ಚೆನ್ನೈನ ಎಂ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ಮಹಿಳಾ ತಂಡದ ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಭಾರತ ಮಹಿಳಾ ತಂಡವು 603 ರನ್ ಕಲೆಹಾಕುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದೆ.
ಮಹಿಳಾ ಟೆಸ್ಟ್ ಕ್ರಿಕೆಟ್ನಲ್ಲಿ ಸಾರ್ವಕಾಲಿಕ ಇತಿಹಾಸವನ್ನು ನಿರ್ಮಿಸಿರುವ ಹರ್ಮನ್ ಪ್ರೀತ್ ಕೌರ್ ನೇತೃತ್ವದ ಟೀಮ್ ಇಂಡಿಯಾ ಹಿಳೆಯರ ತಂಡವು, ಮೊದಲ ಇನ್ನಿಂಗ್ಸ್ನ ಎರಡನೇ ದಿನದಾಟದ ಪಂದ್ಯದಲ್ಲಿ 6 ವಿಕೆಟ್ ಕಳೆದುಕೊಂಡು, 603 ರನ್ ದಾಖಲಿಸಿದ್ದಾಗ ಡಿಕ್ಲೇರ್ ಮಾಡಿಕೊಂಡಿತು. ಆ ಮೂಲಕ ವಿಶ್ವದಾಖಲೆ ಬರೆದಿದೆ.
ಟೀಮ್ ಇಂಡಿಯಾ ಈ ಸಾಧನೆಯಲ್ಲಿ ಒಂದು ದ್ವಿಶತಕ, ಒಂದು ಶತಕ ಹಾಗೂ ಮೂರು ಮಂದಿ ಬ್ಯಾಟರ್ಗಳ ಅರ್ಧಶತಕವು ಒಳಗೊಂಡಿದೆ. ಶಫಾಲಿ ವರ್ಮಾ ದ್ವಿಶತಕ(205 ರನ್) ಬಾರಿಸಿದರೆ, ಸ್ಮೃತಿ ಮಂಧಾನ ಶತಕ (149 ರನ್) ಬಾರಿಸಿದ್ದಾರೆ. ಉಳಿದಂತೆ ಮೂವರ್ ಬ್ಯಾಟರ್ಗಳಾದ ಜೆಮಿಮಾ ರೋಡ್ರಿಗಸ್(55 ರನ್), ನಾಯಕಿ ಹರ್ಮನ್ ಪ್ರೀತ್ ಕೌರ್(69 ರನ್) ಹಾಗೂ ರಿಚಾ ಘೋಷ್(86 ರನ್) ಅರ್ಧ ಶತಕ ಬಾರಿಸಿ ಮಿಂಚಿದ್ದಾರೆ.
🚨 𝙍𝙀𝘾𝙊𝙍𝘿 𝘼𝙇𝙀𝙍𝙏 🚨
📽️ That 𝗛𝗜𝗦𝗧𝗢𝗥𝗜𝗖 moment when #TeamIndia reached the highest-ever team total in Women’s Tests! 🔝👏
Follow the match ▶️ https://t.co/4EU1Kp6YTG#INDvSA | @IDFCFIRSTBank pic.twitter.com/nb9VxYhANf
— BCCI Women (@BCCIWomen) June 29, 2024
ಭಾರತ ಮಹಿಳಾ ತಂಡವು ಟೆಸ್ಟ್ ಕ್ರಿಕೆಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮಹಿಳಾ ತಂಡದ ಅತ್ಯಧಿಕ ಮೊತ್ತದ ಸಾರ್ವಕಾಲಿಕ ದಾಖಲೆಯನ್ನು ಹಿಂದಿಕ್ಕಿದೆ. ಫೆಬ್ರವರಿ 2024ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಪರ್ತ್ನಲ್ಲಿ ನಡೆದಿದ್ದ ಟೆಸ್ಟ್ ಪಂದ್ಯದಲ್ಲಿ 575/9 ಡಿಕ್ಲೇರ್ ಮಾಡಿ, ಆಸ್ಟ್ರೇಲಿಯಾ ತಂಡ ಈ ದಾಖಲೆಯನ್ನು ಹೊಂದಿತ್ತು. ಭಾರತ ತಂಡವು ವಿಶ್ವದಾಖಲೆಯನ್ನು ನಿರ್ಮಿಸಲು ಆಸ್ಟ್ರೇಲಿಯಾ ಮೊತ್ತವನ್ನು ಮೀರಿಸಿತು ಮತ್ತು ಗಮನಾರ್ಹವಾಗಿ, ಮತ್ತೊಮ್ಮೆ ದಕ್ಷಿಣ ಆಫ್ರಿಕಾ ಎದುರಾಳಿಯಾಗಿದ್ದು ವಿಶೇಷವೆನಿಸಿತು. 90 ವರ್ಷಗಳ ಮಹಿಳಾ ಕ್ರಿಕೆಟ್ ಇತಿಹಾಸದಲ್ಲಿ ಭಾರತ ತಂಡ ದಾಖಲೆ ಸಾಧಿಸಿದೆ.
ಮೊದಲ ಇನಿಂಗ್ಸ್ನ ಉದ್ದಕ್ಕೂ ಮೇಲುಗೈ ಸಾಧಿಸಿದ ಭಾರತ ಮಹಿಳಾ ತಂಡ ದಾಖಲೆಗಳ ಮಹಾಪೂರವನ್ನೇ ಸೃಷ್ಟಿಸಿತು. ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದ ನಂತರ, ಶಫಾಲಿ ವರ್ಮಾ ಅವರ ಭರ್ಜರಿ ದ್ವಿಶತಕ ಮತ್ತು ಸ್ಮೃತಿ ಮಂಧಾನ ಅವರ ಅಮೋಘ ಶತಕದ ನೆರವಿನಿಂದ ಭಾರತ ತಂಡವು ಬೃಹತ್ ಆರಂಭ ಪಡೆದಿತ್ತು.
1⃣ Double Ton
1⃣ Century
3⃣ Half-centuriesAnd a record breaking total! 🤩
Follow the match ▶️ https://t.co/4EU1Kp6YTG#TeamIndia | #INDvSA | @IDFCFIRSTBank pic.twitter.com/GcH70yQESG
— BCCI Women (@BCCIWomen) June 29, 2024
ಭಾರತೀಯ ಆರಂಭಿಕ ಬ್ಯಾಟರ್ಗಳ ಬೃಹತ್ ಶತಕಗಳು ಹರಿಣ ಪಡೆಯನ್ನು ಹಿಮ್ಮೆಟ್ಟಿಸಿದವು. ಈ ಮೂಲಕ ಭಾರತ ತಂಡಕ್ಕೆ ರನ್ಗಳು ಸರಾಗವಾಗಿ ಹರಿಯುತ್ತಿದ್ದವು. ಮೊದಲ ವಿಕೆಟ್ಗೆ ಆರಂಭಿಕ ಜೋಡಿ 292 ರನ್ಗಳ ದಾಖಲೆಯ ಜೊತೆಯಾಟ ನಿರ್ಮಿಸಿದ್ದರು.
ಇದನ್ನು ಓದಿದ್ದೀರಾ? ಮಹಿಳಾ ಟೆಸ್ಟ್ ಕ್ರಿಕೆಟ್ | ಅತ್ಯಂತ ವೇಗದ ದ್ವಿಶತಕ ದಾಖಲಿಸಿದ ಶಫಾಲಿ ವರ್ಮಾ
ಇದು ಮಹಿಳಾ ಟೆಸ್ಟ್ ಇತಿಹಾಸದಲ್ಲಿ ಆರಂಭಿಕ ಜೋಡಿಯ ಗರಿಷ್ಠ ಮೊತ್ತವಾಗಿದೆ. ಸ್ಮೃತಿ ಮಂಧಾನ 161 ಎಸೆತಗಳಿಂದ 27 ಬೌಂಡರಿ ಮತ್ತು 1 ಸಿಕ್ಸರ್ ಮೂಲಕ 149 ರನ್ ಗಳಿಸಿ ನಿರ್ಗಮಿಸಿದರೆ, ಶಫಾಲಿ ವರ್ಮಾ 197 ಎಸೆತಗಳನ್ನು ಎದುರಿಸಿ 23 ಬೌಂಡರಿ ಹಾಗೂ 8 ಸಿಕ್ಸರ್ಗಳ ಸಮೇತ 205 ರನ್ಗಳ ಅದ್ಭುತ ದ್ವಿಶತಕ ಬಾರಿಸಿದರು. ಆ ಮೂಲಕ ಮಹಿಳೆಯರ ಟೆಸ್ಟ್ ಪಂದ್ಯದಲ್ಲಿ ವೇಗವಾಗಿ ದ್ವಿಶತಕ ದಾಖಲಿಸುವ ಮೂಲಕ ಶಫಾಲಿ ವರ್ಮಾ ದಾಖಲೆ ಬರೆದಿದ್ದಾರೆ.
ಸೌತ್ ಆಫ್ರಿಕಾ 4ಕ್ಕೆ 236
ಟೀಮ್ ಇಂಡಿಯಾದ ಬೃಹತ್ ಗುರಿಯ ಬಳಿಕ ಮೊದಲ ಇನ್ನಿಂಗ್ಸ್ ಆಡಿರುವ ದಕ್ಷಿಣ ಆಫ್ರಿಕಾ ಎರಡನೇ ದಿನದಾಟದ ಮುಕ್ತಾಯಕ್ಕೆ ಸೂನೆ ಲೂಸ್ ಹಾಗೂ ಮರಿಝಾನೆ ಕಪ್ ಅವರ ಅರ್ಧಶತಕದ ನೆರವಿನಿಂದ 4 ವಿಕೆಟ್ ಕಳೆದುಕೊಂಡು 236 ರನ್ ದಾಖಲಿಸಿದೆ. ಸದ್ಯ ಕ್ರೀಸ್ನಲ್ಲಿ 69 ರನ್ ಗಳಿಸಿರುವ ಮರಿಝಾನೆ ಕಪ್ ಹಾಗೂ 27 ರನ್ ಗಳಿಸಿರುವ ಕ್ಲರ್ಕ್ ಮೂರನೇ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
