ಲೋಕಸಭಾ ಚುನಾವಣೆಯ ಮೊದಲ ಹಂತದ ಮತದಾನ ಏಪ್ರಿಲ್ 19ರಂದು ನಡೆಯಲಿದೆ. ಚುನಾವಣೆಗಾಗಿ, ಕಳೆದ ತಿಂಗಳು ಪ್ರಧಾನಿ ನರೇಂದ್ರ ಮೋದಿಯವರ ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ಪೋಸ್ಟ್ ಮಾಡಿದ ಪ್ರಚಾರದ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ಟ್ರೋಲ್ಗೆ ಒಳಗಾಗಿದೆ. ಎಲ್ಲ ಟ್ರೋಲ್ಗಳಿಗೂ ಆ ವಿಡಿಯೋವನ್ನು ಬಳಸಿಕೊಳ್ಳಲಾಗುತ್ತಿದೆ.
ರಷ್ಯಾ-ಉಕ್ರೇಸ್ ಯುದ್ಧದ ಸಂದರ್ಭದಲ್ಲಿ ಭಾರತೀಯರನ್ನು ಸುರಕ್ಷಿತವಾಗಿ ಕರೆತಂದಿದ್ದೇವೆ ಎಂದು ತಮ್ಮ ಬೆನ್ನನ್ನು ತಾವೇ ತಟ್ಟಿಕೊಂಡಿರುವ ಕೇಂದ್ರ ಸರ್ಕಾರ, ಆ ಬಗ್ಗೆ ಜಾಹೀರಾತನ್ನು ನಿರ್ಮಿಸಿ, ಪ್ರಚಾರ ಪಡೆದುಕೊಳ್ಳುತ್ತಿದೆ. ಆ ಜಾಹೀರಾತಿನಲ್ಲಿ ಕೆಲ ಪೋಷಕರು ಯುದ್ಧಪೀಡಿತ ಉಕ್ರೇನ್ನಿಂದ ಬರುತ್ತಿದ್ದ ತಮ್ಮ ಮಕ್ಕಳಿಗಾಗಿ ವಿಮಾನ ನಿಲ್ದಾಣದ ಗೇಟ್ನಲ್ಲಿ ಕಾಯುತ್ತಿರುತ್ತಾರೆ ಅಲ್ಲಿಗೆ ಬರುವ ಮಗಳು ಮೋದಿ ಅವರನ್ನು ಹೊಗಳುವುದು ಆ ಜಾಹೀರಾತಿನಲ್ಲಿದೆ.
ಆ ಜಾಹೀರಾತು ವಿಡಿಯೋದಲ್ಲಿ ಯುವತಿಯೊಬ್ಬಳು ತನ್ನ ಹೆತ್ತವರನ್ನು ತಬ್ಬಿಕೊಂಡು ಪ್ರಧಾನಿ ಮೋದಿ ‘ಯುದ್ಧವನ್ನು ನಿಲ್ಲಿಸಿದರು ಪಪ್ಪಾ’ ಎಂದು ಹೇಳುತ್ತಾರೆ. ಕುತೂಹಲಕಾರಿಯಾಗಿ, ಪ್ರಚಾರದ ವೀಡಿಯೋದಲ್ಲಿ ‘ಯುದ್ಧ’ ನಿಲ್ಲಿಸಿದ ದೇಶ ಯಾವುದು ಎಂದು ಉಲ್ಲೇಖಿಸಿಲ್ಲ.
ಅಂದಹಾಗೆ, ಭಾರತೀಯ ವಿದ್ಯಾರ್ಥಿಗಳನ್ನು ಸುರಕ್ಷಿತವಾಗಿ ಕರೆತರಲು, ಮೋದಿ ಅವರು ಮಧ್ಯಸ್ಥಿಕೆ ವಹಿಸಿ ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧವನ್ನು ಕೆಲ ಗಂಟೆಗಳ ಕಾಲ ನಿಲ್ಲಿಸಿದ್ದರು ಎಂದು ಬಿಜೆಪಿ ನಾಯಕರು ಹೇಳಿಕೊಂಡಿದ್ದಾರೆ. ಅದರ ಮುಂದುವರಿದ ಪ್ರಚಾರ ಭಾಗವಾಗಿ ಈ ಜಾಹೀರಾತು ವಿಡಿಯೋ ನಿರ್ಮಾಣವಾಗಿದೆ.
2023ರ ಫೆಬ್ರವರಿಯಲ್ಲಿ ಕರ್ನಾಟಕದಲ್ಲಿ ನಡೆದ ಸಾಮಾವೇಶದಲ್ಲಿ ಮಾತನಾಡಿದ್ದ ಬಿಜೆಪಿ ಅಧ್ಯಕ್ಷ ಜೆಪಿ ನಡ್ಡಾ ಅವರು, “22,500 ವಿದ್ಯಾರ್ಥಿಗಳನ್ನು ಉಕ್ರೇನ್ನಿಂದ ಭಾರತಕ್ಕೆ ಕರೆತರಲು ಪ್ರಧಾನಿ ಮೋದಿ ರಷ್ಯಾ-ಉಕ್ರೇನ್ ಯುದ್ಧವನ್ನು ನಿಲ್ಲಿಸಿದರು” ಎಂದು ಹೇಳಿದ್ದರು.
ಆದಾಗ್ಯೂ, ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ (MEA) ವಕ್ತಾರ ಅರಿಂದಮ್ ಬಾಗ್ಚಿ, ಉಕ್ರೇನ್ ಮತ್ತು ರಷ್ಯಾ ನಡುವಿನ ಯುದ್ಧವನ್ನು ಭಾರತ ನಿಲ್ಲಿಸಿತ್ತೆಂಬ ಹೇಳಿಕೆಗಳನ್ನು ತಳ್ಳಿಹಾಕಿದ್ದಾರೆ. ಈ ಎಲ್ಲ ಪ್ರತಿಪಾದನೆಗಳು ಸಂಪೂರ್ಣ ಸುಳ್ಳು ಎಂದು ಅವರು ಹೇಳಿದ್ದಾರೆ.
2024ರ ಮಾರ್ಚ್ನಲ್ಲಿ ಪ್ರಧಾನಿ ಮೋದಿ ಅವರು ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಈ ಜಾಹೀರಾತು ವಿಡಿಯೋವನ್ನು ಪೋಸ್ಟ್ ಮಾಡಿದ ನಂತರ, ವಿಡಿಯೋದ ಪ್ರತಿಪಾದನೆ ಸುಳ್ಳು ಎಂದು ಹಲವಾರು ನೆಟ್ಟಿಗರು ಮೇಮ್ಗಳನ್ನು ಮಾಡಿ, ಕೇಂದ್ರ ಸರ್ಕಾರವನ್ನು ಟ್ರೋಲ್ ಮಾಡಿದ್ದಾರೆ.
ಜಾಹೀರಾತು ವಿಡಿಯೋದಲ್ಲಿ ಹೇಳಲಾಗಿರುವುದು ಅಪ್ಪಟ ಹಸೀ ಸುಳ್ಳು ಎಂದು ಹಿಂದಿ ಯೂಟ್ಯೂಬರ್ ಧ್ರುವ ರಥಿ ಕೂಡ ವಿಡಿಯೋ ಮಾಡಿದ್ದಾರೆ.
View this post on Instagram
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಕೂಡ ಮೋದಿ ಸರ್ಕಾರವನ್ನು ಟ್ರೋಲ್ ಮಾಡಿದ್ದಾರೆ.
आज एक युवा ने मुझे ये वीडियो भेजा!
अब भ्रम और भय का जाल तोड़ कर सच्चाई सामने आ रही है।
अबकी बार ‘प्रोपेगैंडा के पापा’ की दाल नहीं गलने वाली, जनता खुद उन्हें आईना दिखाने को तैयार बैठी है। pic.twitter.com/wL7Ph55Nwk
— Rahul Gandhi (@RahulGandhi) April 2, 2024
“Wor rukwa di paw paw” is ABSOLUTELY REAL GUYS SEEEE….. pic.twitter.com/3S42YotSU6
— Ranting gola (@therantinggola) April 2, 2024
मणिपुर का दंगा रोकने की दम नहीं है और इन्होंने यूक्रेन और रुस का वॉर रुकवा दिया ! @narendramodi @BJP4India @RahulGandhi @INCIndia pic.twitter.com/3NT582sqVP
— Ajay Srivastava (@officialajaysri) April 9, 2024
