ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಇಂದು ನಡೆದ ಐಪಿಎಲ್ನ 15ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಸೋಲನುಭವಿಸುವ ಮೂಲಕ ಅಭಿಮಾನಿಗಳಿಗೆ ತವರಲ್ಲೇ ನಿರಾಸೆ ಮೂಡಿಸಿದೆ.
ಲಕ್ನೋ ಸೂಪರ್ ಜೈಂಟ್ಸ್ ನೀಡಿದ್ದ 182 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಫಾಫ್ ಡು ಪ್ಲೆಸಿಸ್ ನೇತೃತ್ವದ ಬೆಂಗಳೂರು ತಂಡ, 19.4 ಓವರ್ಗಳಲ್ಲಿ 153ಕ್ಕೆ ಆಲೌಟ್ ಆಗುವ ಮೂಲಕ 28 ರನ್ಗಳಿಂದ ಸೋಲನುಭವಿಸಿದೆ.
ಲಕ್ನೋ ಸೂಪರ್ ಜೈಂಟ್ಸ್ನ ಕರಾರುವಕ್ಕಾದ ಬೌಲಿಂಗ್ಗೆ ಗುರಿ ತಲುಪಲು ಎಡವಿದ ಬೆಂಗಳೂರು, ತವರಲ್ಲೇ ಸೋಲುವ ಮೂಲಕ ನಿರಾಸೆ ಉಂಟು ಮಾಡಿದೆ.
4 overs, 14 runs, 3 wickets, 24 laser beams 🔥⚡pic.twitter.com/pw5NOSbdpM
— Lucknow Super Giants (@LucknowIPL) April 2, 2024
ಆರ್ಸಿಬಿ ಪರ ಇನ್ನಿಂಗ್ಸ್ ಆರಂಭಿಸಿದ್ದ ವಿರಾಟ್ ಕೊಹ್ಲಿ ಹಾಗೂ ಫಾಫ್ ಡು ಪ್ಲೆಸಿ ಉತ್ತಮ ಆರಂಭ ನೀಡುವಲ್ಲಿ ವಿಫಲವಾದರು. 16 ಎಸೆತಗಳಲ್ಲಿ 22 ರನ್ ಬಾರಿಸಿದ್ದ ವಿರಾಟ್ ಕೊಹ್ಲಿ ಸಿದ್ಧಾರ್ಥ್ ಮಣಿಮಾರನ್ ಎಸೆದ 5ನೇ ಓವರ್ನ ಮೊದಲ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದರು. ಸಿಂಗಲ್ ತೆಗೆಯುವ ಯತ್ನದಲ್ಲಿ ಫಾಫ್ ಡುಪ್ಲೆಸಿಸ್ ರನೌಟ್ ಆದರು. ಔಟಾಗುವ ಮುನ್ನ 19 ರನ್ ಗಳಿಸಿದ್ದರು.
A win at home followed by a win away from home for the Lucknow Super Giants! 👏👏
They move to number 4⃣ on the Points Table!
Scorecard ▶️ https://t.co/ZZ42YW8tPz#TATAIPL | #RCBvLSG pic.twitter.com/uc8rWveRim
— IndianPremierLeague (@IPL) April 2, 2024
ಆರ್ಸಿಬಿ ಪರ ಉಳಿದಂತೆ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಬಂದ ಲೋಮ್ರೋರ್ 13 ಎಸೆತಗಳಲ್ಲಿ 33 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿದರು. ರಜತ್ ಪಾಟೀದಾರ್ 29 ರನ್, ಅನುಜ್ ರಾವತ್ 11 ರನ್ ಗಳಿಸಿದರು.
MAYANK YADAV, YOU ABSOLUTE SUPERSTAR!!! 🥶
W,1,0,W,1,4,0,0,4,W,0,1L,0,2,0,1,0,0,0,W,0,0,0,1 – 3/14 in 4 overs.
– POTM in the last match and now 16 dot balls tonight in a 182 chase, he’s making an incredible impact! 💥 pic.twitter.com/cN0cSEFMG9
— Mufaddal Vohra (@mufaddal_vohra) April 2, 2024
ಲಕ್ನೋದ ಯುವ ಬೌಲರ್ ಮಯಾಂಕ್ ಯಾದವ್ ಬೌಲಿಂಗ್ಗೆ ರನ್ ಗಳಿಸಲು ಪರದಾಡಿದ ಆರ್ಸಿಬಿಯ ಪ್ರಮುಖ ಮೂವರು ಬ್ಯಾಟರ್ಗಳು ವಿಕೆಟ್ ಒಪ್ಪಿಸಿದರು. ಮಯಾಂಕ್ ಯಾದವ್ ನಾಲ್ಕು ಓವರ್ಗಳಲ್ಲಿ ಕೇವಲ 14 ರನ್ ನೀಡಿ 3 ವಿಕೆಟ್ ಕಿತ್ತು ಮಿಂಚಿದರು.
ಉಳಿದಂತೆ ಲಕ್ನೋ ಪರ ನವೀನ್ ಉಲ್ ಹಕ್ 2, ಸ್ಟೋಯ್ನಿಸ್, ಸಿದ್ಧಾರ್ಥ್, ಬಿಷ್ಣೋಯ್ ಹಾಗೂ ಯಶ್ ತಲಾ ಒಂದೊಂದು ವಿಕೆಟ್ ಹಂಚಿಕೊಂಡರು.
ಆರ್ಸಿಬಿ ಈ ಸೋಲಿನೊಂದಿಗೆ ಈವರೆಗೆ ಆಡಿದ ನಾಲ್ಕು ಪಂದ್ಯಗಳ ಪೈಕಿ ಮೂರರಲ್ಲಿ ಸೋತಿದ್ದು, ಕೇವಲ ಒಂದರಲ್ಲಷ್ಟೇ ಗೆಲುವು ಪಡೆದಿದೆ.
