ದೆಹಲಿಯ ಕ್ರೀಡಾಂಗಣದಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಭರ್ಜರಿ ಪ್ರದರ್ಶನ ನೀಡಿ 7 ವಿಕೆಟ್ಗಳಿಂದ ಗೆದ್ದು, ಎರಡು ಪಂದ್ಯಗಳ ಟೆಸ್ಟ್ ಸರಣಿಯನ್ನು 2-0ರಿಂದ ಕೈವಶ ಮಾಡಿಕೊಂಡಿತು. ಈ ಗೆಲುವಿನೊಂದಿಗೆ ಭಾರತವು ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಪಾಯಿಂಟ್ಗಳ ಪಟ್ಟಿಯಲ್ಲೂ ಮುನ್ನಡೆ ಸಾಧಿಸಿದೆ.
ವೆಸ್ಟ್ ಇಂಡೀಸ್ ನೀಡಿದ 121 ರನ್ಗಳ ಸಣ್ಣ ಗುರಿಯನ್ನು ಭಾರತವು 35.2 ಓವರ್ಗಳಲ್ಲಿ ಕೇವಲ ಮೂರು ವಿಕೆಟ್ ಕಳೆದುಕೊಂಡು ಪೂರೈಸಿತು. ಕೆ.ಎಲ್. ರಾಹುಲ್ 58 ರನ್ಗಳೊಂದಿಗೆ ಅಜೇಯನಾಗಿದ್ದು, ಸಾಯಿ ಸುದರ್ಶನ್ 39 ರನ್ಗಳನ್ನು ಪೇರಿಸಿದರು. ನಾಯಕ ಶುಭ್ಮನ್ ಗಿಲ್ 13, ಧ್ರುವ ಜುರೇಲ್ 6 ರನ್ಗಳನ್ನು ಗೆಲುವಿನಲ್ಲಿ ಕೊಡುಗೆಯಾಗಿ ನೀಡಿದರು.
ಮೊದಲ ಇನಿಂಗ್ಸ್ನಲ್ಲಿ ಭಾರತವು ಭರ್ಜರಿಯಾಗಿ 518/5 ರನ್ಗಳಿಗೆ ಡಿಕ್ಲೇರ್ ಮಾಡಿಕೊಂಡಿತು. ಯಶಸ್ವಿ ಜೈಸ್ವಾಲ್ 175, ಶುಭ್ಮನ್ ಗಿಲ್ ಅಜೇಯ 129, ಸಾಯಿ ಸುದರ್ಶನ್ 87 ಹಾಗೂ ನಿತೀಶ್ ಕುಮಾರ್ ರೆಡ್ಡಿ 43 ರನ್ಗಳ ಕೊಡುಗೆಯಿಂದ ತಂಡವು ಬಲಿಷ್ಠ ಮೊತ್ತ ಕಲೆ ಹಾಕಿತ್ತು.
ಇದಕ್ಕೆ ಉತ್ತರವಾಗಿ ವೆಸ್ಟ್ ಇಂಡೀಸ್ ಮೊದಲ ಇನಿಂಗ್ಸ್ನಲ್ಲಿ 248 ರನ್ಗಳಿಗೆ ಆಲೌಟ್ ಆಗಿ ಫಾಲೋಆನ್ ಪಡೆಯಿತು, ಕುಲದೀಪ್ ಯಾದವ್ 5 ವಿಕೆಟ್ಗಳನ್ನು ಕಸಿದುಕೊಂಡರೆ, ಜಡೇಜಾ 3 ವಿಕೆಟ್ಗಳನ್ನು ಪಡೆದರು.
ಇದನ್ನು ಓದಿದ್ದೀರಾ? ಆಸ್ಟ್ರೇಲಿಯಾ ಪ್ರವಾಸಕ್ಕೆ ಭಾರತ ತಂಡ ಸಿದ್ದ; ಶುಭಮನ್ ಗಿಲ್ಗೆ ನಾಯಕತ್ವ – ತಂಡಕ್ಕೆ ಮರಳಿದ ಕೊಹ್ಲಿ, ರೋಹಿತ್
ವೆಸ್ಟ್ ಇಂಡೀಸ್ ಫಾಲೋ ಆನ್ ಪಡೆದು ಎರಡನೇ ಇನ್ನಿಂಗ್ಸ್ನಲ್ಲಿ 390 ರನ್ಗಳನ್ನು ಗಳಿಸಿತು. ಜಾನ್ ಕ್ಯಾಂಪ್ಬೆಲ್ 115 ಮತ್ತು ಶೈ ಹೋಪ್ 103 ರನ್ಗಳ ಶತಕಗಳು ತಂಡಕ್ಕೆ ಹೋರಾಟದ ಆಸರೆಯಾದವು. ಜಸ್ಟಿನ್ ಗ್ರೀವ್ಸ್ ಅಜೇಯ 50 ರನ್ಗಳೊಂದಿಗೆ ಕೊನೆಯವರೆಗೂ ಆಡಿದರು. ಭಾರತದ ಬೌಲರ್ಗಳಲ್ಲಿ ಜಸ್ಪ್ರೀತ್ ಬುಮ್ರಾ 3 ವಿಕೆಟ್ಗಳನ್ನು ಕಿತ್ತರು.
ಫಾಲೋಆನ್ನ ನಂತರ ವಿಂಡೀಸ್ ಎರಡನೇ ಇನಿಂಗ್ಸ್ನಲ್ಲಿ ಉತ್ತಮ ಹೋರಾಟ ತೋರಿಸಿ 390 ರನ್ಗಳನ್ನು ಗಳಿಸಿತು. ಜಾನ್ ಕ್ಯಾಂಪ್ಬೆಲ್ (115) ಹಾಗೂ ಶೈ ಹೋಪ್ (103) ಶತಕಗಳನ್ನು ದಾಖಲಿಸಿದರು. ಆದರೆ ಬಮ್ರಾ ಮತ್ತು ಕುಲದೀಪ್ ತಲಾ 3 ವಿಕೆಟ್ಗಳನ್ನು ಪಡೆದು ಮುನ್ನಡೆ ಸಾಧಿಸಲು ತಡೆಯೊಡ್ಡಿದರು.
ಈ ಪಂದ್ಯವು ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ಗೆ ಸೇರಿದ್ದು, ಭಾರತಕ್ಕೆ 12 ಅಂಕಗಳು ಸಿಕ್ಕಿವೆ. ಈ ಗೆಲುವು ಭಾರತದ ಟೆಸ್ಟ್ ಕ್ರಿಕೆಟ್ನಲ್ಲಿ ಮತ್ತೊಂದು ಮೈಲುಗಲ್ಲಾಗಿದೆ.
