ದಕ್ಷಿಣ ಆಫ್ರಿಕಾ ವಿರುದ್ಧ ಕಟಕ್ನಲ್ಲಿ ನಡೆಯುತ್ತಿರುವ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಹರಿಣಗಳ ತಂಡಕ್ಕೆ 176 ರನ್ ಗುರಿ ನೀಡಿದೆ.
ದಕ್ಷಿಣ ಆಫ್ರಿಕಾ ಟಾಸ್ ಗೆದ್ದು ಫೀಲ್ಡಿಂಗ್ ಆರಿಸಿಕೊಂಡ ನಂತರ ಬ್ಯಾಟಿಂಗ್ಗೆ ಇಳಿದ ಭಾರತ 20 ಓವರ್ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 175 ರನ್ ಪೇರಿಸಿದೆ. ಆರಂಭಿಕ ಕುಸಿತದ ನಡುವೆಯೂ ಹಾರ್ದಿಕ್ ಪಾಂಡ್ಯ ಅವರ ಸೊಗಸಾದ ಅಜೇಯ ಅರ್ಧಶತಕ ಭಾರತದ ಮೊತ್ತಕ್ಕೆ ಬಲ ತುಂಬಿತು.
ಇನಿಂಗ್ಸ್ ಆರಂಭವೇ ದಕ್ಷಿಣ ಆಫ್ರಕಾ ಬೌಲರ್ಗಳು ಭಾರತಕ್ಕೆ ಆಘಾತ ನೀಡಿದರು. ಮೊದಲ ಓವರ್ನ ಮೂರನೇ ಎಸೆತಕ್ಕೆ ಶುಭಮನ್ ಗಿಲ್ (4) ಔಟಾದರು. ಬಳಿಕ ಸೂರ್ಯಕುಮಾರ್ ಯಾದವ್ (12) ಕೂಡ ಹೆಚ್ಚು ಕಾಲ ನಿಲ್ಲದೇ ಪೆವಿಲಿಯನ್ ಸೇರಿದರು. ಆರಂಭಿಕ ಒತ್ತಡದ ನಡುವೆ ಅಭಿಷೇಕ್ ಶರ್ಮಾ 12 ರನ್ ಮಾತ್ರ ಗಳಿಸಿದರು. ಆದರೆ 6.3ನೇ ಓವರ್ನಲ್ಲಿ ಭಾರತ 48/3 ಸ್ಕೋರ್ ಆಗಿತ್ತು.
ಇದನ್ನು ಓದಿದ್ದೀರಾ? IND – SA ODI | ದಕ್ಷಿಣ ಆಫ್ರಿಕಾ ವಿರುದ್ಧ ಸರಣಿ ಗೆದ್ದ ಭಾರತ: ಜೈಸ್ವಾಲ್ ದಾಖಲೆಯ ಚೊಚ್ಚಲ ಶತಕ
ಇದಾದ ನಂತರ ತಿಲಕ್ ವರ್ಮಾ (26) ಮತ್ತು ಅಕ್ಸರ್ ಪಟೇಲ್ (23) ತಲಾ ಉಪಯುಕ್ತ ಆಟವಾಡಿದರೂ ದೀರ್ಘ ಇನಿಂಗ್ಸ್ ಕಟ್ಟುವಲ್ಲಿ ವಿಫಲರಾದರು. ಹಾರ್ದಿಕ್ ಪಾಂಡ್ಯ ಮಾತ್ರ ಒಂದು ತುದಿಯಿಂದ ಭಾರತದ ಮೊತ್ತ ಹೆಚ್ಚಿಸಿದ ಪ್ರಮುಖ ಆಟಗಾರ. 28 ಎಸೆತಗಳಲ್ಲಿ 59 ರನ್ಗಳ ಅಜೇಯ ಇನಿಂಗ್ಸ್ ಆಡಿದರು. ಅವರ ಆಟದಲ್ಲಿ 6 ಬೌಂಡರಿ ಹಾಗೂ 4 ಸಿಕ್ಸರ್ಗಳಿದ್ದವು. ಅಂತಿಮ ಓವರ್ಗಳಲ್ಲಿ ವೇಗ ಹೆಚ್ಚಿಸಿದ ಹಾರ್ದಿಕ್ಗೆ ಜಿತೇಶ್ ಶರ್ಮಾ ( ಅಜೇಯ 10) ಉತ್ತಮ ಬೆಂಬಲ ನೀಡಿದರು.
ದಕ್ಷಿಣ ಆಫ್ರಿಕಾ ಬೌಲರ್ಗಳಲ್ಲಿ ಲುಂಗಿ ಎನ್ಗಿಡಿ 4 ಓವರ್ಗಳಲ್ಲಿ 31 ರನ್ ನೀಡಿ 3 ವಿಕೆಟ್ ಕಬಳಿಸಿದರು. ಲುಥೋ ಸಿಪಾಮ್ಲಾ 2 ವಿಕೆಟ್ ಪಡೆದು ಭಾರತಕ್ಕೆ ಒತ್ತಡ ತಂದರು.
ಮುಂದಿನ ಕ್ಷಣಗಳಲ್ಲಿ ಭಾರತ ಬೌಲರ್ಗಳ ಪರೀಕ್ಷೆಯ ಜೊತೆಗೆ ಕಟಕ್ನ ಮೈದಾನದಲ್ಲಿ ರೋಚಕ ಹೋರಾಟ ನಿರೀಕ್ಷಿಸಲಾಗಿದೆ.
