ಅಂಡರ್ 19 ವಿಶ್ವಕಪ್ ಟೂರ್ನಿಯುದ್ದಕ್ಕೂ ಉತ್ತಮ ಆಟವಾಡಿದ ಟೀಂ ಇಂಡಿಯಾ ಕಿರಿಯರ ತಂಡ ಫೈನಲ್ನಲ್ಲಿ ಎಡವಿತು. ಕಳೆದ ವರ್ಷ ಭಾರತದ ಹಿರಿಯರ ತಂಡದ ಸೋಲು ಇಲ್ಲಿ ಮರುಕಳಿಸಿತು. 79 ರನ್ಗಳಿಂದ ಗೆಲುವು ಸಾಧಿಸಿದ ಆಸೀಸ್ 4ನೇ ಬಾರಿ ಟ್ರೋಫಿಯನ್ನು ಮುಡಿಗೇರಿಸಿಕೊಂಡಿತು.
ಆಸ್ಟ್ರೇಲಿಯಾ ನೀಡಿದ 254 ರನ್ಗಳ ಸವಾಲವನ್ನು ಬೆನ್ನಟ್ಟಿದ ಭಾರತದ ಕಿರಿಯರ ಪಡೆ 43.5 ಓವರ್ಗಳಲ್ಲಿ 174 ರನ್ಗಳಿಗೆ ತನ್ನೆಲ್ಲ ವಿಕೆಟ್ ಕಳೆದುಕೊಂಡು ಸೋಲನ್ನೊಪ್ಪಿಕೊಂಡಿತು.
ಕೊನೆಯ ಗಳಿಗೆಯಲ್ಲಿ 42 ರನ್ ಬಾರಿಸಿದ ಮುರುಗನ್ ಅಭಿಷೇಕ್ ಮಿಂಚಿದ್ದು ಬಿಟ್ಟರೆ ಆರಂಭಿಕ ಆಟಗಾರ ಆದರ್ಶ್ ಸಿಂಗ್ 47, ಹಾಗೂ ಮುಶೀರ್ ಖಾನ್ 22 ರನ್ ಗಳಿಕೆಯೆ ಟೀಂ ಇಂಡಿಯಾ ಆಟಗಾರರ ವೈಯಕ್ತಿಕ ಹೆಚ್ಚಿನ ಮೊತ್ತವಾಗಿದ್ದವು.
ಇದನ್ನು ಬಿಟ್ಟರೆ ಉಳಿದ ಆಟಗಾರರು 10ರ ಗಡಿ ದಾಟಲು ವಿಫಲರಾದರು. ಇಡೀ ಟೂರ್ನಿಯಲ್ಲಿ ಉತ್ತಮವಾಗಿ ಆಟವಾಡಿದ್ದ ನಾಯಕ ಉದಯ್ ಸಹಾರನ್ 8, ಸಚಿನ್ ದಾಸ್ 9 ರನ್ಗಳಿಗೆ ಪೆವಿಲಿಯನ್ಗೆ ಮರಳಿ ನಿರಾಸೆ ಮೂಡಿಸಿದರು. ಎರಡು ಶತಕ ಬಾರಿಸಿದ್ದ ಮುಶೀರ್ ಖಾನ್ ಕೂಡ 22 ರನ್ಗಳಿಗೆ ಬೌಲ್ಡ್ ಆದರು.
ಇದನ್ನೂ ಓದಿ: ಪ್ರಧಾನಿ ಮೋದಿ ಭಾಷಣದಲ್ಲೇ ಉಳಿದ ಸಬ್ಕಾ ಸಾಥ್ ಸಬ್ಕಾ ವಿಕಾಸ್
ಉತ್ತಮವಾಗಿ ಬೌಲಿಂಗ್ ಮಾಡಿದ ಮಾಹ್ಲಿ ಬಿಯರ್ಡಮನ್ 15/3 ಹಾಗೂ ರಾಫ್ ಮ್ಯಾಕ್ಮಿಲನ್ 33/3, ಕ್ಯಾಲಮ್ ವಿಡ್ಲರ್ 35/2 ವಿಕೆಟ್ ಕಬಳಿಸಿ ಆಸೀಸ್ ಗೆಲುವಿನ ರೂವಾರಿಗಳಾದರು.
ಆಸೀಸ್ ಪರ ಹರ್ಜಸ್ ಸಿಂಗ್ ಅರ್ಧ ಶತಕ
ಇದಕ್ಕೂ ಮೊದಲು ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯ ನಿಗದಿತ 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 253 ರನ್ ಕಲೆ ಹಾಕಿತು. ಆಸೀಸ್ ಪರ ಭಾರತೀಯ ಮೂಲದ ಹರ್ಜಸ್ ಸಿಂಗ್ ಅರ್ಧ ಶತಕ ಮಿಂಚಿದರು. 64 ಎಸೆತಗಳಲ್ಲಿ 3 ಮೌಂಡರಿ ಹಾಗೂ 3 ಸಿಕ್ಸರ್ನೊಂದಿಗೆ 55 ರನ್ ಬಾರಿಸಿದರು.
ಇನ್ನುಳಿದಂತೆ ನಾಯಕ ಹಗ್ ವೈಬ್ಜನ್(48), ಆರಂಭಿಕ ಆಟಗಾರ ಹ್ಯಾರಿ ಡಿಕ್ಸನ್(42), ಆಲಿವರ್ ಪೀಕ್ (32) ರನ್ ಗಳಿಸಿ ತಂಡ 250ರ ಗಡಿ ದಾಟಲು ಕಾರಣರಾದರು.
ಟೀಂ ಇಂಡಿಯಾ ಪರ ರಾಜ್ ಲಿಂಬಾನಿ 38/3, ನಮನ್ ತಿವಾರಿ 55/2, ಸುಮಯ್ ಪಾಂಡೆ ಹಾಗೂ ಮುರುಗನ್ ಅಭಿಷೇಕ್ ತಲಾ ಒಂದೊಂದು ವಿಕೆಟ್ ಕಬಳಿಸಿದರು.
Australia on 🔝 in the #U19WorldCup 2024 Final!
📝: https://t.co/bm1iq6sxca pic.twitter.com/b2ugk3t1yl
— ICC (@ICC) February 11, 2024
