ಲಕ್ನೋದಲ್ಲಿ ಸೋಮವಾರ ನಡೆದ ʻಲೋ ಸ್ಕೋರಿಂಗ್ʼ ಹಣಾಹಣಿಯಲ್ಲಿ ಆರ್ಸಿಬಿ ಕೈ ಮೇಲಾಗಿದೆ. ಸಾಮನ್ಯ ಮೊತ್ತ ಪೇರಿಸಿದ ಬಳಿಕವೂ ಲಕ್ನೋ ತಂಡವನ್ನು ಅವರದ್ದೇ ಮೈದಾನದಲ್ಲಿ 108 ರನ್ಗಳಿಸಿಗೆ ನಿಯಂತ್ರಿಸಿದ ಆರ್ಸಿಬಿ, ಟೂರ್ನಿಯಲ್ಲಿ 5ನೇ ಗೆಲುವು ಸಾಧಿಸಿದೆ.
ಐಪಿಎಲ್ನ 16ನೇ ಆವೃತ್ತಿಯ 43ನೇ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 9 ವಿಕೆಟ್ ನಷ್ಟದಲ್ಲಿ 126 ರನ್ಗಳಿಸಿತ್ತು.
ಸುಲಭ ಗುರಿ ಮುಂದಿದ್ದರೂ ಸಹ ನಿರಂತರವಾಗಿ ವಿಕೆಟ್ ಕಳೆದುಕೊಳ್ಳುತ್ತಲೇ ಸಾಗಿದ ಲಕ್ನೋ ಸೂಪರ್ ಜೈಂಟ್ಸ್ ತಂಡ, 19.5 ಓವರ್ಗಳಲ್ಲಿ 108 ರನ್ಗಳಿಗೆ ಆಲೌಟ್ ಆಗುವ ಮೂಲಕ 18 ರನ್ ಅಂತರದಲ್ಲಿ ಸೋಲೊಪ್ಪಿಕೊಂಡಿತು.
Victory in Lucknow for @RCBTweets!
— IndianPremierLeague (@IPL) May 1, 2023
A remarkable bowling performance from #RCB as they bounce back in style 👏🏻👏🏻
Scorecard ▶️ https://t.co/jbDXvbwuzm #TATAIPL | #LSGvRCB pic.twitter.com/HBDia6KEaX
ಈ ಸುದ್ದಿ ಓದಿದ್ದೀರಾ?: ಐಪಿಎಲ್ 2023 | ಅಗ್ರಸ್ಥಾನಕ್ಕೇರಿದ ಗುಜರಾತ್; ಕೆಕೆಆರ್ ಪಡೆಗೆ ಆರನೇ ಸೋಲು
ಕೆಎಲ್ ರಾಹುಲ್ ಪಡೆಯ ವಿರುದ್ಧ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಅನುಭವಿಸಿದ್ದ ಸೋಲಿಗೆ, ಲಕ್ನೋ ತವರು ಮೈದಾನದಲ್ಲೇ ಗೆದ್ದು ಬೀಗುವ ಮೂಲಕ ಆರ್ಸಿಬಿ ಸೇಡು ತೀರಿಸಿಕೊಂಡಂತಾಗಿದೆ.
ಫೀಲ್ಡಿಂಗ್ ವೇಳೆ ಗಾಯಗೊಂಡು ಮೈದಾನ ತೊರೆದಿದ್ದ ನಾಯಕ ಕೆ.ಎಲ್. ರಾಹುಲ್, 19ನೇ ಓವರ್ನಲ್ಲಿ ಕೊನೆಯ ಬ್ಯಾಟರ್ ಆಗಿ ಆಗಮಿಸಿದ್ದು ಲಕ್ನೋ ತಂಡಕ್ಕೆ ಹಿನ್ನಡೆಯಾಯಿತು.
