದೆ ಎಂದು ತಿಳಿಯಲಿದೆ. ಅದರಂತೆ ನೋಡಿದಾಗ ಕೆಲವು ಔಷಧಿಗಳ ಬೆಲೆ ಇಳಿಕೆಯಾದರೆ, ಕೆಲವು ಕೈಗಾರಿಕಾ ಸರಕುಗಳ ಬೆಲೆ ಹೆಚ್ಚಾಗಲಿದೆ.
ಇದನ್ನು ಓದಿದ್ದೀರಾ? ಕೇಂದ್ರ ಬಜೆಟ್ 2026 | ಪ್ರತಿ ಜಿಲ್ಲೆಯಲ್ಲಿ ಒಂದು ಬಾಲಕಿಯರ ವಿದ್ಯಾರ್ಥಿ ನಿಲಯ ಸ್ಥಾಪನೆ
ಯಾವುದು ದುಬಾರಿಯಾಗಲಿದೆ?
ತಂಬಾಕು ಉತ್ಪನ್ನಗಳು: ಅಬಕಾರಿ ಸುಂಕ ಮತ್ತು ಆರೋಗ್ಯ ಸೆಸ್ ಹೆಚ್ಚಳದಿಂದಾಗಿ ಸಿಗರೇಟ್, ಪ್ಯಾನ್ ಮಸಾಲಾ ಮತ್ತು ಇತರ ತಂಬಾಕು ಉತ್ಪನ್ನಗಳು ಹೆಚ್ಚು ದುಬಾರಿಯಾಗಲಿವೆ.
ಮದ್ಯದ ಬೆಲೆ ಹೆಚ್ಚಳ: ಮದ್ಯದ ಬೆಲೆ ಏರಿಕೆ ಘೋಷಣೆ ಮಾಡಲಾಗಿದೆ.
ಐಷಾರಾಮಿ ಕೈಗಡಿಯಾರಗಳು ಮತ್ತು ಆಮದು ಮಾಡಿಕೊಂಡ ಮದ್ಯವು ದುಬಾರಿಯಾಗಲಿದೆ.
ವಿಮಾನದ ಬಿಡಿ ಭಾಗಗಳ ಬೆಲೆಯೂ ಏರಿಕೆಯಾಗಲಿದೆ.
ಯಾವುದು ಅಗ್ಗವಾಗಲಿದೆ?
ಅಗತ್ಯ ಔಷಧಗಳು: ಹೊಸ ಕಸ್ಟಮ್ಸ್ ಸುಂಕ ವಿನಾಯಿತಿಯಿಂದಾಗಿ ಮಧುಮೇಹ ಮತ್ತು ಕ್ಯಾನ್ಸರ್ ಚಿಕಿತ್ಸೆಗೆ ಬಳಸುವ ಔಷಧಗಳು ಸೇರಿ 17 ಔಷಧಗಳ ದರ ಇಳಿಕೆಯಾಗಲಿದೆ.
ಮೊಬೈಲ್ ಫೋನ್ಗಳು: ಭಾರತದಲ್ಲೇ ತಯಾರಿಸಿದ ಮೊಬೈಲ್ ಫೋನ್ಗಳು, ಟ್ಯಾಬ್ಲೆಟ್ಸ್ಗಳ ಬೆಲೆ ಇಳಿಕೆ ಸಾಧ್ಯತೆಯಿದೆ.
ಇವಿ ಬ್ಯಾಟರಿಗಳು: ಲಿಥಿಯಂ-ಐಯಾನ್ (ಲಿ-ಐಯಾನ್) ಸೆಲ್ಸ್ಗಳ ಮೇಲಿನ ಬಿಸಿಡಿ ವಿನಾಯಿತಿ ನೀಡಲಾಗಿದೆ. ಇದರಿಂದಾಗಿ ಇವಿ ಬ್ಯಾಟರಿಗಳ ಬೆಲೆ ಕಡಿಮೆಯಾಗಿದೆ.
ಇದನ್ನು ಓದಿದ್ದೀರಾ? ಕೇಂದ್ರ ಬಜೆಟ್ 2026 | ನಿರ್ಮಲಾ ಸೀತಾರಾಮನ್ ಮಂಡಿಸಿದ ಆಯವ್ಯಯದ ಪ್ರಮುಖ ಅಂಶಗಳು
ಚರ್ಮ ಮತ್ತು ಜವಳಿ: ವೆಟ್ ಬ್ಲೂ ಲೆದರ್ನಂತಹ ಕಚ್ಚಾ ವಸ್ತುಗಳು ಮತ್ತು ಜವಳಿಗಳಿಗೆ ಸುಂಕ ಕಡಿತ ಮಾಡಲಾಗಿದೆ. ಇದರಿಂದಾಗಿ ಚರ್ಮದ ಉತ್ಪನ್ನಗಳು ಮತ್ತು ಉಡುಪುಗಳನ್ನು ಅಗ್ಗವಾಗಲಿದೆ.
ಮೀನು ಮೊದಲಾದ ಸಮುದ್ರ ಉತ್ಪನ್ನಗಳು: ಸಮುದ್ರ ಉತ್ಪನ್ನಗಳ ಸಂಸ್ಕರಣೆಗೆ ಬಳಸುವ ಅಗತ್ಯ ವಸ್ತುಗಳ ಸುಂಕ ರಹಿತ ಆಮದು ಮಿತಿಯನ್ನು ಹಿಂದಿನ ವರ್ಷದ ರಫ್ತು ವಹಿವಾಟಿನ ಶೇ. 1 ರಿಂದ ಶೇ. 3 ಕ್ಕೆ ಏರಿಸಲಾಗಿದೆ.
ಕ್ರೀಡಾ ಉಪಕರಣಗಳು: ಅಥ್ಲೆಟಿಕ್ಗಳನ್ನು ಉತ್ತೇಜಿಸಲು ಕ್ರೀಡಾ ಸರಕುಗಳು ಹೆಚ್ಚು ಕೈಗೆಟುಕುವಂತೆ ಮಾಡಲಾಗುವುಉದ ಎಂದು ಕೇಂದ್ರ ವಿತ್ತ ಸಚಿವೆ ಹೇಳಿದ್ದಾರೆ.
