- 2 ವರ್ಷಗಳಲ್ಲಿ ಭಾರತಕ್ಕೆ ಎದುರಾದ 3ನೇ 10 ವಿಕೆಟ್ ಸೋಲು
- 234 ಎಸೆತ ಬಾಕಿ ಉಳಿಸಿ ನಿರ್ಣಾಯಕ ಪಂದ್ಯ ಗೆದ್ದ ಆಸ್ಟ್ರೇಲಿಯ
ಆಸ್ಟ್ರೇಲಿಯ ವಿರುದ್ಧದ ಏಕದಿನ ಸರಣಿಯ ಎರಡನೇ ಪಂದ್ಯದಲ್ಲಿ ಟೀಮ್ ಇಂಡಿಯಾ, 10 ವಿಕೆಟ್ಗಳ ಅಂತರದ ಹೀನಾಯ ಸೋಲು ಅನುಭವಿಸಿದೆ.
ವಿಶಾಖಪಟ್ಟಣದಲ್ಲಿ ನಡೆದ ಸರಣಿಯ ನಿರ್ಣಾಯಕ ಪಂದ್ಯದಲ್ಲಿ ಭಾರತ ಮುಂದಿಟ್ಟ 117 ರನ್ಗಳ ಸುಲಭ ಸವಾಲನ್ನು ಪ್ರವಾಸಿ ಪಡೆ, ಕೇವಲ 11 ಓವರ್ಗಳಲ್ಲಿ (121 ರನ್) ಯಾವುದೇ ವಿಕೆಟ್ ನಷ್ಟವಿಲ್ಲದೆ ಚೇಸ್ ಮಾಡಿತು.
ಅತಿ ಹೆಚ್ಚು ಓವರ್ಗಳನ್ನು ಬಾಕಿ ಉಳಿಸಿಕೊಂಡು (234 ಎಸೆತ) ಟೀಮ್ ಇಂಡಿಯಾ ಸೋತ ಪಂದ್ಯ ಎಂಬ ಕೆಟ್ಟ ದಾಖಲೆ ಭಾನುವಾರ ದಾಖಲಾಗಿದೆ. ಮತ್ತೊಂದೆಡೆ ಅತಿ ಹೆಚ್ಚು ಓವರ್ಗಳನ್ನು ಬಾಕಿ ಉಳಿಸಿಕೊಂಡು ಆಸೀಸ್ ಪಡೆ ದಾಖಲಿಸಿದ ಮೂರನೇ ಅತಿದೊಡ್ಡ ಗೆಲವು ಇದಾಗಿದೆ.
ತವರು ನೆಲದಲ್ಲಿ ಆಸ್ಟ್ರೇಲಿಯ ವಿರುದ್ಧ ಭಾರತ ದಾಖಲಿಸಿದ ಕನಿಷ್ಠ ಮೊತ್ತ ಮತ್ತು ಮೊದಲು ಬ್ಯಾಟ್ ಮಾಡುವ ವೇಳೆ ಟೀಮ್ ಇಂಡಿಯಾ ಒಟ್ಟುಗೂಡಿಸಿದ ಎರಡನೇ ಕನಿಷ್ಠ ಮೊತ್ತ ಇದಾಗಿದೆ.
2019ರಲ್ಲಿ ಹ್ಯಾಮಿಲ್ಟನ್ನಲ್ಲಿ ನಡೆದ ಪಂದ್ಯದಲ್ಲಿ ಭಾರತದ ವಿರುದ್ಧದ ನ್ಯೂಜಿಲೆಂಡ್ ಗೆಲುವಿನ ದಾಖಲೆಯನ್ನು ಆಸ್ಟ್ರೇಲಿಯ ಹಿಂದಿಕ್ಕಿದೆ. ಅಂದಿನ ಪಂದ್ಯದಲ್ಲಿ ಭಾರತ ಮುಂದಿಟ್ಟಿದ 92 ರನ್ಗಳ ಗೆಲುವಿನ ಗುರಿಯನ್ನು ಆತಿಥೇಯ ಕಿವೀಸ್ ಪಡೆ, 14.4 ಓವರ್ಗಳಲ್ಲಿ ಬೆನ್ನಟ್ಟಿತ್ತು. ಇದೀಗ ಆ ದಾಖಲೆಯನ್ನು ಸ್ಟೀವ್ ಸ್ಮಿತ್ ಪಡೆ ತನ್ನದಾಗಿಸಿಕೊಂಡಿದೆ. ಕಾಕತಾಳೀಯವೆಂದರೆ ಈ ಎರಡೂ ಸೋಲುಗಳು ರೋಹಿತ್ ಶರ್ಮಾ ನಾಯಕತ್ವದಲ್ಲಿ ದಾಖಲಾಗಿವೆ.
ಕಳೆದ ಎರಡು ವರ್ಷಗಳಲ್ಲಿ ಭಾರತಕ್ಕೆ ಎದುರಾದ 3ನೇ 10 ವಿಕೆಟ್ ಸೋಲು ಇದಾಗಿದೆ.
- 2021ರ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನದ ವಿರುದ್ಧ
- 2022ರ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ವಿರುದ್ಧ
ಸರಣಿಯ ಮೂರನೇ ನಿರ್ಣಾಯಕ ಪಂದ್ಯ ಮಾರ್ಚ್ 22, ಬುಧವಾರದಂದು ಚೆನ್ನೈನಲ್ಲಿ ನಡೆಯಲಿದೆ.
