ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಅವರ ನಿವೃತ್ತಿ ವಿಚಾರವಾಗಿ ಚೆನ್ನೈ ತಂಡದ ಸಿಇಓ ಮಹತ್ವದ ಹೇಳಿಕೆ ನೀಡಿದ್ದು, 2025ರ ಐಪಿಎಲ್ನಲ್ಲೂ ಎಂಎಸ್ ಧೋನಿ ಆಡುವುದು ಅವರಿಗೆ ಬಿಟ್ಟ ವಿಚಾರ. ಅವರು ಲಭ್ಯವಿರುತ್ತಾರೆ ಎಂದು ನಾವು ತುಂಬಾ ಭರವಸೆ ಹೊಂದಿದ್ದೇವೆ” ಎಂದಿದ್ದಾರೆ.
ಚೆನ್ನೈ ಈ ಬಾರಿಯ ಐಪಿಎಲ್ನಲ್ಲಿ ಮೇ 18ರಂದು ಆರ್ಸಿಬಿ ವಿರುದ್ಧ 27 ರನ್ಗಳಿಂದ ಸೋತು, ಪ್ಲೇ ಆಫ್ಗೆ ಅರ್ಹತೆ ಪಡೆಯುವಲ್ಲಿ ವಿಫಲವಾಗಿತ್ತು. ಈ ಪಂದ್ಯ ಮುಗಿದ ಬಳಿಕ ಸಿಇಓ ಕಾಸಿ ವಿಶ್ವನಾಥನ್ ಅವರೊಂದಿಗಿನ ಸಂದರ್ಶನವನ್ನು ಚೆನ್ನೈ ತಂಡ ಬಿಡುಗಡೆ ಮಾಡಿದೆ. ಈ ಸಂದರ್ಶನದ ವೇಳೆ ಧೋನಿ ನಿವೃತ್ತಿ ಬಗ್ಗೆ ಕೇಳಿದಾಗ ಈ ರೀತಿಯ ಪ್ರತಿಕ್ರಿಯೆ ನೀಡಿದ್ದಾರೆ.
CSK CEO : We are very hopeful that MS Dhoni will play the next season 💛 pic.twitter.com/nMdZnPKN7w
— Warra Trophy for Harcb (@Beast__07_) May 23, 2024
“ಎಂ ಎಸ್ ಧೋನಿ ಐಪಿಎಲ್ 2025ರ ಟೂರ್ನಿಯಲ್ಲೂ ಆಡುವ ಸಾಧ್ಯತೆ ಇದೆ” ಎಂದು ಹೇಳಿರುವ ಕಾಸಿ ವಿಶ್ವನಾಥ್, “ತಂಡಕ್ಕೆ ಐದು ಬಾರಿ ಟ್ರೋಫಿ ಗೆದ್ದುಕೊಟ್ಟಿರುವ ನಾಯಕನ ಯಾವುದೇ ನಿರ್ಧಾರಕ್ಕೆ ಫ್ರಾಂಚೈಸಿ ಗೌರವಿಸುತ್ತೇವೆ. ಅಭಿಮಾನಿಗಳಂತೆ ತಾವು ಕೂಡ ಮತ್ತೊಮ್ಮೆ ಧೋನಿ ಆಟ ವೀಕ್ಷಿಸುವ ಬಯಕೆ ಹೊಂದಿದ್ದೇನೆ” ತಿಳಿಸಿದ್ದಾರೆ.
“ಧೋನಿ ಭವಿಷ್ಯ ಏನು? ಈ ಪ್ರಶ್ನೆಗೆ ನನ್ನ ಬಳಿ ಸದ್ಯಕ್ಕೆ ಉತ್ತರ ಇಲ್ಲ. ಇದಕ್ಕೆ ಒಬ್ಬರಿಂದಲೇ ಉತ್ತರ ಸಿಗಲು ಸಾಧ್ಯ. ಅದು ಮಹೇಂದ್ರ ಸಿಂಗ್ ಧೋನಿ ಅಷ್ಟೇ. ಇನ್ನು ನಮ್ಮ ಕಡೆಯಿಂದ ಸಿಗುವ ಉತ್ತರ ಏನೆಂದರೆ, ನಾವು ಸದಾ ಧೋನಿ ತೆಗೆದುಕೊಳ್ಳುವ ಎಲ್ಲ ನಿರ್ಧಾರಗಳಿಗೆ ಗೌರವಿಸುತ್ತಾ ಬಂದಿದ್ದೇವೆ. ಹೀಗಾಗಿ ನಿವೃತ್ತಿ ವಿಚಾರವನ್ನು ಅವರ ಇಷ್ಟಕ್ಕೆ ಬಿಟ್ಟಿದ್ದೇವೆ. ನಮ್ಮೆಲ್ಲರಿಗೆ ಈಗಾಗಲೇ ತಿಳಿದಿರುವ ಹಾಗೆ ಧೋನಿ ಈಗಾಗಲೇ ತಮ್ಮ ನಿರ್ಧಾರದ ಬಗ್ಗೆ ಸ್ಪಷ್ಟತೆ ಹೊಂದಿದ್ದಾರೆ. ಸರಿಯಾದ ಸಮಯಕ್ಕೆ ಅವರು ತಮ್ಮ ನಿರ್ಧಾರವನ್ನು ಜನರ ಮುಂದೆ ಹಂಚಿಕೊಳ್ಳುತ್ತಾರೆ” ಎಂದು ಸಂದರ್ಶನದಲ್ಲಿ ಕಾಸಿ ವಿಶ್ವನಾಥನ್ ಹೇಳಿದ್ದಾರೆ.
CSK CEO said, “we’re very hopeful that MS Dhoni will be available IPL 2025”. pic.twitter.com/NowV5A2O9A
— Mufaddal Vohra (@mufaddal_vohra) May 23, 2024
“ಧೋನಿ ಯಾವಾಗ ಬೇಕಾದರೂ ತಮ್ಮ ನಿರ್ಧಾರ ತಿಳಿಸಬಹುದು ಎಂಬ ನಿರೀಕ್ಷೆಯಲ್ಲಿದ್ದೇವೆ. ಆದರೆ, ನಮಗಂತೂ ಅವರು ಮತ್ತೊಂದು ಟೂರ್ನಿಯಲ್ಲಿ ಆಡಬೇಕು ಎಂಬ ಆಶಾಭಾವವಿದೆ. ಮುಂದಿನ ವರ್ಷವೂ ಸಿಎಸ್ಕೆ ಪರ ಆಡಲಿ ಎಂಬ ಬಯಕೆ ಇದೆ. ಇದು ನಮ್ಮ ದೃಷ್ಟಿಕೋನ ಮತ್ತು ಅಭಿಮಾನಿಗಳ ಬಯಕೆ ಕೂಡ ಅದೇ ಆಗಿದೆ” ಎಂದು ಚೆನ್ನೈ ಸಿಇಓ ಹೇಳಿದ್ದಾರೆ.
ಹದಿನೇಳನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಲೀಗ್ ಹಂತದಲ್ಲಿ ಸಿಎಸ್ಕೆ ಆಡಿದ ತನ್ನ ಕಡೇ ಲೀಗ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎದುರು 27 ರನ್ಗಳಿಂದ ಸೋತು ಸ್ಪರ್ಧೆಯಿಂದ ಹೊರಬಿದ್ದಿತ್ತು. ಇದರಿಂದ ಟ್ರೋಫಿ ಗೆದ್ದು ಟೂರ್ನಿಗೆ ವಿದಾಯ ಹೇಳುವ ಧೋನಿ ಕನಸು ನುಚ್ಚು ನೂರಾಗಿತ್ತು. ಇದರ ಬಳಿಕ ತಮ್ಮ ಮುಂದಿನ ನಡೆ ಏನೆಂಬುದರ ಬಗ್ಗೆ ಧೋನಿ ಎಲ್ಲಿಯೂ ಬಹಿರಂಗಪಡಿಸದೆ ಮೌನಕ್ಕೆ ಜಾರಿದ್ದಾರೆ.
ಇದನ್ನು ಓದಿದ್ದೀರಾ? ನಾಕೌಟ್ ಪಂದ್ಯ | ಆರ್ಸಿಬಿ ಗೆಲುವಿಗೆ ಕಾರಣವಾದದ್ದು ಧೋನಿ ಬಾರಿಸಿದ 110 ಮೀಟರ್ನ ಸಿಕ್ಸ್!
ಐಪಿಎಲ್ 2024 ಟೂರ್ನಿಯಲ್ಲಿ ಬಹುತೇಕ ಕೊನೆಯ ಕ್ರಮಾಂಕದಲ್ಲಿ ಕ್ರೀಸ್ಗಿಳಿದು ಬ್ಯಾಟ್ ಬೀಸಿದ್ದ ಧೋನಿ, 220ರ ಸರಾಸರಿ ಸ್ಟ್ರೈಕ್ರೇಟ್ನಲ್ಲಿ 161 ರನ್ಗಳನ್ನು ಸಿಡಿಸಿದ್ದರು.
